تشتري اية لو مكاني ؟

[memoo_1st]

انا ميزانيتي 30 الف بالكتير 35 الف ومش عاوز اجيب زيرو والقسط يقطم ظهري كل شهر .
بعد بحث رسيت على سيارتين هما
1 - اوبل كورسا 94- 98
2 - بولو 1999
وبصراحة محتار جدا ما بين التنين وهل هما فعلا افضل اتنين في الفئة دي ولا لا .
وبردو شفت الكليو الهاتشباك بصراحة شكلها دخل دماغي قوي بس مش عارف اية ظروفها ترشحولي اية في الاتنين دوول ولا في حاجات تانية افضل .
وشكراً.

نقل للمقارنات بمعرفتى

مشرف القسم العام

[m_elsabah]

بولو 1999 لإن سمعتها كويسة بس قطع غيارها غالية شوية بس العربية شكلها جميل جدآآآآ. وياريت لو تقدر تطلع للألفين أو بعد سنه 2000 . وربنا يوفقك ويكرمك يا رب

[Merit]

أقترح عليك الإبيزا 98 أو 99 هي نفس البولو تقريبا بالإضافة الي أنها أوسع بكثير من البولو وكمالياتها أكثر وثباتها أعلي

[Mina W]

العربيتين حلوين بس طبعا حسب حالتهم، راى لو تقدر قسط و جيب التو دى يدوب 10 الف زيادة و فى الاخر جديد علشان اى مستعمل اكيد هيكون محتاج مبلغ علشان تتوضب و تمشى معاها مرتاح

[zeyad1810]

انا شايف ان البولو افضل
ربنا يوفقك فى حاجة كويسة

[memoo_1st]

انا شايف ان الناس مجمعة على البولو يبقى إن شاء الله الواحد يبدأ يدور في حدود البولو ويتفرج عليها .

العربيتين حلوين بس طبعا حسب حالتهم، راى لو تقدر قسط و جيب التو دى يدوب 10 الف زيادة و فى الاخر جديد علشان اى مستعمل اكيد هيكون محتاج مبلغ علشان تتوضب و تمشى معاها مرتاح

الفكرة ان انا مش عاوز اركب عربية تكون صغيرة قوي زي الالتو انا كنت بفكر اني اجيب فيرنا قسط بس بصراحة مستحرم اني ادفع كل شهر مبلغ كبير ولكن المبلغ دا احطوا كل شهر واظبط بية عربية مستعملة كويسة .

[memoo_1st]

ولا انا كدا بفكر غلط ؟

[Merit]

زي ما قولتلك لو ناويت بولو يبقي الإبيزا أفضل منها (98 أو99 فقط) ، أنا كنت راكب الأثنين الموتور واحد والتابلوه واحد بإختلاف الإضائة وعفشة الإبيزا هي الجولف 3 ، وهي في المجمل عربية ألماني متجمعة في أسبانيا وده بخلاف الإبيزا القديمة هي بالكامل سيات أسباني.

والأهم طبعا بما إنهم جميعا عربيات مستعملة فالأولوية طبعا للحالة الجيدة أيا كان إبيزا أو بولو

وربنا يوفقك في إختيارك بإذن الله

[mo7a_mo7a]

العربيتين قيبين من بعض جدا
وانا اميل للكورسا اكتر

[Fadi Ezzat]

انا عندى حل احسن ليك خد قرض من البنك وهات عربية زيرو لان القرض هتلاقى فايدتة
7 فى المية اما لو قسطت بياخد فايدة كبيرة ممكن تكون 30 فى المية ممن المبلخ الفايض

[Mar80]

بص هي البولو حلوة جدا بس هي فعلا قطع غيارها غالية اعتقد ان الابيزا قطع غيارها ارخص بكتير عن البولو
وربنا يوفقك سواء مع البولو او الابيزا

[ابو فرح]

انا افضل الكورسا لا سعر قطع غياريها كويس

[mo7a_mo7a]

انا شايف ان الاختيار صعب جدا بس انت ايه رايك بترتاح لايه اكتر؟

[memoo_1st]

انا فعلا محتار جدا بس انا عاوز
1 - عربية مريحة مش مجرجراني وراها كل يوم عند الميكاينكي ( اصل انا معايا 128 ومطلعة عيني )
2 - عربية قطع غيارها متوفرة ومش غالية
3 - عربية مريحة في السواقة ومش متعبة وليها ثبات على الطريق
4 - سع اعادة بيع كويس مش تخسر كتير

في ناس بتقولي على الابيزا طب هل قطع غيارها منتشرة ولا لا .
وشكراً لكل الناس المحترمة الي ردت عليا وشكراً.

[kliken]

اكسنت فيها اللى حضرتك طالبه بس ثبات مش عالى