إعـــــــلان

Collapse

.

,
See more
See less

SIRION vs I10 (قطع الغيار والصيانة)

Collapse
X
 
  • Filter
  • الوقت
  • Show
Clear All
new posts

  • SIRION vs I10 (قطع الغيار والصيانة)

    انا بتكلم عن السيريون وان( 69.900 ) وال I10 الفول اوبشن (61.500)

    انا عايز مقارنة من حيث اسعار قطع الغيار
    واسعار الصيانات الدورية

    انا عارف ان السيريون احسن بس انا عايزعربية تكون اقتصادية في التشغيل

    وحاسس ان ال I10 اقتصادية اكتر

    بس هل الفرق جامد بينهم ؟

    ياريت لو حد عنده اي معلومة ميبخلش بيها

    اخوكم يوسف
    [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

  • #2
    الصراحه معنديش فكره عن الاسعار بالظبط
    بس اكيد وطبيعى ان الدايهاتسو اغلى
    [aldl]http://s17.postimg.org/ygne2hebj/F2000045710.jpg[/aldl]

    Comment


    • #3
      حسام باشا الف شكر علي ردك انا عارف ان الدايهاتسو اغلي بس هل الفرق جامد

      ياريت يا جماعة مفيش حد يبخل باي معلومة
      [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

      Comment


      • #4
        سيريون طبعا

        انا زيك بالظبط كنت محتار بينهم من فترة ...بس انا دلوقتى رسيت على سيريون وان ..
        1- يابانى 100%
        2- قطع غيار اغلى طبعا ... بس معمرة جدا
        3- فول اوبشن .... بكماليات مش موجودة فى اى عربية يابانى فى السعر ده و ده حتى السيريون 1300 اللى فيها نفس الكماليات تقريبا معدية 85 الف .
        4- محرك ضئيل فى استهلاك البنزين 5 لتر لكل 100كم.
        5- 2 ايرباج
        6- 4 درجات فى اختبار الامان الاوربى .
        7- بالنسبة لاسعار الصيانات الدورية ... انا اعرف الصيانات الدورية بتاعة 10 و 20 الف كم بتبقى فى حوالى 300 او 400 جنيه على ما اذكر.
        8- خش على منتدى دايهاتسو ... حتلاقى كل الناس بتشكر فيها.
        اما الآى 10 :
        1- تغور من وش غبور ... كل الناس بتشتكى منه.
        2- صناعة كورى ..او هندى على ما اعتقد.
        3- حاصلة على 3 نجوم .
        4- قطع غيار برضة غالية بس مش اغلى من السيريون.
        5- اعتقد انها اصغر قليلا من السيريون ...
        6- اسعارالصيانة الدورية ....مش هاقدر افيدك فيها لانى ما اعرفهاش
        7- فكر فى شكل العربية بعد كام سنة من الاستعمال ... اليابانى بتلاقيه ماسك نفسه ... اما الكورى او الهندى
        و اخيرا اتمنى اكون قدمتلك حاجة و لو بسيطة ...
        و شكرا مقدما .

        Comment


        • #5
          الف شكر يا باشا علي ردك
          انا طبعا عارف ان السيريون احسن من ال i10
          بس دلوقتي فرق السعر بقي 8500

          وهل حضرتك متاكد من ان قطع غيار الi10 غالية؟

          ده فيها اسعار الصيانة لل i10 (كان عضو في منتدي هيونداي جابها
          هرفعها بعد اذنه طبعا)


          ياريت لو في زيها للسيريون يجبهالنا وحوش السريون
          [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

