مقارنة واقعية بين السوبارو امبريزا و الفورد فوكاس (Impreza Vs Focus)

[amelsahn]

يا جماعه أفتونى... أيهما أفضل مع العلم ان اسرتى مكونة من 5 أفراد و بنسافر كتير و لا أفكر فى سعر إعادة البيع (Resale Value).

سوبارو امبريزا سيدان
F/O - A/T
145,000

فرد فوكاس سيدان
F/O - A/T
145,000

و ياريت توضيح سبب الإختار

______________
جزاكم الله خيراً

[M.Mokhtar]

العربيتين مالهومش حل
بس سوقهم فى مصر تعبان وكله بيتخوف من قطع غيارهم وصيانتهم

كشكل بيتعجبنى الفوكس اكتر
كاداء طبعا امبريزا
ككماليات الاتنين مايتخيروش عن بعض

[ahmad7610]

أعتقد الفوكاس أغلى من كده أو حضرتك تقصد الفوكاس الاوتو الكاملة اللى من غير فتحة سقف .... وكمان الامبريزا الاوتوماتيك الكاملة بقت 145000 و الRk اللى ب 8 ايرباج و سخانات كراسى بقت ب 150000 ...
-
العربيتين فيهم نفس العيوب من انخفاض السعر عند البيع و قطع غيار و صيانة بالتوكيل فقط .. يمكن الفوكاس فى مراكز صيانة خارج التوكيل الأصلى لكن برضه مش أى حد بيفهم فيها ..
-
الفوكاس الجديدة شكلها فخم من الامام لكن من وراء مش عاجبانى قوى
ومن جوه الخامات جيدة جدا فى العربيتين لكن الامبريزا من جوه تابلوه أفخم
-
رأيى تشوف العربيتين فى توكيلاتهم وتحجز test drive لهم
وتشوف انت ارتحت لمين فيهم ..
-
العربيتين تقريبا زى بعض فى كل حاجة ... فقط الفوكاس بتنزل بفتحة سقف فى الموديل الأعلى و السوبارو مفيش موديل فيه فتحة سقف
-
رأيى الشخصى امبريزا ..
عفشة أقوى - ثبات أفضل - يابانى 100% - توكيل ممتاز

[amelsahn]

م/ محمد مختار... شكراً على الرد و حضرتك أكدت ان أنا لى حق اتلخم مابينهم :-)

[amelsahn]

Ahmed7610... أنا اصلاً معايا امبريزا 2007 اوتوماتيك و عمرى ما كنت بافكر اغيرها... العربيه فعلاً فيها كل حاجه تقريباً (غير مثبت السرعة) و فعلاً تحببك فيها... الظروف هى اللى فرضت عليا.
على العموم أنا سألت علي الأثنين و زى مانتا بتقول فعلاً الفوكاس بفتحة سقف ب 150 و الإمبريزا الRK بارده ب 150 و الفوكاس من غير فتحة السقف ب 145... يعنى من الأخر فى نفس المستوى تقريباً.
اللى مخلينى أميل شويه للفوكاس انها أكبر و مع ان هما الأثنين عاملين نفس الحركة الغبية بتاعت تبديل الأستبن الصب بالهواء لاكن شنطة الفوكاس مازالت اكبر.
على العموم شاكر لمشاركتك و ربنا يوفق الجميع:-)

[r0xer]

الفورد فوكاس ليها تجارب سيئة جدا مع بعض الاعضاء هنا...ياريت تبحث عنها لانها مقلقة جداً قبل ما تنوي الشراء.

وبالتوفيق في اختيارك ان شاء الله .

[ouba2]

انا رايي الامبريزا افضل من ناحية الاداء و التحمل و الثبات

[KHALED AYMAN]

انا رأيى الفوكاس لان صاجها قوى انما الامبريزا صاجها ضعيييييف جدا و اضعف من القديمه الى مع حضرتك(فى ناس هنا اكدتلى الموضوع ده) الشكل ده يرجع ليك انت و لو انى شايف الفوكاس احلى من جوا و برا .
فعلا فى تجربه سيئه لاحد الاعضاء هنا مع الفوكاس دور و اسأل و اهم حاجه تتفلرج و تشترى الى ترتاحله.

[ouba2]

صلي استخارة و اتوكل علي الله

[amelsahn]

صلي استخارة و اتوكل علي الله

إن شاء الله بإذن الله أول ما ابقى جاهز للشراء لازم طبعاً استخارة علشان مافيش حاجة بتحصل الا بتوفيق ربنا

الفورد فوكاس ليها تجارب سيئة جدا مع بعض الاعضاء هنا...ياريت تبحث عنها لانها مقلقة جداً قبل ما تنوي الشراء.

