أيهما أفضل سيتى - ياريس - لانسر - سريون

[ramyfaris]

انا عاوز اشتري عربيه ياباني اوتوماتيك و1300cc
وتكون في حدود 80 الي 90الف.....محتااار بين الأربعه دول....قلت اسأل مجرب
1.هوندا سيتي......قالولى قطع الغيار وكمان تايلندي وكمان هي الأغلي

2.لانسر...........قالولي سحب الاوتوماتيك بتاعها شلللللل وبيني مابينكم انا مبحبش العربيه بتاعتي تكون مرطرطه كده زى ال128 وده غير حكايه خليجي ولا مصري واالي بيحصل فيها نصب كبيير

3.ياريس.........قاللولي دي عربيه ورق ومالهاش علاقه بتويوتا خالص واللي يشوف الاكو دلوقت يعرف حال الياريس هيبقى ايه بعد كام سنه

4.سيريون.......قاللولي واطيه عالأرض وعربيه تحسها لعبه والتابلوه بتاعها فعلا مسخره وكفايه عداد ال rpm شكله زى المنبه لكن انا منكرش انها الأرخص والأكثر كماليات يعنى زى ABS

آسف للاطاله......مع العلم انى عاوز اجيبها لابنى الشاب عنده 25 سنه
ساعدوني وجزاكم الله كل خير....وشكرا

[أبو عبدالله]

انا هرد للي ليا

اللي قالك ان السيريون دي واطيه واحد مركبش العربيه ولا جربها في حياته
العربيه والله شهادة لله عاليه جدا على المطبات

[M_Abdallah]

رأي هات الياريس.






_________________
محمد عبدالله

[م/محمد]

استفسار صغير
منين بتقول ان مش عايز عربيتك تبقي مرطرطه زي ال128 (وانت يتتكلم عن اللانسر) وبعدين تقول دي لابني
ياريت توضح العربيه دي لابنك ولا ليك
لو ليك يبقي انت حر تختار الشكل الي يريحك
اما لو كانت لابنك فمفيش حاجه هتستحمل زي اللانسر وفي الحاله دي اساله هو اذا كان شكلها عاجبه ولالا

[ramyfaris]

لا دي لابني مش ليا.......وشكرا على الرد يا بشمهندس محمد

[modux]

لانسر و توكل علي الله عربية حلوة و شديدة

[nona_never_lost]

لانسر طبعا بس زميلى فى الشغل اقلى ان عفشتها وحشة وقطع غيارها غالية بس كل اليابانى كدة

[أبو ياسين]

yaris