ماروتي جديدة ولا 128 جديدة

[ggggggggg]

انا معايا 40,000 جنيه ومش ينفع ازود عليهم جنيه واحد...
ومش عايز اجيب مستعمل لأني دوخت وكلهم نصابين ولازم يكون المستعمل من واحد ثقة وتعرفه وده مش متوفر ليه ومش هيتوفر..
المهم انا عايز جديد.. جديد وبس ومحتار بين الماروتي سعرها وصل الى 35,250 جنيه وال128 سعرها وصل الى 39,000
ياريت تدلوني بسرعة اجيب اي واحدة منهم ولاسباب ايه.
وتقبلوا تحياتي ... و في انتظار نصائحكم.

[tarek_wahba]

عن ثقة و من خلال تجربة لماروتي افضل انا معايا ماروتي 2008 ماشاء الله عليها بسافر بيها و بروح كل حتة و مريحاني

[ggggggggg]

شكرا يا استاذ طارق على سرعة الرد..
بس ال128 1300 سي سي واوسع وتكبر والفرق بينهم في السعر مش كتير ....... مش عارف .. طيب ياريت حد يعمل مقارنة بينهم ولكم الشكر

[robeir]

ماروتي جديدة ولا 128 جديدة

ممكن حضرتك تشوف كل مميزات وعيوب الماروتى فى الرابط ده.
و طبعا القرار لحضرتك.الموضوع شيق جدا .

http://www.nilemotors.net/Nile/showthread.php?t=14710

[mahmoud_magdy]

انا شايف ان الماروتي احسن
مش هيكون فيها اعطال زي 128
وهتشتغل معاك فتره كبيره ومش هتقول لا
وعلى فكره وسها الداخلي مناسب
5 اشخاص حجم متوسط
4 اشخاص حجم تقيل وممكن 5 كمان
وموفره جدا في البنزين وقطع غيارها على حسب ما اسمع رخيصه

[ggggggggg]

طيب بالنسبة للموتور ال 128 1300سي سي لكن الماروتي 800 سي سي مش عارف هو انا لو جبت 128 جديدة وحافظت عليها هتبقى برده مشاكلها كتيرة واستهلاكها للبزين عالي؟؟؟؟

[Abdm]

أنا مش هقول أكتر من الاخوة قالوة الماروتى أفضل من 128 بكتير جدا وكفاية أقوى التقفيل بتاع الماروتى 100 100 لكن 128 الجديدة أسوأ من المستعملة وتعتبر كأنك شارى عربية مستعملة وهتفضل أيدك فيها على طول كأنها مستعملة اتكل على الله واعمل استخارة وباذن الله هترسى على الماروتى الزيرو كفاية ان قطع غيارها يابانى ومعمرة . وبالتوفيق ان شاء الله . واطلع على الرابط دة هيفيدك جدا.

http://www.nilemotors.net/Nile/showthread.php?t=14710

[mahmoud_magdy]

حضرتك انا واحد صاحبي معاه العربيه واستهلاك البنزين معاه كويس جدااااا وكمان العربيه بتجيب سرعه عاليه عالطريق لكن طبعا الثبات بيكون قليل

[ggggggggg]

متشكر جدا يا Abdm وانا بالفعل اطلعت على الرابط ده وقريأته بالتفصيل وكنت مقتنع جدا بالماروتي .... ولكن لقيت ال 128 ارخص سيدان في مصر وموتور اقوى ده الي خلاني احتار تاني.
بالنسبة لاخ musiccairo حضرتك تقصد اي عربية؟؟؟
الماروتي ولا ال 128؟؟؟؟؟

انا محتار جدا لان ناس تشكر في الماروتي وناس تشكر في ال128 نفسي حد يكون جرب العربيتين ويفيدني ويفيد الاعضاء.
تقبلوا تحياتي

[robeir]

وياريت كمان حضرتك تشوف بنفسك العربيتين و تركبهم حتى ولو فى المعرض و تشوف هترتاح اكتر لمين ممكن صغر الماروتى يضايقك و كبر ال 128 ما يفرقش معاك .ولو فى حد من الاسره هيستعمل العربيه ياريت تشوفه هو كمان هيرتاح لمين فيهم و علشان العربيتين زيرو ده معناه انهم المفروض مش هيكون فيهم اى مشاكل لسنوات قادمه المهم احتياجك و ارتياحك لمين ده اللى يمكن يفرق دلوقتى بين العربيتين .
وربنا يوفقك و تفرحنا معاك لما تشترى.

[tarek_wahba]

السلام عليكم انا معاي ماروتي من سنة و نصف ماشاء الله استهلاكها جوة البلد الصفيحة تعمل من 300 - 350 حسب رجلك على دواسة البنزين انا باسافر بيها على 120 -140 من السويس للقاهرة و الشرقية و المنوفية تقفيلها حلو على قد سعرها باركب فيها انا و الزوجة و اطفالي 12 سنة و 9 سنين و 4 سنين و اكتر من مرة اتحديت بيها و ركبت 3 حجم وسط وراء غير 1 حجم كبير جنبي و لم تلمس الأرض و لا في المطبات و احنا عندنا المطبات ماشاء الله عليها . التوكيل ممتاز قطع غيار ببلاش و لم احتاج فيها اي شئ للأن لا تحتاج بنزين و لا زيت و كفاية ان موتورها ياباني و بجد واسعة من جوة ارجو ان اكون افدتك

[robeir]

هو حضرتك كنت جايبها زيرو ولا مستعمل

[tarek_wahba]

كنت جايبها جديدة

[ggggggggg]

شجعتوني اشتري الماروتي بدل ال 128 رغم ان موتور ال 128 اقوى...... توكلنا على الله.
بارك الله فيكم وفي كل الي تطوع بالرد والنصحية.

[mahmoud_magdy]

الماروتي عربيه حلوه وركبتها كذا مره
وان شاء الله ربنا هو الموفق