وبالتوفيق في اختيارك ان شاء الله .

انا رأيى الفوكاس لان صاجها قوى انما الامبريزا صاجها ضعيييييف جدا و اضعف من القديمه الى مع حضرتك(فى ناس هنا اكدتلى الموضوع ده) الشكل ده يرجع ليك انت و لو انى شايف الفوكاس احلى من جوا و برا .
فعلا فى تجربه سيئه لاحد الاعضاء هنا مع الفوكاس دور و اسأل و اهم حاجه تتفلرج و تشترى الى ترتاحله.

هى فعلاً فى موضوع فى المنتدى بتاع فورد عن واحد و صاحبه طلع عينهم مع الوكيل و العربيات اللى معاهم طلعت مقلب، و لما بصيت على المنتدى بتاع سوبارو لقيت واحد بارده نفس الحكاية... من أول ابو غالى لحد المهندسين اللى فى الصيانة تقريباً باعوله الترماى رغم ان الراجل شكله فاهم ميكانيكا كويس بس انا بقول ان سواء تجربة ده أو ده هي الأستثناء خصوصاً انها مش شكوى عامه.
أنا حابب السوبارو جداً بس بصراحة حاسس ان الجديدة مش زى القديمة فعلاً... يعنى مثلاً هى طول عمرها لها ستايل مميز فى الشكل غير بقية اليابانى بس الجديده لأ... الجزء الخلفى بتاعها بالفوانيس حسسنى انها عاملة زى الكيا مثلاً (مش بعيب فى الكيا بس هى مش سوبارو).
أنا بس نفسى حد يفتى لنا فى صيانة الفوكاس، اسعارها و الأعتمادية بتاعة قطع الغيار و الكلام ده
على العموم شكراً للمشاركة و يرزقنا و إياكم حتة Bugatti Veyron كده وللا حاجه

[ahmad7610]

انا رأيى الفوكاس لان صاجها قوى انما الامبريزا صاجها ضعيييييف جدا و اضعف من القديمه الى مع حضرتك(فى ناس هنا اكدتلى الموضوع ده) الشكل ده يرجع ليك انت و لو انى شايف الفوكاس احلى من جوا و برا .
فعلا فى تجربه سيئه لاحد الاعضاء هنا مع الفوكاس دور و اسأل و اهم حاجه تتفلرج و تشترى الى ترتاحله.

-
هو فعلا صاج الامبريزا الجديدة مبقاش ناشف زى القديمة .. رغم ان الجديدة أثقل من القديمة فى الوزن
-
لكن عوامل الأمان فى العربية هى هى 5 نجوم .. بالعكش درجات الاصطدام الجانبى ( لاقدر الله * أعلى من القديمة ..
-
فى عربية واقفة أمام صيانة جسر السويس ( لاقدر الله ) ( ربنا يسترها معانا جميعا و الله يكون فى عون صاحبها )
عاملة حادثة من الأمام و هى هاتشباك وواضح انها حادثة جامدة لان الواجهة شبه ضايعة و الايرباج فتحت .. لكن الملاحظ ان الخبطة لم تصل للكابينة باى شكل من الاشكال .. ده حتى الابواب لم تفارق مكانها ولا ب .نص سم .. (بجد بسم الله ما شاء الله ) والكابوت واضح ان فيه اماكن للانهيار الذاتى لتوزيع الصدمة للاجناب و كذلك الرفارف .. لان بعد العجل الأمامى مفيش أثار للخبطة نهائى ..
-
مرة شفت لانسر شارك وكانت مخبوطة من الأمام و يدوب فوانيس و تطبيقة من الامام فى الكابوت و كان صاحبها ماشى بيها عادى .. لكن والله كانت الأبواب الخلفية مفارقة عن مكانها و الرفرف الأمامى طالع للجنب خرج من مكانه ..
-
انا معرفش الفوكاس عاملة ايه فى الأمان لكن أكيد مش حتبقى أحسن من السوبارو ممكن تبقى زيها ..

[amelsahn]

-
انا معرفش الفوكاس عاملة ايه فى الأمان لكن أكيد مش حتبقى أحسن من السوبارو ممكن تبقى زيها ..

الفوكاس أعتقد واخده برده 4 نجوم فى الsafety زى السوبارو

[ahmad--ezzat]

أعتقد رأيى الشخصى امبريزا ..
عفشة أقوى - ثبات أفضل - يابانى 100% - توكيل ممتاز

ثبات افضل ..... طب ازاى
لا تعليق

[M.Mokhtar]

ثبات افضل ..... طب ازاى
لا تعليق

السوبارو AWD المفروض تبقى ثبات احسن فى المناورات

[ouba2]

السوبارو اكيد ثباتها احسن