إحترت يا ناس

[KiNgMaX]

الحمد لله وبفضله قررننا شراء سيارة جديدة للاسرة المهم ان انا ليا الخيار الاول فى اختيارها اول لما فكرت قولت اجيب حاجة كسر زيرو افضل من الزيرو يعنى اجيب موديل احسن بنفس التمن انا كنت حاطط فى بالى شوية عربيات وهما ( إلنترا-ماتريكس-لانسر-ياريس-افيو ) ومحدش يقولى دول فئات مختلفة معرفش بقى هى جت كده والانواع دى سواء زيرو او كسر زيرو المهم وانا بدور لقيت عربية ميجان مستعملة بحالة فوق الممتازة وانبهرت بالعربية وخلتنى مش شايف غيرا وكانت ظروفها كويسة من حالة وسعر وصاحبها راجل محترم ويشاء الله انها متكونش من نصيبى من غير سبب واضح ( كنا متفقين وكل حاجة بس يظهر الراجل كان مستعجل جدا ) وبعدين لقيت كورولا 2004 ورحت اتفرجت عليها وعجبتنى وكان شكلها نضيفة واتفقنا فى السعر وافاجأ عند الفحص ( اللى كان صاحبها مش موافق عليه فى الاول ) ان العربية لاتمس تويوتا بشىء إلا التصميم تقدر تقول متصنعة فى الحرفيين اتضح انها كانت عاملة حادثة رهيبة وأتصلحت واترشت بس طبعا لايمكن ترجع تانى لقينا الشاسيه معووج والنصف الخلفى متغير بالكامل ودايرة الكهربا متغيرة وحاجات غريبة كتير وحسبى الله ونعم الوكيل فى الناس والله صاحبها كان أستاذ جامعى بس الحمد لله
وبعد هذا الموضوع رجعنا تانى للزيرو واول شىء أستبعدناه هو الماتريكس اللى كانت فى اول القائمة عشان حكاية التركى شفتها فى المعرض معجبتنيش حسيت ان فيه فرق فى الخامات وتقفيل الموتور عن الكورى ( قد يكون إحساس شخصى ) وحلت محلها الاكسنت ثم حلت الإلنترا مكانها عشان فرق السعر مش كبير المهم خلال الفترة دى عربيات كتير دخلت القايمة وطلعت تانى زى الصنى والسيتى والأوبترا والفيرنا
من الاخر حاجة تحير المهم المقارنة الحالية اللى مش لاقيلها حل بين اللانسر1300 مانوال من الوكيل والإلنترا المانوال قلبى يقولى إلنترا وعقلى بيقولى لانسر وبرضة شوية اقول انا اريح نفسى واجيب نيو اكسنت
بجد إحترت لدرجة ان انا كرهت العربيات كلها
وكمان قدامى ماتريكس 2005 عاملة 5000 كم بس ياريت حد يقولى تساوى كام ضرورى
او يحسملى المقارنة السابقة او اى حد يقول اى حاجة
وانا آسف على الإطالة بس بجد انا وصلت لمرحلة مش قادر آخد قرار

[motor1]

i think that lancer is the best whatever you pay money in a car made in japan best factory best name best service and if you want to sell it you will never lost more rather than n a korien one and i advice you to get a new car because it will take more time to fix it if anything happen

[ابوشريف]

انا كمان محتار زيك

خصوصا انى نزلت السوق كتير ومش لاقى ولا عربيه البياع فيها يكون المالك لغاية ما اتعقدت من السوق جدا

ده غير العيوب الكتيره فى العربيات المعروضه والسليم منها بيطلبوا فيه قريب جدا من الزيرو

يعنى مثلا كان معروض لانسر مانيوال 2006 1300 سى سى فابريقه عامله 15 الف كيلو صاحبها بيطلب 80 الف

المهم

انصحك تحدد اختياراتك بناء على متطلباتك

يعنى مثلا اذا كنت من هواة التغيير كثيرا يبقى تختار عربيه ليها سوق مثل اللانسر يليها الكرولا

اما اذا كنت عايز عربيه استخدام طويل يبقى توسع دائرة الاختيار انا شايف ان الهوندا سيتى ممتازه وسعرها زى اللانسر

انا بقى عايز آخد رأيك فى عربيه صينى ممتازه اسمها بى واى دى

نفسى اشتريها نظرا لميزات كتيره فيها مثل موتور الميتسوبيشى 1600

وشاسيه وعفشة الكرولا المرتفعه عن الارض

وشنطه كبيره ده غير ان ثمنها على القد 68 الف

بفكر بجديه فى شرائها بس خايف لتكون مقلب

منتظر الاقى حد من الاخوه هنا مجربها مش اقل من 6 شهور

يحكيلنا عنها علشان اقدر اخد قرار

[fahd_628]

لو انت محتار بين الانترا و لانسر و نيو اكسنت يبقى توكل على الله و هات الانترا

[محمدايهاب]

أنا رأي هات الانسر و اتوكل على الله

[معاذ الشرباصى]

انت اخرك كام فى السعر؟

و طلباتك ايه من العربية؟

[PRO-DRIVE]

