فيات ولا كيا ولا هيونداي

[gaddar]

أنا معنديش خبرة جامدة ومحتار ... أبحث عن سيارة في حدود ال 70 ألف أو ممكن أكتر حاجة بسيطة

الخيارات اللى محتار ما بينها:
1 - فيات سيينا
2 - فيات بونتو
3 - كيا بيكانتو
4 - هيونداي i10

أفيدونى أفادكم الله :)

[karmouty918]

1-بونتو
2-بيكانتو
3-سيينا
4-ملهاش لازمة تفكر في ال i10 وسط العربيات دي اساسا.

[Hosam_Optrawy]

بيكانتوووو

[gaddar]

طيب شلنا ال i10 ...
ليه السيينا نمرة 3 ... مش دي فيات و إيطالي برضه يا جدعان
برضه أنا بعمل مشاوير يوميا من 50 إلى 80 كم - البيكانتو تصد معايا ؟؟

صحيح ... أخبار الفيرنا إيه ؟؟

[احمدعبدالعزيز]

أنا معنديش خبرة جامدة ومحتار ... أبحث عن سيارة في حدود ال 70 ألف أو ممكن أكتر حاجة بسيطة

الخيارات اللى محتار ما بينها:
1 - فيات سيينا
2 - فيات بونتو
3 - كيا بيكانتو
4 - هيونداي i10

أفيدونى أفادكم الله :)

راى الشخصى زى ما انت مراتبهم كده تمام

[gaddar]

أنا من جوايا مرتاح للفيات و تحديدا السيينا علشان أكبر من البونتو ... عائلية أكتر

بس الناس بيخوفونى من التوكيل / أوماترا ... حد ليه سوابق معاهم ولا دي إشاعات ؟

[gaddar]

برضه سعر السيينا مغري جدا ... دى أرخص من الفيرنا :)

[د./اليشع ثابت]

السيينا الانسب والله اعلم

[i_Am_Legend]

لو انا هاختار البونتو لانى بحب الهاتشباك اكن غير كدة السيينا طبعااااا الشكل الجديد بتاعها تحفة........

[Ahmed Hamdy]

لو انا هاختار البونتو لانى بحب الهاتشباك اكن غير كدة السيينا طبعااااا الشكل الجديد بتاعها تحفة........

الشكل الجديد للسينا لسه منزلش مصر ..
الشكل الموجود حاليا هو شكل البترا ..

[karmouty918]

السينا طبعا اففضل من البيكنتو زبس انزل اسال على قطع غيرها الاول.انما البونتو احسن منهم هما الاتنين كفايه انها ايطالي 100%
ملحوظة (السينا الي بتنزل مش ايطالي) الشكل الجديد الي لسة مانزلش برازيلي و الي عامل زي البترا دة مش فاكر صيني ولا تركي.
على شان كدة انا حطتها بعد البيكانتو علي اساس الانتشار و قطع الغيار.

[gaddar]

السيينا اللى بتنزل صيني واللى حتنزل حسب ما سمعت برازيلي ...
هل دول ممكن يكونوا أفضل من عربية كوري زي البيكانتو ؟؟
برضه العربيات دي أخبارها إيه في الكليرانس عن الأرض عشان المطبات ؟؟؟

[mody_halawa]

البونتوووووووووووو

[kliken]

بونتو و الله اعلم

[karmouty918]

ما تقلقش من موضوع الكليرنس دة مع الفيات بالذات.هو اولويات حضرتك ايه؟يعني لو حضرتك عاوز عربية هتش و بتقارن بين البونتو و البيكانتو يبقى طبعا البونتو.لو حضرتك مش هينفعك الهاتش يبقى توكل على الله و شوف السينا بس اسال على قطع غيرها الاول.
انما لو مش فرقة معاك الحجم يبقى (بونتووووو) و انت متطمن وعلى فكرة البونتو اوسع كتيير من البيكانتو دة في الحجم بس غير كدة متتقارنش بيها اساسا..
خلاصة الكلام البونتو احسن واحدة فيهم من حيث كل حاجة (جودة,شكل,خامات,تقفيل,قطع غيار متوفرة)