byd ولا فيرنا أفيدونا يا أهل الخبرة

[esam]

السلام عليكم ورحمة الله
يا أخوانا عايز نصيحتكم لاني مستخير وإلى حد كبير هيكون قراري بناء على كلامكم..
انا عايز عربية تكون قوية تستحمل سفري إلى الصعيد ويكون فيها تكييف وباور في حدود 65 الف فقلت اشتري فيرنا ولقيت في ناس بالموقع بتشكر فيها، بس حد قالي على الbyd وان عفشتها احسن وموتورها افضل وسألت لقيت الفاضية منها تكيف وباور فقط عاملة 67 الف بس موديل 2008، اللانوس حلوة اكيد بس لو جبتها يبقى هاجيب 2008 لان الجديد منها 2009 بقى تبع شيفورليه وأنا مقاطع المنتجات الأمريكيةن فمش هاجيبها حتى مع كلام العولمة ورأس المال المتحرك وغيره..
فكده ارجو منكم النصيحة بين الفيرنا أو الbyd أو لانوس 2008
او عربية مستعملة كويسة بالمبلغ وان كنت بخاف من المستعمل
وجزاكم الله خيرا كثيرا

[mr_kenawy]

1- lanos
2- verna
3- byd

[احمد عز]

1-verna
2-byd
3-lanos

[Abo el-Seoud]

1- lanos
2- verna
3- byd

+100000000

[M.Osman]

1-verna
2-byd
3-lanos

غريبة جدا من واحد معاه افيو !

انا رأيي :
فيرنا
لانوس
BYD ... مهما كان العربية موترها اية و الكلام دا .. انا اخاف استثمر فيها فلوسى بصراحة :)

[ezzatfox]

فيرنا
لانوس
byd مغرية و لكن ؟؟؟؟؟

[Hosam_Optrawy]

فيرنا
بس سيبك انت
بجد انا عجبتنى اوى جملة انك مقاطع المنتجات الامريكيه
بجد أحييك
وياريت تكون مقاطع المنتجات كلها مش العربيات بس

[mokhtar]

فيرنا او لانوس انما الbyd دى بصراحه غاليه اوى وفى الاول والاخر صينى وياترى بعد 3 او 5 سنين هتبقى عامله ازاى





..mokhtar..

[magyver]

بصرااحة فيرنا او لانوس

[mk20022002]

استنى شوية وربنا يسهل يمكن تجيب بال 65 حاجة اعلى من كدة .
لو الحلم تحقق .. للمشاركة بالحلم

http://www.nilemotors.net/Nile/showthread.php?t=51715

[myatooooo]

يا سلام منتج اية اللى امريكى اللانوس كانت كورى وبقت مصرى ماتور وعفشة كورى ملهاش اى علاقة بأمريكا وجرب ادخل على موقع جينرال موتورز www.gm.com وانت تعرف المنتجات الأمريكية ومش معنى ان الشركة اشترت دايو الا ان اللانوس انتاج مصرى وللشعب المصرى من انتاج منصور روح المصنع فى ك 28 مصر اسكندرية وانت تشوفها هناك وهية ببتقفل

[Terrible_DaRsH]

تعاون معنا واصبر لما الاسعار تنزل ..

[memo_p910]

ياراجل انت بتفكر في نفسك بس ده بدل ماتشاركنا حملة دعوها تصدي للقضاء على جشع الحكومه والتجار خليك معانا وان شاء الله تجيب لانسر او كورولا

[SAMER_ENGINES]

أولاً: رأيي تنتظر و تقاطع الشراء من الأصل مش تقاطع المنتجات الأمريكية و الكلام الفاضي اللي ميجيبش همه ده و لما تيجي تقاطع قاطع في شئ مفيد و قاطع في شئ في مصلحتنا كلنا و هو مقاطعة الشراء من الأصل ثم اني العربية معمولة في جنرال موتورز ايجيبت و بعدين حتي لو معمولة في قلب امريكا البيع و الشراء يا حبيبي مفيش فيه عواطف و لا احاسيس و لو كنت تاجر او رجل اعمال (و ده واضح من كلامك عن السفر بالعربية و كدة) فأنا مستغرب ازاي دي وجهة نظر تاجر او رجل اعمال بصراحة متزعلش مني البيع و الشراء لا يوجد فيه عواطف و بعدين انت حترمي 67000 جنيه يعني مش مبلغ قليل.

ثانياً: لما تشتري طبعا اللانوس اولا و تليها الفيرنا و لا انصح بالـ Byd و خاصة بعد ما قلت سعرها بصراحة سعر عالي جدا علي عربية فاضية و كمان غير معروفة و سيبك من موتور كذا و عفشة كذا و يارب تكون موتور جاجوار ليه أصلا ارمي فلوسي في عربية انا مسمعتش عنها و جايز حد يكون معاه عربية Byd و حظه كان حلو و العربية كويسة معاه بس انا شخصيا لو حشتري يبقي الترتيب التالي:-
1- لانوس.
2- فيرنا.

[moh_kamal67]

اول حاجة انت مستريح لايه
انا فكرت كالتالى : لانوس ولا فيرنا ولا صينى
خفت من الصينى وكنت موش مقتنع بالانوس ومتردد مابين فيرنا ولا فيفا ولا i10
استبعدت الi10 لانها اصغر من الفيرنا ولم يعجبنى شكل الفيفا وحسيت ان الفيرنا اشيك واكبر
ولما سألت فى التوكيل قاللى ان الفرق بين 1500 وال1600 الف جنيه
طيب مين احسن قالى 1600 طبعا موتور بتاع النترا 2005 104 حصان 16 صمام مرعب
رجحت الفيرنا
هى معاى دلوقت من نصف شهر 5 اللى فات
الموتور مرعب والعربية جميلة بس التقفيل الكورى بيبقى انعم
لازم تغير لها الجنوط اول ما تجيبها ولازم التقفيل المصرى يكون فيه خمسة تفويت
لو ما يهمكشى الحجم فi10 والبيكانتوا تحفة لانهم تقفيل كورى ولكن سعرهم يقارب الفيرنا
الفيرنا تكسب فى قوة الموتور والوسع لكن الكورى يكسب فى النعومة والسلاسة ودقة التقفيل
ولك الاختيار ومبروك مقدما
فيه عربية هونداى اسمها i20 لسة منزلتش هاتبقى تحفة ولكن سعرها هايبقى زى الاكسنت الكورى من 80الف وطالع