ايـــــــــــــ رأيكم ـــــه فى السيارة سايبا الايرانية

[fahd_ssss]

ارجوا منكم الافادة وضرورى بجد قبل ما اددبس

اشتريها ولا ابعد عنها خالص واللى خلانى افكر فيها سعرها

وانها من الجيل الجديد نظام حقن يعنى موفرة للوقود ومكيف والذى

منه ارجو النصح ولكم جزيل الشكر

اه نسيت اقولكم على السعر كام هى 46500 هستنى ردودكم

[ramyfawzy]

على فكرة يا باشا
46500 ده سعر الفاضية (سنتر لوك فقط لاغير)
51500 (تكييف + باور + سنترلوك)
54000 (جميع الكماليات + جنوط سبور)
روح اركب العربية وشوف نفسك مرتاح نفسيا فيها ولا لأ
على فكرة هما غيروا شكل الفوانيس الامامية والخلفية والشبكة
بس تقريبا نفس الموتور والعفشة بتاعت نفس الموديل لـ 2005
وربنا يوفقك ان شاء الله
تحياتي ،،،،

[ahmed76]

وانا منتظر راى الاخوه الاعضاء معاك

[fahd_ssss]

شكرا اخويا رامى على النصيحة وفعلا لازم اشوف بنفسى

بس بالجريدة السعر شامل جميع الكماليات وعموما هشوف واقولك

متشكر مرة تانية

[m_elsabah]

علي فكرة سعر العربية مش حلو زي ما أنت فاكر
وركز في العربية وإمكانيتها وسعرها وأنت بتشوفها وبتعاينها بنفسك وقارنها بغيرها هتلاقي كلامي صح
واللي أعرفه علي سبيل المثال إن فرش العربية والأبواب تعبان أوي . العربية علي أد فلوسها . ويمكن فلوسها كتير عليها بس مش أوي .

ومتنساش ( خلوها تصدي وموديلها يعدي )

[نور العمر]

1300 cc على 62 باور هورس ده قليل قوي

[نور العمر]

استنى شوية في طفرة حتحصل على ضرائب وجمارك السيارات قريب واهي بدات بإلغاء رسم التنمية ...
وممكن الرينو الفرنسية المغربية تكون افضل شكلا وموضوعا

[elassar2010]

صعب ان حد يقولك اى حاجة عن العربية سواء من المميزات او العيوب لانها نازلة من ايام معدودة ومحدش لسة فكر يشتريها

[fahd_ssss]

والله يا جماعة مش عارف اقول ايه

بس المضطر بيركب الصعب والفلوس عمالة تنقص وبصرف فيها

والسيارة المغربية لسه فى شهر اكتوبر

الله المستعان

ملحوظة انا موظف يا جماعة

[ramyfawzy]

وايه المشكلة يا عزيزي انك موظف ؟؟؟؟
انا كمان موظف
انا هقولك على نصيحة
انزل اتفرج على العربية - اركبها - شغل الموتور واسمع صوتها
افحصها بالمللي
عجبتك - توكل على الله واشتري - وماتسمعش كلام حد
حسيت بقلق - استشير ربنا سبحانه وتعالى (صلي استخارة)
ما دخلتش دماغك - يبقى بلاها سوسو واستنى نادية لما تنزل
وعشان الفلوس ما تنقصش - اشتري عربية مستعملة وامشي بيها شوية - خصوصا ان المستعمل سعره بقى معقول اليومين دوول
ومن ناحية تانية برضه ممكن العربية السايبا تنتشر والناس تبدأ تتكلم عليها سواء بالحلو او الوحش وساعتها هتعرف تختار
وربنا يوفقك ان شاء الله
تحياتي ،،،،

[fahd_ssss]

والله يا اخويا رامى انا بشكر اهتمامك كتير

بس بالله عليك القديم مش ممكن تخسر فلوسك وما تعرفش تبيعه بعد كده


خاصة والجديد شكله هينزل جامد

ولو فى حاجة كويسة ادامك فى حدود العشرين قوللى وفوق التمانينات

ولو ما فيش انا بشكرك جدا لانك كلك ذوق

[ramyfawzy]

عزيزي فهد
اشكرك جدا من كل قلبي
بالنسبة لنقطة القديم وانك ماتعرفش تبيعه وتخسر فلوسك فيه ، ديه نقطة مهمة جدا لسبب :
اشتري عربية معروفة ومطلوبة في السوق وبكدا عمرك ما تخسر فلوسك
بالنسبة لعربية في حدود 20 الف ، فللاسف مش هتلاقي غير 128 وتكون موديل 90 او 91 وممكن كمان ماروتي من 97 لحد 2000
ولو لقيت انا حاجة كويسة تأكد اني هبلغك فورا
تحياتي ،،،،

[ezzatfox]

نصيحة لوجة الله .. محدش يهوب ناحية العربية دى .. انا كنت متحمس جدا اول ما نزلت و رحت نفس اليوم ناشيونال موتورز اتفرجت عليها ..
تعليقى عليها من غير كلام كتير انها لا تساوى ثمنها شكلا و موضوعا و اللى خوفنى اكتر واحد صاحبى معاة العربية دى من حوالى سنتين بس موديل مختلف اسمة تسنيم او تنسيم حاجة كدة يعنى .. كلمهم عشان مش لاقى قطع غيار ليها .. قالولو اية : احنا حاليا عندنا مركز صيانة بدون قطع غيار اللى هو شركة الكويت و البلاد العربية .. و لو العربية سوقها مشى و اتباعت هنعمل مركز صيانة خاص بالعربية و قطع غيارها .. لكن لو متباعتش ... يبقى اللى اشتراها يلبس فى الحيط زى صاحبى اللى بحكيلكو علية