ماذا تفضل من هذة السيارات و لماذا ؟ برجاء المشاركة لا تبخل برأيك

[د./اليشع ثابت]

اخوانى الاحباء
السلام عليكم ورحمة الله و بركاتة
محتاج رأيكم للاهمية
اى سيارة هى الافضل و ماهى مميزاتها من وجهة نظرك و لماذا ؟؟
1-لانسر 1600 سبورت كاملة
2-اوكتافيا A4 اوتوماتيك كاملة
3-بورا 2001 -2002 ج.ك
4-بيجو 406 اوتوماتيك ج.ك
وللجميع كل الشكر و الاحترام

[د./اليشع ثابت]

انا يا احبائى بحكم انى لم اعرف عنهم شيء سوى الانسر
لانها لدى السبورت الكاملة
فصوت لصالحها
بس لو النتيجة كانت مرضية اعلى نسبة من اراء سيادتكم لصالح عربية متفق عليها
سوف اقوم بالتغيير
ولكم منى كل الحب والاحترام
رأيكم هاااام جداااااا لى

[د./اليشع ثابت]

ياااااااااااارب الاقى حد فاااااااااااااااااااهم

[Michael_Lanos]

بالنسبالى اللانسر افضل فى الشكل والبيع وتوافر قطع الغيار
الاوكتافيا مش بتدخل دماغي
اما البورا دي دلوعه الالمانى بس معرفش عنها حاجه
والبيجوا قديمه بقه خلاص

[belal rashed]

أنا كمان صوتت معاك للانسر:
الأكثر إنتشارا.سعر إعادة بيع .والأرخص فى قطع الغيار عن الألمانى والفرنساوى.

[NaviGator_13]

ال لانسر احسنهم فى القايمة دى

[د./اليشع ثابت]

ال لانسر احسنهم فى القايمة دى

شكرااااااا يا باشا لرد سيادتك
لكن حضرتك لم تذكر احسنهم لية
انا محتاج تفصيل لو تكرمت
ولك منى كل الشكر

[wahba87]

انا كنت فاكر مفيش اتوماتيك من A4

[memoo_1st]

والله انا معايا لانسر من 2004 العربية زي الفل و الحمد لله وانا من رأيي الانسر فعلا والله عربية محترمة وقطع غيارها منتشرة مووووووووووووووووووووووووووووووووووووووووووووووت وفي منها الغالي و الرخيص و الوسط وفعلا سيارة اثبتت جدارة
و لو في اي حاجة انا تحت امر حضرتك

[ahmednabeel]

البورا افخم ما فيهم وبطاية كده وهي بتجري بالذات لما الجنوط ببتعرض

[احمدعبدالعزيز]

راى الشخصى

الاوكتافيا a4 افضل للاسباب الاتيه :-

1- العربيه تشيكى المانى .
2- موتور ممتاز من شركة فولكس .
3- قطع غيار متوفره .
4- الثبات رائع افضل من الانسر .
5- صالون اوسع من الانسر .
6- شنطه كبيره جدا اكبر من الانسر بكتير .

مميزات الانسر ...

1- الانسر افضل فى التجميع ....
2- اعادة البيع احسن فى الانسر ....
3- شكلها شبابى اكتر ....

ومن الاخر لو انت عاوز العربيه للجرى والسباق والخمسات والكلام ده خد للانسر ...

اما لو انت عاوز عربيه عائليه وكبيره وصالون واسع خد الاوكتافيا ...

وطبعا انت صاحب القرار وربنا يوفقك للحسن ..

[ahmedaly84]

اللانسر مش احسنهم بس اكثرهم عمليه

[د./اليشع ثابت]

شكررررررررررا يا رجالة
الله يبارك فيكم و يجازيكم كل خير
هى دى رجالة نايل موتورز
لكم جميعااااااااا منى كل الحب و التقدير

[eino666]

راى الشخصى

الاوكتافيا a4 افضل للاسباب الاتيه :-

1- العربيه تشيكى المانى .
2- موتور ممتاز من شركة فولكس .
3- قطع غيار متوفره .
4- الثبات رائع افضل من الانسر .
5- صالون اوسع من الانسر .
6- شنطه كبيره جدا اكبر من الانسر بكتير .

مميزات الانسر ...

1- الانسر افضل فى التجميع ....
2- اعادة البيع احسن فى الانسر ....
3- شكلها شبابى اكتر ....

ومن الاخر لو انت عاوز العربيه للجرى والسباق والخمسات والكلام ده خد للانسر ...

اما لو انت عاوز عربيه عائليه وكبيره وصالون واسع خد الاوكتافيا ...

وطبعا انت صاحب القرار وربنا يوفقك للحسن ..

بدون نقاش يا دكتور

والسبب واضح جدا

اوكتافيا a4 اوتوماتيك
****************************
محمود عينو

[د./اليشع ثابت]

بدون نقاش يا دكتور

والسبب واضح جدا

اوكتافيا a4 اوتوماتيك
****************************
محمود عينو

شكراااا حبيب قلبى محمود بك
ولكل الاحباء الى شاركو
بس قولى يا محمود باشا
اية رايك فى البورا
انا حابب شكلها اكتر
وخصوصا حاسس انها عالية عن الارض يمكن تتفادى اعلى المطبات فى المحروسة ايجيبت
اية رايك فى الكلام دة و كمان صاجها الاجمد فى فئة المقارنة
منتظر رد سيادتكم