محتااااااااااااار.....يا أهل الخبره,ساعدوووني...انا تعبت

[ramyfaris]

انا عاوز اشتري عربيه ياباني اوتوماتيك و1300cc
وتكون في حدود 80 الي 90الف.....محتااار بين الأربعه دول....قلت اسأل مجرب
1.هوندا سيتي......قالولى قطع الغيار وكمان تايلندي وكمان هي الأغلي

2.لانسر...........قالولي سحب الاوتوماتيك بتاعها شلللللل وبيني مابينكم انا مبحبش العربيه بتاعتي تكون مرطرطه كده زى ال128 وده غير حكايه خليجي ولا مصري واالي بيحصل فيها نصب كبيير

3.ياريس.........قاللولي دي عربيه ورق ومالهاش علاقه بتويوتا خالص واللي يشوف الاكو دلوقت يعرف حال الياريس هيبقى ايه بعد كام سنه

4.سيريون.......قاللولي واطيه عالأرض وعربيه تحسها لعبه والتابلوه بتاعها فعلا مسخره وكفايه عداد ال rpm شكله زى المنبه لكن انا منكرش انها الأرخص والأكثر كماليات يعنى زى ABS

آسف للاطاله......مع العلم انى عاوز اجيبها لابنى الشاب عنده 25 سنه
ساعدوني وجزاكم الله كل خير....وشكرا

[Karim_Monir]

يبقي الحل الوحيد في كل دول لو بالترتيب
سيتي
سريون
ياريس
لانسر

بس ليه 1300 اتوماتيك لشاب صغير
ما تجيبلة مانيوال احسن

[Sharky]

ياريس طبعا شبابية و سحبها أحلى من لانسر 1300 و التكييف بتاعها مابيأثرش على السحب و دا عن تجربة السيارتين.

1- ياريس .
2- لانسر .
3- سيريون .
4- سيتى .

[fahd_628]

و ممكن تفكر كمان فى الجين 2 ب 90 الف

بس انا من رأى لو من الى انت مختارهم ياريس

[محمدايهاب]

اليارس ثم الاتسر ثم السيتي ثم السريون

[معاذ الشرباصى]

صراحة بما انها اتوماتيك, السريون لا يعلى عليها فى الاتوماتيك

اكتر من ممتازة (جربت عربية ابو عبد الله)

ده غير انها عربية هاتشباك ملمومة و ابعادها سهلة و سهلة السواقة, خاصة لو ابنك لسه بيتعلم

و كمان تمنها ب 85 الف فيها جنوط, و ABS, EBD, cd player ده غير التجهيزات اللى فيها

مفيس و لا عربية من اللى انت مختارهم فيها التجهيزات اللى فى السيريون و بسعر قريب

انا رأى لو عاوزها 1300 و اتوماتيك يبقى الترتيب

1- سريون
2- ياريس
3- سيتى
4- لانسر

[M_Abdallah]

رأي الشخصي 1-ياريس 2-سيتي 3-لانسر 4-سريون.










_____________
محمد عبدالله

[عبد الرحمن اسامه]

ماتيريا

[Adham]

انا رأيي الجن2 البروتون احسن منهم و عربية كويسة عنهم

لان الياريس عربية تويوتا ااة بس تجميع الصين
و اللانسر ال 1300 عندنا واحدة في البيت حلوة بس يا تجيبها مانيوال يا تزود و تجيب ال1600 لانها كلبة في السحب
وحكاية انها مرطرطة دي ليها ميزة ان قطع غيارها متوفرة و كلة فاهم فيها ماهياش عربية نادرة و عجبة محدش بيفهم فيها

[أبوسيف]

لان الياريس عربية تويوتا ااة بس تجميع الصين

مين قال ان الياريس ببتجمع فى الصين؟ جبتها منين المعلومة دى؟ اللى أعرفه انها يابانى 100%
لو عندك مصدر يأكد المعلومة دى ياريت تقولنا عليه.

[محمد ابراهيم 1]

أولا الياريس يابانى بس شكلها مبيعجبنيش خالص وهى مسأله أذواق
ثانيا الياريس هى سياره تويوتا منخفضه التكاليف على الرغم من انها بنفس المحرك ولكن لا يصح الحكم عليها بناء على سمعه الكورولا
ثالثا المقدمه الخاصه بالياريس وإن كانت تجعل السياره آمنه فى الحوادث وذلك من درجاتها لكنها تجعل أى حادث تكلفته شديده
نصيحه هات كورولا كسر زيرو ممكن جدا تجيبها فى حدود 90 وتكون موديل 2006 ومش ماشيه كتير

[Sharky]

لان الياريس عربية تويوتا ااة بس تجميع الصين

هذه المعلومة خاطئة تماما الياريــــس يابانى 100%

[Adham]

والله اللي قاللي كدة معرض سيارات كبير و اعرفهم كويس قاللي ان الياريس كلة صيني و ان الكروللا كلة ياباني 100%

[أبو عبدالله]

والله اللي قاللي كدة معرض سيارات كبير و اعرفهم كويس قاللي ان الياريس كلة صيني و ان الكروللا كلة ياباني 100%

اسف ولكن ده بيهزر لا بيستهبل ده اللي اقدر اقوله لأنه لو شغال في السيارات مكنشي قال الكلام ده

[hero]

ممكن تروح التوكيل تسأل هناك الياريس ياباني ولا صيني ....لان اغلب ايلي واقفين في المعارض مش عارف العربية اصلا جر امامي ولا خلفي ...ولا اية كماليتها من عدمة ...غالبا بيكونوا لخدمة المعرض....ومش للمبيعات....
ولو كان ايلي قال كدة مسؤل المبيعات تبقي كارثة!!