مقارنة بين الfrv والأفيو

[makufa]

أريد من حضارتكم مقارنة فعلية عن السيارة frv والأفيو من حيث
1- الثبات
2-الكماليات
3-الموتور
4-العفشة
5-القوة
6-السعر
7-الشكل
7-التقيم العام

[emadmody2010]

انا محتار بين الاتنين والله

[makufa]

كل دا ومحدش قال راية

* أنا على فكرا زيك بالظبط يا باشا

[abou_ruqi]

يا سيدي الفاضل المقارنة غريبة !
ازاي حنقارن بين عربية بقالها ٤ سنين بعربية بقالها ٤ شهور ؟؟

انا بصراحة العربية ما شاء الله داخله معايا في ٤ سنين وماشي بيها فوق الـ ٧٥ آلف
آقدر آقولك آنها غير البنزين و الصيانة الدورية

زيرو مصاريف زيرو اعطال

فحتي لو كانت الصيني احسن علي كل اوجه المقارنة بتاعتك
فالزيروهين دول اهم للمستهلك المصري ويرجحوا كافة الثقة ، لانه تعبان في حياته اساسا مش ناقص عربية تقرفه اكتر

انا معنديش مشاكل مع بريليانس ،اتمني ان كفائتها واعتماديتها تكون زي الافيو
وربنا يوفقنا جميعا في اختيارتنا

[makufa]

يعنى كدا أن الأفيو أفضل من الfrv
ودا كلام جميل
شكرا ليك على المعلومات يا باشا

[ahmedaly84]

بس انا قريت ان الافيو الجديده فيها مشاكل
الار بى ام بيعلى و مشكله فى الطمبورة

[abou_ruqi]

بس انا قريت ان الافيو الجديده فيها مشاكل
الار بى ام بيعلى و مشكله فى الطمبورة

أنا برضه سمعت زيك ولاحظت إن كل اللي بيشتكوا ,عربياتهم تقفيل محلي
وبعيد عن أي قومية أو عنصرية أو أي مشاعر وطنية
بكل صدق وأمانة وصراحة مع النفس
التقفيل المحلي أسوأ بكثير من تقفيل الخارج حتى ولو كانت بي ام دبليو (عن تجربة)
وأعتقد دي حقيقة لا نستطيع إنكارها
ومش بالضرورة يكون العيب فينا , ربما يكون العيب في إن الشركات العالمية حريصة على تكريس هذا الواقع المر
الله أعلم

علشان كده لما أنت قارنت الFRV اللي هيه تقفيل خارجي فأنا اتوقع إن الأفيو المذكورة هي الكورية علشان العدالة
وبخاصة إن الإتنين مانيوال ونفس الأوبشنز

واللي أنا قلته شهادة حق أمام الله ,ووالله أنا لا علاقة بيني وبين المنصور إطلاقاً ولا لي مصلحة

وبجد بجد إقرأ في المنتدى عن عربيات موتورها أقوى وثباتها أعلى وأوبشنها أكثر ,لكن الناس بعد 2000 كيلو الإزاز الكهرباء باظ , وفي منهم عداد البنزين علق والكهرباء بتقطع ومشاكل عجيبة جداً و عربيات تقفيل الخارج , وفي أخ هنا بعد ما استلم العربية (مش حقول نوعها) لقى الموتور بيسرب زيت !!!!! والأعجب إن التوكيل مغييرش العربية , إنما صلحها, يا سلام !!

بصراحة لو الزمن رجع بيا تاني لسنة 2005 كنت حشتري بـالـ 75 ألف جنية أفيو تاني بدون تردد

[M.Osman]

بصراحة انا عمرى ما هنصح بالــFRV ....

ايوا عربية شيك و جميلة و ثبات و كماليات و airbags و abs و كل الكلام ده ... بس برضه مهما كان هختار شيفروليه الأفيو قبلها ... لأنها متجربة ... ممكن انصح بيها ( الfrv ) بعد 4 سنين بعد ما الاقي سمعتها بقت زي البروتون مثلا ...( اللى الكل كان حايف منها )

و بالتوفيق :)

[acer4000]

ممكن بدون الدخول في قضايا كتير نقول حاجة واحدة بس

سعر اعادة البيع للأفيو اكبر بكتير من سعر البريليانس ايا كان نوعها
نظرا للطلب العالي على الافيو و الثقة اللي واخداها لأنها من روح الدايو لانوس

[makufa]

بجد شكرا ليكم جدا على المعلومات الرائعه دى

وأنا مستغرب من نتيجة الأستقصاء بالأعلى 30 frv مقابل 5 فقط أفيو

[khaledazizeg]

اقول لحضرتك حاجة انا كنت محتار زيك كدة بس انا فكرت فى حاجات اولا:الوكيل منصور \البفارية طبعا البفارية تكسب
ثانيا :الثبات لاقيت طبعا ان الfrv احسن مليون مرة لان الكاوتش 195\65\r15 فالجنط كبير
ثالثا :الكماليات كل واحد وحسب طلبة
رابعا: الموتور الافيو 1500سى سى 86حصان وبعدين انا معايا لانوس ومجرب الموتور موتورها بطئ نسبيا مع تشغيل التكيف تحس انه مخنوق
الfrv 1600 101hp
خامسا :العفشة فى الfrv انا ركبتها مع صاحبى لاقيت ثباتها ممتاز مع السرعات العالية وداه لان المساعدين تقيلة وداه بالنسبالى كويس علشان انا يوميا بسافر طريق مصر الاسماعيلية الصحراوى وبعدين كفاية انه سيستم بورش
سادسا : القوة قوة الصاج طبعا الfrv تكسب
سابعا: السعر 80الف frv مش تقريبا حاجة وسبعين
ثامنا: الشكل انا شاب واحب اوى الهيتش باك
وانا الحمد لله جبتها ال frv والعربية ما شاء الله عليها كويسة

[Mostafa Hessen]

ما شاء الله هى عربية ممتازة

ربنا يباركلك فيها

[khaledazizeg]

ما شاء الله هى عربية ممتازة

ربنا يباركلك فيها

يارب وعقبالك

[Mostafa Hessen]

آمييييييييييييييييييين وكمان السمعيييييييييين

[basemagour]

عن تجربة هقول رائى الافيو عندها مشاكل فى الفرامل بأعتراف التوكيل ليا لما قولت ليه العربية بتزحف لما ادوس فرامل قالى هيا كده الافيو والاوبترا بيزحفو فى الفرامل اما بشادة مجربى الfrv ففراملها احسن بكتير
ثانيا الثبات معقول الى حد ما ولكن فى ال frv فا الى جربوها بيتحاكو عن ثباتها
ثالثا ال frv 1600 cc + 101 hp الافيو 1500cc
رابعا ال frv بجد شيك جدا وجميله من جوة وشكلها الخارجى تجفة فنية اما الافيو فتحس ان شكلها صغير
اعادة بيع الافيو فضل بكتيرمن الاfrv وذلك نظرا لانها ماركة معروفة برضه شيفرلية اسك كبير جدا فائعادة بيه اسهل بكتير من frv
وفى النهاية انا اخترت frv ويارب اكون احسنت الاختيار انا حاجزها من 3/11/2008 ومستنى استلامها وعرضو عليا اخلص وجيب افيو بدل الانتظار رفضت لانى بصراحة frv دخلت دماغى لدرجة انى مش عارف اختار اى بديل ليها فى حدود سعرها