ياجماعه موضوع هام اود ان يقرأ وخاصه مستر سبعاوى

[ahmed]

[size=18]اولا اعرفكم بنفسى انا ماجد عزالدين كنت معاكم من ايام كونتاكت كارز من زمان اوى وجيت هنا معاكم برده بس باسم احمد عشان اخويا هو اللى عمل الاشتراك
المهم وانا بقلب فى المنتديات الاخرى وعلى النت لاقيت مقارنة بين الانوس والفيرنا

للاسف المقارنة دى هى هى بالنص بالحرف بالكلمه اللى كان عاملها مستر سبعاوى فى كونتاكت كارز وانا كنت اول واحد طالب منه المقارنة دى
طبعا انا مش بشك فى نزاهه مستر سبعاوى ولا فى امانته بس انا بقول على الناس اللى فى المنتديات الاخرى اللى بتاخد الكلام بحذافيرة من غير اى تعديل ولا حتى انهم يضيفوا عليه الصبغه الخاصه بشخصيتهم ياترى لحد امتى هانفضل نسرق افكار بعض...؟؟؟؟

تانى مرة انا مش بشكك ابدا فى مستر سبعاوى ده انا عايز اقوله حاول تسجل ارائك وتعملها براْه اختراع حماية ليك

[fahd_628]

شكرا ليك على التنبية و فعلا كان لازم حتى يكتب على الأقل منقول !

[nona_never_lost]

الراجل كاتب منقول يعنى منسبش لنفسة حاجة

[ahmed]

الموضوع منقول فعلا
انا اللى ما اخدش بالى الخطأ عندى انا

[sab3aawy]

أنا اخدت على كدة من زمان ومبقيتش ازعل سواء فى السيارات او فى غيرها( لأنى والحمد لله لى كتابات كثيرة فى مواضيع مختلفة ودائما ما يسرقها الآخرين وينسبونها لأنفسهم، ربما كان من اشهرها منشور وهمى كوميدى كنت عملته عن اجراءات حكومية تتخذها الحكومة لمنع انتشار انفلونزا الطيور وساعتها اتكتب عنه فى الأهرام وفى إسلام اون لاين مع ذكر اسمى(سبعاوى)

راجع هذا الرابط http://www.islamonline.net/Arabic/ne...rticle10.shtml

وهذا الرابط http://photos1.blogger.com/blogger/4...00/BIRDFLU.jpg

ومع كدة ناس كتير سرقته ونسبته لنفسها، وكذلك حاجات كتير بلاقى اخوه افاضل اجتهدوا ونقلوها هنا من مواقع مصرية او خليجية وانا كنت كاتب الحاجت دى من سنوات مضت، اشهرها موضوع نقله اخونا الفاضل درش من كام يوم بتاع ام بخيلة تدعوا لابنها وهو رايح الشغل، هو اكيد شافه فى موقع ما وعجبه وقرر مشكورا يشاركنا الإبتسامة، بس انا كنت كاتب الموضوع ده من اكتر من 6 سنوات وكنت بنشر الحاجات دى فى مجموعة بريدية تسمى دردشة، وغيره كتير)
بس الحمد لله ان القريحة لازالت تجود بالمزيد، والحمد لله ان مواضيعى تصل من الجودة الى ان يسرقها الآخرين وينسبونها لأنفسهم، والحمد لله ايضا ان الكل هنا عارف اسلوبى فى الكتابة ومجموعتى المختارة من المصطلحات التى احاول ان تكون بصمة مميزة تنفى عنى شبهة السرقة من الآخرين، اما من يسرق منى فأنا مسامح فلست اسعى لشهرة ولا لمال من وراء الكتابة لكن لو موضوع انا كاتبه عن الفيرنا واللانوس اتسرق واتنشر فى مكان ما وادى الى ان واحد حسم اختياره بشان ايهما، حتى لو مكانش قرا الموضوع فى نايل موتورز فيكفى انه يدعى فى سره لكاتب الموضوع حتى لو كان معتقد انه حد تانى وربنا عارف مين صاحب الحق وبرضه كدة انا خدت حقى دنيا وآخرة لأنىاديت واجبى فى خدمة مجتمعى فى الدنيا وارجوا الثواب فى الآخرة على علم ينفع

[ahmed1981]

وربنا عارف مين صاحب الحق وبرضه كدة انا خدت حقى دنيا وآخرة لأنىاديت واجبى فى خدمة مجتمعى فى الدنيا وارجوا الثواب فى الآخرة على علم ينفع

هو ده الكلام الجميل
إنت بتنشر علم إفادة الناس طلبا لرضى الله تعالى
فلو حد خد العلم ده ونسبه لنفسه وناس إنتفعت منه ربنا عارف مين فاعل الخير مستحق الأجر الكبير
ربنا يباركلنا جميعا ويجعل كل أعمالنا وأقوالنا خالصة لوجهه الكريم

[ayman_elkholy]

عهدناك دائما مهذبا سمحا بارك الله فيك يا اخ سبعاوى

حقيقة تجبر من امامك على احترامك

[محمد ابراهيم 1]

سبعاوى أنا أحسبه مثال للأخلاق الكريمه ولا أذكيه على الله ربنا يبارك له ويعطيه خير من ما تمنى ويديم عليه الصحه والعافيه

[جندى مجند]

ياااه يا سبعاوى أنا فعلاً قريت الموضوع بتاع انفلونزا الطيور دة فى بريد الأهرام من زمان ... معقولة انت اللى ألفته؟ دة انت مصيبة كبيرة يا سبعاوى بجد :D :D

[ahmed]

ربنا يكتر من امثالك ويعطيك على قد نيتك يا ابو السباع

[eng_elnaggar]

انا قريت موضوع انفولوانزا الطيور ده من سنه تقريبا وفعلا دي اول مرة اعرف انك انت اللي مألفه عموما يا سيد سبعاوي اعلم ان ما عند الله باق.
على فكرة انت بجد اضافة مميزة لهذا المنتدى الرائع وانا فعلا بأدور على كتاباتك بعناية.

جزاك الله خيرا لعلمك وأدبك وتواضعك وايمانك بالله بلا تزكية على الله.

[mohey]

الله عليك ياسبعاوى كبير ياهندسه ;)

[mohey]

فى بيت شعر أحب أن أذكره
وأصبرعلى كيد الحسود فصبرك قاتله فالنار تأكل بعضها إن لم تجد ما تأكله