الجين 2 ولا التريوس

[attiahf]

صبا حالفل يا خبراء
معايا مبلغ وعايز اشترى عربية اتوماتيك فشوسة من اصخابى نصونى بالتريوس وشوية نصحونى بالجين تو
اية رايكم؟؟؟؟؟؟؟؟؟؟؟؟؟

[momenhamdy]

اولاً الف مبروووووووووك مقدماً مهما كان الاختيار
نيجي بأ للمقارنه اولاً حضرتك سعر الجين 2 بيمثل شريحة الي هي اقل من 100 الف جنيه مصري و التريوس بتمثل شريحة الي اعلي من 100 الف جنيه مصري يعني في فرق بين السعر بين العربيتين و دا مش فرق قليل

حضرتك غاوي عربية 4*4 و لا عربية عاديه
محتاج عربية علشان سفر و محتاج ثبات عالي يبقي بدون جدال جين 2
محتاج عربيه عاليه علشان حضرتك شغلك في اماكن بها مطبات و في نفس الوقت مش بتستغل العربية في سرعات عاليه ( فوق ال 120 ) يبقي التريوس ( مع العلم ان الجين 2 عاليه و مش بيحك في اي مطب من مطابات المحروسه )

بالنسبة لاعاده البيع للسيارتين اعتقد انهم واحد بمعني انها و لا تقيله اوي في البيع و لا سريعه اوي مثل الانسر و الياريس و الانوس

وربنا يوفقك الي الخير
واي استفسار ان تحت امرك وبرده شوف رأي الاعضاء الكرام

[NaviGator_13]

الفرق بين العربيتين 40 الف !!!!!

[attiahf]

متشكر جدا يا باشا
والله انا كنت خايف لاحسن الجين 2 تعمل مشاكل جوة القاهرة علشان المطبات والحفر ولكنك ريحتنى بان العربية مش بتحك فى المطبات
واعتقد العربية الجين اوسع شوية من التريوس؟؟؟
والنسبة للسعر فية فرق حوالى 30 الف فعلا؟؟
واعتقد ان الاتوماتيك بتاع الجين مش بطال على راى بعض الاعضاء واحسن جوة القاهرة

[momenhamdy]

متشكر جدا يا باشا
والله انا كنت خايف لاحسن الجين 2 تعمل مشاكل جوة القاهرة علشان المطبات والحفر ولكنك ريحتنى بان العربية مش بتحك فى المطبات
واعتقد العربية الجين اوسع شوية من التريوس؟؟؟
والنسبة للسعر فية فرق حوالى 30 الف فعلا؟؟
واعتقد ان الاتوماتيك بتاع الجين مش بطال على راى بعض الاعضاء واحسن جوة القاهرة

انا بأكد لحضرتك ان الجين 2 فعلاً مش بتحك في اي مطب و علي فكره و عن تجربة شخصية العربية عندي كنت مره راكبين 5 في العربية منهم 3ورا من العيار الثقيل و طلعت مطب بالعربية الي الاهالي بيكونوا عاملينوا في الشوارع الجانبية بمعني ان المطب يقتل العربية لو حك فيها و الله عديت المطب و بسم الله ما شاء الله ولا الهوا ( و بصراحة كان اختبار قوي اوي لان لو كانت حكت كانت حتتبهدل )

بالنسبة للوسع انا بصراحة مجربتش غير التريوس 1 وطبعاً دي ضيقه جداً بالمقارنه بالجين2 دي تبقي قاعد كتفك في كتف الي سايق العربية
الجين 2 يعبها حاجة واحده السقف في الكراسي الي ورا قريب من الراس يعني لو طويل ورا ممكن يضايق منها و لكن دا راجع للايرودينامك بتاع تصميم العربية

[attiahf]

متشكرين جدا يا باشمهندس مؤمن
وعلى العموم ذى ما بيقولوا الطويل اقدام القصير ورا
شكرا على مسعادتك وربنا يسهل واشتريها ان شاء الله
وبالمناسبة هو فى فرق غير الشكل بين الجين تو والبيرسونا والا الجين احلى؟؟

[momenhamdy]

متشكرين جدا يا باشمهندس مؤمن
وعلى العموم ذى ما بيقولوا الطويل اقدام القصير ورا
شكرا على مسعادتك وربنا يسهل واشتريها ان شاء الله
وبالمناسبة هو فى فرق غير الشكل بين الجين تو والبيرسونا والا الجين احلى؟؟

يا باشا شكر ايه بس دا حضرتك تأمر
بالنسبة للجين 2 و البيرسونا
الاختيار راجع لحضرتك بمعني حضرتك غاوي سيدان و لا هاتش باك ... حضرتك عارف ان المصريين دائماً بيفضلوا السيدان
و بصراحة ان شايف من وجه نظري ان السيدان لحد ما للعائلة
ولكن الهاتش باك تعتبر لحد ما شبابية
وبرده في الاخر برده حضرتك مستريح لايه
لكن بالنسبة للعربيتين في المواصفات الفنيه واحد زي ما حضرتك عارف
وربنا يوفقك الي الخير في الاختيار

[the_first_knight]

الجين 2: كسعر وإمكانيات تعتبر صفقة رابحة بكل المقاييس ( تصميم رياضي - مساحة داخلية مقبولة - ارتفاع مناسب عن الأرض - أعتقد ثباتها على السرعات العالية هيكون أفضل من التريوس )

التريوس : كسعر بالنسبة لعربية دفع رباعي وخدمة شاقة يعتبر مقبول نسبيا ( سيارة ذات تصميم رياضي - مساحة داخلية معقولة - ارتفاع عن الأرض مناسب لكل أنواع الطرق سواء الممهدة أو غير الممهدة - ثبات على الطريق جميل جدا لأنها في الأساس عربية مش للجري ولا للشد )

في النهاية :
الجين 2 : أفضل عربية رياضية في حدود السعر ده ( 88500 لناقل يدوي & 94500 لناقل أتوماتيكي ) وبتجهيزات رياضية .

العربية دي بتنافس سيارات كثيرة مثل ( بيجو 307 & 308 & جولف & إمبريزا & برافو & ليون & هيونداي i30 )

التريوس : أفضل عربية دفع رباعي في حدود السعر ده ( 116000 لناقل يدوي 2*4 & 122000 لناقل أتوماتيكي 2*4 & 136000 لناقل أتوماتيكي 4*4 & 143000 لناقل أتوماتيكي 4*4 + ABS + Air bags )

العربية دي بتنافس سيارتين في نفس الفئة وسعرهما أعلى بكثير ( كيا سبورتاج & هيونداي توسان )

المهم حضرتك شوف احتياجاتك إيه ..........
وربنا يوفقك في اختيارك