          Comment


          • #6
            بص انا يوم ما اعلان السيريون نزل انا كنت باخد قرارى انى هشترى ال i10 و كلمت المبيعات و كله تمام... بعدها بشويه بقلب لقيت صفحة السيريون فرحتتتتتتتتتتتتتتتتتتتتتتتتتت موووووووووووووووووووووووووووووووووووت و قعدت اقرأ فى الاوبشن و عجبتنى موووووت خصوصا انى بحب السيريون من اول ما نزلت و بحب دايهاتسو جدا.
            المهم لما قعدت اشوف road tests & reviews عن السيريون ال 1000 لقيت ان عيوبها ان صوت المحرك عالى شويه ( بس هما كاتبين لما بتحرق و اظن دى حاجه عاديه) لان ال i10 كده مع انى مجربتش احرق غير مرتين على التانى (50-60) و مكنتش مركز فى صوت الموتور.. فلو ده عيب مش مشكله لانى بسوق سواقه عاديه من غير حرق. و عايز اقول انى لما حطيت بنزين 95 لاحظت انه كان مهدى صوت الموتور اكتر, بالذات على التانى.
            و عايز اقول ان موتور ال i10 هادى جدا فى السلانسيه بدون اهتزازات (يا رب يفضل كده), هادى اكتر من اللانسر الشارك 2009 كنت لسه راكبها انهارده و عامله 860 كم و انا عامل 1580 كم بال i10 بس انا متحركتش باللانسر.
            موتور ال i10 استاذ فى السحب (انا مبحرقش و لا بجرى) بس فيه حاجات استاذه ان التالت بيسحب من سرعة 30 كم/س بدون ما تحتاج تنقل للتانى (و الميزه دى مريحانى جدا بدل ما انقل للتانى و ابقى هبدأ احرق و ارجع اجيب تالت) و الميزه ان مفيش تسقيف و العربيه بتسحب, و كمان بتسحب من عند 20-25 بس انا مبفضلش لان التسقيف بيبدأ يظهر الا لو كنت على منزل مثلا و الحمل منخفض على المحرك بلاقى التسارع عالى و بعدى لحد 30 و اكتر بسرعه. و كمان السحب على الرابع كويس من 55-60 حتى فى المطالع و من سرعة 50 كمان لكن السحب بيضعف. لكن الخامس سحبه كويس من بداية 80 او 75.
            و احب اقول انى سوقت Daihatsu Mira 97 و فضلت شغاله لحد 2005 كانت 850 سى سى 3 اسطوانات, سحبها ممتاز على الاول و التانى و ممكن تطلع من عربيات كتيييييييير زى اللانوس... لكن التالت سحبه قليل شويتين بالذات فى المطالع اما بقى الرابع فكأنه مش موجود حتى لو على طرق مستقيمه يعنى تبدأ تحس بيه من 80 او 90 كمان و طبعا الخامس كأنه مش موجود.
            و الخوف ان السيريون سحبها يكون مش عالى, رغم ان المكتوب عن تسارعها ان من 0-100 كم/س فى حوالى 13.5 ثانيه او 13.9 و ده احسن من ال i10 و ينافس مواتير اعلى. لكن الاهم سحب العربيه و تجميعها فى السواقه العاديه و ده محدش يقدر يفيدك لانها مش متجربه هنا. لكن بالنسبة لل i10 انا شرحتلك و ربنا هيحاسبنى على اللى قولته بدون ما ابالغ فى العربيه.
            كمان موتور السيريون ال 1000 سى سى انا بحترمه جدا لانه موجود فى الشاريد الجديده (مبتنزلش مصر) و تسارعه حوالى 11 ثانيه من 0-100 يعنى يبهدل عربيات 1600 سى سى بجداره لكن فى السيريون الامر يختلف لان العربيه اتقل.
            لكنه كمحرك 12 صمام على 3 اسطوانات يعنى 4 صمامات لكل اسطوانه و دى حاجه كويسه جدا. من حيث تقليل مفاقيد التنفس.
            لكن ال i10 المحرك 3 صمامات لكل اسطوانة.
            بالنسبة لمحرك السيريون اقصى عزم عند 3600 rpm لكن ميزة ال i10 ان اقصى عزم عند 2800 rpm يعنى فى السواقه العاديه تقدر تحصل على استهلاك بنزين متميز و جر عالى من المحرك.
            اما بالنسبه للسيريون ك ركوبه من جوه فهى حاجه تحفه طبعا طبعاااااااااا و بهرتنى لما كنت بتفرج عليها بس يعيبها ان بعض ال materials المستخدمه مش قد كده.
            لكن انا لما بدأت افكر قولت 10 آلاف فرق و اجيب عربيه يابانى و كمان فيها اوبشن...... لكن لما سألت والدى قالى 70 الف كتيير بس هى حلوه و انا كنت مقرر اجيب i10 هاف فقولت لو السيريون كان فيها abs+ebd (حتى لو مفيش airbags) و الكاسيت الاصلى كنت فكرت اكتر او لو كانت ب 65000 كنت حبتها (بس طبعا مستحيل تكون بالسعر ده و فيها كل الكماليات دى و تنافس كورى و هندى.. مينفعششششششششش)
            كمان كل اختبارات ال i10 بيأكدوا ان ثباتها جامد و ال road handling ممتاز.. لكن فى السيريون بيقولوا ان فى body roll فى الملفات الحاده.
            و فى حاجات عجبتنى اكتر فى ال i10 واقعيا بقى ان الاكصدامات عليها باكيتات للحمايه (مع ان فى اجزاء معرضه للاحتكاك) لكن فى السيريون مفيش. و مرايات ال i10 سوداء و ده افضل علشان متتبهدلش من التجريح لكن فى الكامله المرايات بلون العربيه على ما اتذكر.
            و فى جسم السيريون فوق العجلات الخلفيه (الرفارف) فى تنفيخه و دى ممكن تتبهدل من اى حك.
            اما ميزة السيريون فهى الكاوتشات انها 14" و عرضها 175 مم.
            اما ال i10 فهى 155 مم و "13 و ده مش مشكله اوى غير فى منظره والدى مخنوق منه جدا و بيقولى شكله صغير جدا و عايز يتغير لكن لما خد العربيه يوم قولتله ايه رأيك قالى انها تمام اوى و ثباتها كويس جدا لكن اللى مش عاجبه شكل الكاوتش. لكن العيب الملحوظ اللى حسيته فى الكاوتش انك لما تمشى على اسفلت مشقق و عباره عن اجزاء مخاصمه بعضها (معلش مش عارف اشرحه) ساعتها العربيه بتكون مش ماسكه نفسها علشان الكاوتش بيدخل بين التشققات اللى فى الاسفلت و يطلع على حته تانيه و هكذا. لكن على سرعة 60-70 خدت غرزتين فى مواقف مفاجئة و العربيه مكلبشه فى الارض و مفيش اى مشاكل تعويم او اى حاجه زى اللانوس... عن تجربه. كمان عيب الجنط ال 13 اللى راكب انك مينفعش تكبر مقاس الكاوتش اللى جاى عليه لازم تغير الجنط.
            و كمان فرامل ال i10 ملهاش حل و بتسعف. و الباور ملوش حل لدرجة انى لما بركب ماتريكس و النترا الشكل القديم بحس ان مفيش فيهم باور...
            و بصراحه انا بتمتع جدا بسواقتها و مبسوط جدا منها و مش شايف فيها اى حاجه مضيقانى.
            اما بالنسبة لقطع الغيار فأنا معرفش عنها حاجه و كنت فى ابو رواش انهارده و معملتش صيانة ال 1000 كم و مشيت و شكلى هبقى اغير زيت و فلتر فى البنزينة و انضف فلتر الهواء كل جمعة و غور يا غبور. و لو ليك استفسار محدد عن ال i10 اسأل مجرب يا باشا و انا نصيحتى لو عايز توفر هات ال i10 و مش هتندم لكن لو الفرق مش مهم و مقتنع بالسيريون هاتها بجد ركوبتها محترمه اوى......... و الله الموفق.

