السوزوكي ألتو و الدايهاتسو شاريد

[zayyoda]

السوزوكي ألتو و الدايهاتسو شاريد

من فضلكم يا جماعة عايزة أعرف الفرق بينهم و ترشحولي ايه عشان أشتريه

مع جزيل الشكر :D

[PAYOO]

السوزوكي ألتو والدايهاتسو شاريد

صديقي العزيز أسمح لي أن أضع لك مقارنه سريعه بتفاصيل بسيطه بين السيارتين

أولا أختيار سياره من السيارتين يرجع إلى عدة اسباب اولها أن تكون سياره موفره في الوقود وأن تكون قطع غيارها متوفره وأن تكون خدمات ما بعد البيع جيده
لذلك دعني أقارن بين السيارتين وأنا واضع في أعتباري النقاط الثلاثه مع باقي النقاط العاديه في مسألة المقارنه

سوزوكي ألتو
=========
الوزن 720 ك
800cc
3 سلندر 4 صبابات لكل سلندر
نظام الحقن كربراتير
الجنوط 12 بوصه

دايهاتسو شاريد
========
الوزن 750 ك
1000cc
3 سلندر 12 صباب
نظام الحقن رشاشات
الجنوط 13 بوصه

المساحه والأبعاد متقاربه جدا والفروق بينهم سنتيميترات قليله ولكن الشاريد أوسع وتصميمها من الداخل به رحابه أكثر من الألتو
بالرغم من أن الشاريد 1000cc والألتو 800cc ولكن الشاريد موفره أكثر في أستهلاك الوقود وذلك يرجع إلى نظام الحقن الأليكتروني المستخدم بها
موتور الشاريد أقوى من موتور الألتو
الشاريد صناعه وتقفيل يباني 100% أما الألتو ياباني الأصل وهندية التجميع مع 40% مكونات هنديه
الشاريد يقف ورائها وكيل قوي جدا في مصر (عبداللطيف جميل) أما الألتو وكيلها في مصر (سعودي) وهو يواجه مشاكل كثيره منذ زمن مما أثر على سيارات سوزوكي في مصر
خدمة ما بعد البيع ستجدها في غاية الأهتمام مع شاريد وستجد العكس مع ألتو

أرشح لك الشاريد وإن كان الشكل الخارجي لا يدل على امكانيتها الرائعه ولكن أداءها هو الأفضل في فئتها

[noon_eg]

Re: السوزوكي ألتو والدايهاتسو شاريد

سوزوكي ألتو
=========
الوزن 720 ك
800cc
3 سلندر 4 صبابات لكل سلندر
نظام الحقن كربراتير
الجنوط 12 بوصه

[zayyoda]

الأستاذ بايو و نون اي جي

شكرا على اهتمامكم بالرد

[noon_eg]

انا ارشح لك الالتو

اولا الالتو سياره يابنيه
1000 سى سى بسعر منافس جدا 47 الف جنيه
وفى منها 1100 سى سى بسعر 55 الف
وتقفيلها هندى ولكن جيد جدا
وقطع غيارها متوفره

[عبد الرحمن اسامه]

انا برشح الشاريد بشدة.
شوف المنتدى بتاع الساريد شوف الموضوع "اسئلة عن الساريد"

[أبو عبدالله]

روح أركب الاتنين وانت تعرف الفرق وهتعرف انهي الأحسن .....

ولكن بدون جدال هي الشاريد وده مش رأي شخصي ولكن هو رأي عملي ونصيحه سياراتيه ......

وربنا يوفقك :D

[zayyoda]

و الله يا جماعة أنا مشكور جدا ليكم
ووضاح أنكم منحازين للشاريد
لكن سؤال لما أحب أجي أبيعها هتكون تقيلة في البيع و للا؟

[fahd_628]

اعتقد انها حتكون اخف من الالتو فى اعادة البيع

[Sharky]

السلام عليكم

متهيألى حتكون تقيلة شوية فى البيع علشان لسه منتشرتش
وفى ناس كتير مش عاجبها شكلها

[Alaa alaa]

يا جماعة أنا شايف أن الألتو جميلة جداً و موفرة بشدة في البنزين و هي مختلفة عن القديمة و أعتقد أنها لاتقل عن الشاريد في سوقها و سعر البيع مرة أخرى

[Alaa alaa]

و كمان يا جماعة التوكيل محترم جداً و الناس فيه على أعلى مستوى من الكفاءة و السمعة عن تجربة شخصية مين اللي بيقول الكلام العجيب بتاع التوكيل ده و على أي أساس و هل شاف بعينه و لا سمع و خلاص من أي حد؟