محتار في الاختيار

[waleeded]

برجاء المساعده في اختيار عربيه على الزيرو في الفئة من 100 ألف الى 125 الف:
انا محتار بين التيدا - اللانسر الشكل القديم 1600 - النترا - النيسان الصني - الأوبترا

عوامل التقييم من وجهة نظري هي:
1- مدى ملائمة إمكانيات السيارة لسعرها
2- كفاءة السيارة داخل المدينة وخارجها
3- سعر قطع الغيارومدى توافرها خارج الوكيل
4- الوكيل
5- سعر اعادة البيع
6- امكانيات السيارة الحديثة (التابلوه - الفرامل - ايرباج - الفوانيس ...)
7- أي نقاط أخرى من اختياركم

وشكرا جزيلا

[Hosam_Optrawy]

السلام عليكم
انا هتكلم عن نقطه نقطه من اللى حضرتك ذكرتهم ويارب افيدك
اولا بالنسبه لملائمة كل عربيه وسعرها فالاول هنقول الاسعار
وانا هاقول اسعار الاوتوماتيك
التيدا 114 وكمالياتها الكماليات العاديه ( سنتر - زجاج كهربا - مرايات كهربا ... الخ ) + فرامل ABS و Air Bag
اللانسر 114 وكمالياتها الكماليات العاديه ( سنتر - زجاج كهربا - مرايات كهربا ... الخ ) + فرامل ABS و Air Bag
النترا 105 وكمالياتها الكماليات العاديه ( سنتر - زجاج كهربا - مرايات كهربا ... الخ ) ولا يوجد فرامل Abs ولا Air Bag
صنى 93 وكمالياتها الكماليات العاديه ( سنتر - زجاج كهربا - مرايات كهربا ... الخ ) ولا يوجد فرامل Abs ولا Air Bag
اوبترا 97 وكمالياتها الكماليات العاديه ( سنتر - زجاج كهربا - مرايات كهربا ... الخ ) ولا يوجد فرامل Abs ولا Air Bag
اذن العربيات الاغلى اغلى عشان يابانى وفيها عوامل الامان
والصنى والاوبترا اسعارهم متقاربه
واللى مبالغ فيها شويه النترا

ثانيا كفاءة السياره
كلهم عربيات ناجحه ومعروفه ومواتير 1600 وقويه

ثالثا اسعار قطع الغيار اكيد اليابانى اغلى من الكورى وتوافرها خارج التوكيل اكيد لانسر

رابعا الوكيل
هيونداى اسوأ توكيل والاوبترا ممتاز واللانسر كويس دول اللى جربتهم

سعر اعادة البيع
التيدا اتقل واحده فيهم فى البيع

امكانيات السياره وحداثتها
اللانسر والصنى اشكال قديمه وتابلوهها هو هو من سنين
فى النقطه دى الالنترا تكسب اجدد شكل فيهم وتابلوه شيك وجديد واقوى موتور 121 حصان

قارن بينهم وشوف احتياجاتك ايه وانزل اتفرج على كل واحده كويس وربنا يوفقك فى الاختيار

[ahm3d ham>ed]

والسيراتو فيها كل طلباتك
معادا اعادة البيع لو انت العربية مابتقعدش معاك كتيرر

[waleeded]

السلام عليكم

جزاك الله خيرا على الرد السريع الوافي.