شخصيا اذا محتار بين الالنترا و الانسر اذا جيب النترا علطوول


انا بقى عايز آخد رأيك فى عربيه صينى ممتازه اسمها بى واى دى




فى عربيه صينى هى تقريبا ال BYD عندنا فى الشارع والله البودى بتاعها مقطوع و ملزق بسلوليتب و الحديد اتقطع من بعضه زى ما بتفتح علبه تونه بالظبط والله العظيم انا حنزل انهرده اصورها بس ادعولى مضربش :mrgreen:

[Salah_sr]

من واحد عنده اللانسر و الألنترا أشتري الألنترا و تكل علي الله و ربنا يوفقك في أى أختيار

[Abdallah]

الالنترا انا شايف ان مبالغ فى سعرها دة غير التوكيل السىء وسمعته السيئة وما الى ذلك فلو حضرتك ناوى تشترى زيرو ان شاء الله فانا لو مكانك هختار ما بين اثنتين
ميتسوبيشى لانسر وهى سيارة عائلية شبابية رياضية يابانية يعيبها انتشارها المريع فى شوارع المحروسة
نيسان صنى وهى سيارة عائلية فخمة تعطيك انطباعا بالفخامة وتذكرك بالسيارة الامريكى ويعيبها ان سعر لابيع منخفض قليلا ولكن انا افضلها عن الانسر لانها فى نظرى صفقة جيدة وسيارة بالفعل محترمة.

بالنسبة للاخ الى بيسأل عن سيارة BYD, تفتكر حضرتك شركة بدأت بتقليد الاسم وبتقليد العلامة هيبقى ايه منظر الصناعة بتاعتها ؟؟؟
لو عايز صينى عندك ليونسيل وعندك سبيرانزا ورغم انى لا احبذهم لان لسة شوية على الصين فى مصر.

[modux]

الانسر و اتوكل على الله

[Ahmed Anwer]

هقول رأي هيزعل معظم الناس في المنتدي ، بصراحة العربيات الياباني في الفئة السعرية دي خدعة للمصريين كل ميزاتها إنها اسمها صنع في اليابان حتي الهوندا صنع في تايلاند ، الياريس و اللانسر موتور 1300 و عيب الثبات معروف في الإثنين بس هوا عشان الناس تتبسط و تقول جايبين حاجة ياباني و الصني شكل قديم و تقفيل مصري في الفئة السعرية دي اللي تقول عليها ياباني بجد السيريون فقط عربية صغيرة و غالية منطقي إنها تبقي ياباني
اعتقد في الفئة دي الكوري يكسب عايز تجيب ياباني يبقي اعلي بقه عن كده بكتير عشان تبقي بجد ياباني مش خدعة تسويقية
اللإنترا و الأوبترا هما أفضل إختيار في الفئة دي كحجم و إمكانيات
و رأيي الشخصي أي حاجة زيرو برقبة المستعمل حتي لو مرسيدس ، يعني تفتكر صاحبها عايز يبيعها ليه ؟؟

[Ahmed Hassan]

الياريس و اللانسر موتور 1300 و عيب الثبات معروف

الانسر 1300موتورها ضعيف شويه ممكن... لكن موضوع ان فيها عيب ثبات معروف.. دي بصراحه معلومه جديده جدا عليا.

بالنسه للياباني في ياباني فعلا زي السوبارو مثلا.. و سعرها منافس جدا... بصراحه صعب تقول ان الاوبترا و الالنترا منافسين سعريا للانسر خليجي مثلا (مع ان انا شخصيا افضل الالنترا عن الانسر)

[mada121977]

اللانسر فى المرتبه الاولى و بجداره و اسال مجرب , عربيه ما شاء الله تحفه و عاليه عن الارض و سعر اعاده بيع ممتاز و قطع غيار متوفره و يابانى

[Ahmed Anwer]

السوبارو ليس لها سوق في مصر و مش عارف ايه السبب فعلآ ، أنا أساسا معرفش اسم وكيلها في مصر ايه أنا بس بشفوها في معرض في شارع النزهة ، يمكن عشان شكلها مش طول بعرض متتملاش العين

[PRO-DRIVE]

ابو غالى هو وكيلها


ثانيا العربيه ممتازة و كل حاجة فيها بس عندنا الناس اتبرمجت على لانسر و يارس و كورولا :? و معندهمش استعداد يغيروا انا فى راىى كورولا متسواش ربع تمنها نفسى اعرف فيها اية زياااده ؟؟ و يارس برضة سعرها مبالغ فيه المفروض تنزل 10 او كدا لانسر دى نفسى اشوف بلد فى الدنيا فيها 1/8 من الانسر اللى عندنا :? و فيها اية زياده برضة سعرها غااااااالى جدااا و نص مواصفاتها متاكله :shock: لكن دى محبوبه الشعب عاوز تشوف سوبارو كتير ولا عاوز تشوف كيا شييل شعارها و حط شعار تويوتا و انت تلاقى الناس بتقول عربيه ممتازة تمام و حلوه و معرفش اية بس عشان شعار تويوتا