اختار ايه تويوتا ولا متسوبيشى ولا ايه بالظبط ؟

[hazem_khidr]

هات زيرو و ريح دماغك، و قسط الباقى.
انا رأى هات سيريون و قسط ال ١٦٠٠٠ الباقيين، العربية واسعة جدا مش هتصدق غير لما تشوفها

مش قوي كده يا استاذ عبد الرحمن يعني ممكن تكون واسعه في القاعده لكن ما فيهاش شنطه و ما تنفعش عربيه عائليه خالص عربيه بناتي كده ينفع ان واحد يجبها لبنته او لمراته انما ان صاحب اسره يركبها مش حتبقي لذيذه بالنسباله.
يا راجل دا كانت في الامارات بتتباع قسط ب 400 درهم في الشهر يعني 700 جنيه علي سنتين و من غير مقدم!!!
قصدي كانت رخيصه اوي انما تمنها هنا مبالغ فيه جدا

[mina_ramsis]

يا عم خليك فى الزيرو يا فيرنا يا لانوس مافيش احسن من الزيرو

[Ahmed Anwer]

هو ده اللي انا بقوله حرام ستين ألف يدفعوا في سيارة سكاند هاند ؛ قدام نزلت شوارع المحروسة يبقي بقت صناعة الأسطي عبده مش صناعة تويوتا و لا متسوبيشي

[vooooo]

عموما انا فعلا بدور على كرورلا موديل 92 حتى 94 حتى 97 بس اللى عنده العربيه دى بيغلى تمنها قوى اوقات بيطلبوا 65 الف !!!

ايه الأسعار دى هو انا هشترى عربيه نفاثه؟؟؟؟؟؟؟؟؟؟؟؟؟؟؟
كتييير قوى عليها و صعب تلاقى عربيه بحالتها
انا رأيى من رأى باقى الأخوه فى المنتدى
و بال60 الف ممكن تجيب عربيه ممتازه موديل 2000

[أبو عبدالله]

ما تنفعش عربيه عائليه خالص عربيه بناتي كده ينفع ان واحد يجبها لبنته او لمراته انما ان صاحب اسره يركبها مش حتبقي لذيذه بالنسباله.

والله دي اراء واذواق وليست حكر على أحد

يا راجل دا كانت في الامارات بتتباع قسط ب 400 درهم في الشهر يعني 700 جنيه علي سنتين و من غير مقدم!!!

يعني العربيه ماشاء الله تمنها في الأمارات 9600 درهم
وبالمصري 16800 جنيه ................... يانهار ابيض يعني هنا بيسرقوا من تمن العربيه حوالي اكتر من 60 الف جنيه

بالله ده كلام يعقل ياريت كلامنا يبقى اكتر واقعية من كده


العربيه السيريون لغير العارفين بره بتتباع بــ 9000 يورو
العربيه السيريون اقل سعر عربيه ياباني وتقفيل ياباني 1300 سي سي باتنين ايرباجز في السوق المصري كله

[Dr Ahmed]

يا راجل دا كانت في الامارات بتتباع قسط ب 400 درهم في الشهر يعني 700 جنيه علي سنتين و من غير مقدم!!!
قصدي كانت رخيصه اوي انما تمنها هنا مبالغ فيه جدا

حضرتك تقصد السعر دا لموديل سنة كام؟
انا كنت بتصفح النت ووجدت مطلوب فى سيريون 1300 موديل 2005 مبلغ 21 الف دهم..

ياريت حضرتك توضح لنا موضوع السعر ده..

[Karim_Monir]

فعلا يا حازم اكيد قدك المكوة موديل 2000 مش الجديدة طبعا

[PAYOO]

إللي ماسقش العربية السيرون ومجربهاش مش ممكن يقدر يستوعب العربية دي واسعة قد أيه وممتازه قد أيه ، بصراحة السيريون تحفة من تحف دايهاتسو ومش أي حد يقدر يقدرها لانهاعربية مميزه وللمميزين فقط وشركة دايهاتسو طول عمرها مميزة في جميع موديلاتها بالأتساع الداخلي والشكل الصغير الخارجي

أنا برشحهالك بقوة يا أستاذ وائل وممكن تقسط الفرق لو عندك رغبة في التقسيط

[hazem_khidr]

Dr Ahmed

hazem_khidr كتب:
اقتباس:



يا راجل دا كانت في الامارات بتتباع قسط ب 400 درهم في الشهر يعني 700 جنيه علي سنتين و من غير مقدم!!!
قصدي كانت رخيصه اوي انما تمنها هنا مبالغ فيه جدا


حضرتك تقصد السعر دا لموديل سنة كام؟
انا كنت بتصفح النت ووجدت مطلوب فى سيريون 1300 موديل 2005 مبلغ 21 الف دهم..

ياريت حضرتك توضح لنا موضوع السعر ده..

كان موديل 2005 يا دكتور احمد و تصفيات موديل كمان اخر السنه !!!!و هيا فعلا كانت علي سنتين او تلاته بالكتير

[أبو عبدالله]

هنا اعلان للسيريون في منتدى اماراتي والعربيه مستعمله وعاوز فيها كاش 36 الف درهم
والعربيه 2006 طيب الزيرو تبقى بكام ؟؟؟؟

http://www.uaeec.com/vb/showthread.php?t=36955

[hatem_badawe]

هات ويرو احسن يا راجل حرام ال60 الف

[eng.3tya]

انا بصراحة من راي المبلغ كبير والأحسن تجيب زيرو وتبقى العربية إستعمالك إنت بدل ماتجيب عربية مستعملة جديدة يعني ناهيك إنها مستعملة قطع غيرها برده غالية..............