محتار بين توسان او سبورتاج او كادجار او قاشقاى

[sonah4ever]

عايز اشترى عربية عالية و محتار بين توسان و سبورتاج و قاشقاى و كادجار
اهم حاجة عندى تبقى عربية اعتمادية و قيمة مقابل السعر ممتازة و مفيش مشاكل فى الفتيس لو حبيت ابيع مخسرش كتير
ان شاء الله حشترى الفئة التانية فى اى واحدة فيهم .

[sonah4ever]

مفيش حد بقى بيرد زى الاول و ممكن تلاقى الموضوع من غير رد شهور . حصل ايه لتفاعل الاعضاء !!!

[abokoko]

لو اعرف كنت رديت معلوماتى الوحيدة تنحصر فى اللادا السيدان بس مش النيفا ال4*4------بهزر و اعمل مشاركة لتنشيط الموضوع تقبل تحياتى

[sonah4ever]

شكرا على اهتمامك و كل سنة و انت طيب

[salam100100]

لو حبيت ابيع مخسرش كتير
الاجابه الكورى ثم اليبانى ثم الفرنساوى
دا السوق المصرى

[أحمد عثمان]

إعادة البيع التوسان
الاعتمادية السبورتاج
الوسط بين الاتنين اللي فوق القشقاي
القيمة مقابل السعر الكادجار
رأيي المتواضع لو حبيت تاخد بيه إبعد تماما عن التوسان لأنها أبعد ما تكون عن الاعتمادية
و خليك في القشقاي
بالتوفيق إن شاء الله

[hokaboka]

إعادة البيع التوسان
الاعتمادية السبورتاج
الوسط بين الاتنين اللي فوق القشقاي
القيمة مقابل السعر الكادجار
رأيي المتواضع لو حبيت تاخد بيه إبعد تماما عن التوسان لأنها أبعد ما تكون عن الاعتمادية
و خليك في القشقاي
بالتوفيق إن شاء الله

القشقاي طبعا محققة المعادلة الصعبة ...الكادجار هي هي موتور القشقاي و مواصفات و تقفيل افضل ولكن ملهاش سوق في إعادة البيع و هو ده السوق المصري للاسف..

[akmm]

قاشقاى ................وريح نفسك

[miam0502788391]

التوسان هى هى السبوتاج نفس الموتور نفس التعليق الاتنين واحد مع اختلاف الاسم هنا الأمر يتوقف على الشكل والوكيل
القاشقاى والكادجار عربية واحدة وحتى نزول محرك آخر غير محرك التيربو 1200 سى سى فأنا لا افضلها
لو بختار بدون تردد هختار الفئة التوب من ال
توسان بمحرك 1600 التيربو

[abdulrhmngalaa]

السلام عليكم
انا كان معايا توسان 2000 سي سي موديل 2012 بس في السعودية و كنت حابب شكلها جدا
و بفاضل دلوقتي بين ix35 او سبورتاج او كاشكاي موديلات من 2012 الي 2015 او تيفولي 2017 او زيرو
الحاكم عايا الفلوس طبعا هيبقي في حدود 340 الف
الكادجار اسبعدتها لسببين:
الاول سعرها اعلي من امكانياتي
ثانيا: سمعتها مش حلوة من حيث الصيانات و اسعارها
اتمني تفيدوني في المقارنة دي علما بأن:
1ز لو علي الشكل الكاشكاي و الix35 شكلهم قريب من بعض و انا حابب الشكل ده لانه ركبته 3 سنين قبل كده
2. لو علي الوكيل يبقي السبورتاج احسنهم
3. لو علي الاعتمادية اعتقد التلاتة زي بعض
4. لو علي اعادة البيع و من حيث اني بدور اصلا اعتقد ان السبورتاج ماسكة نفسها كسعر اكتر من الix35 و في الاخر الكاشكاي سعرها بينزل كتير
كل ده و التيفولي مازالت بديل كويس

[TAREK M]

لو المقارنة بين التوسان و سبورتاج يبقى التوسان تكسب
لو المقارنة بين قاشقاى وكادجار الإتنين زى بعض بس كادجار تكسب عشان أرخص