            Comment


            • #7
              و عايز اقولك ان الصيانه بتبقى غاليه يعنى مصنعيات 260 جنيه فى غبور ده شوفته قدامى كان واحد معاه فيرنا و بيعمل صيانة 20 الف و الحساب صفصف على حوالى 760 جنيه لتغيير بعض الهبل اللى ممكن عيل صغير يغيرهم بس لازم يكسبوا على قفانا. و اللى مخوفنى انهم اكيد بيكروتوا و ممكن يسلموك العربيه محكوكه او متجرحه علشان كده بفكر انفض لهم و والدى عامل كده فى الماتريكس و العربيه ماشيه زى الفللللللل بتغيير زيت و فلتر و تنظيف فلتر الهواء فقط. ارحم من مشوار غبور اللى مشانى 100 كم و راجع فى ساعتين الساعه 12 ظهرا...!!

              Comment


              • #8
                الف شكر يا اخ ميكو

                متشكرين يا ميكو على الريفيو الهايل بيتاع الاى 10 . و فعلا انا كنت معجب بيها برضه ...بس لما نزلت سيريون وان .....اتهبلت عليها ...و مش عارف اشيلها من دماغى ...بس انا كمان مستنى حد يكون جاب السيريون وان و يقولنا تجربته معاها... على الرغم من انها متجربة برة بقالها سنوات ....و على راى الاخ ابو عبد الله و هو من ملاك السيريون ....انه معظم جوائز السيريون من الموتور 1000 سى سى و فاكر انى قريت انه واخد احسن موتور فى 2007 تقريبا ..و كمان بصراحة كل الناس اللى فى منتدى دايهاتسو بيشكروا فيها جدا جدا...وبرضه منتظرين حد من وحوش السيريون يقولنا تجربته مع سيريون وان ,, و الناس برضه تقول رأيها ..

                Comment


                • #9
                  المشاركة الأصلية كتبت بواسطة abohalmos مشاهدة المشاركة
                  متشكرين يا ميكو على الريفيو الهايل بيتاع الاى 10 . و فعلا انا كنت معجب بيها برضه ...بس لما نزلت سيريون وان .....اتهبلت عليها ...و مش عارف اشيلها من دماغى ...بس انا كمان مستنى حد يكون جاب السيريون وان و يقولنا تجربته معاها... على الرغم من انها متجربة برة بقالها سنوات ....و على راى الاخ ابو عبد الله و هو من ملاك السيريون ....انه معظم جوائز السيريون من الموتور 1000 سى سى و فاكر انى قريت انه واخد احسن موتور فى 2007 تقريبا ..و كمان بصراحة كل الناس اللى فى منتدى دايهاتسو بيشكروا فيها جدا جدا...وبرضه منتظرين حد من وحوش السيريون يقولنا تجربته مع سيريون وان ,, و الناس برضه تقول رأيها ..
                  لا شكر على واجب يا باشا و انا بنقل تجربة حقيقية, و يا رب حد يقدر ينقلنا تجربة للسيريون 1.

                  Comment


                  • #10
                    ميشو باشا مش عارف اشكرك ازاي علي الكلام الجميل اللي انت قلته

                    بجد انت استاذ
                    [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

                    Comment

                    Working...
                    X