إعـــــــلان

Collapse

.

,
See more
See less

حيران و نفسى ارسى على بر

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    حيران و نفسى ارسى على بر

    انا توكلت على الله و نويت اتجنن و اجيب عربيه مستعمله فى حدود 35-38 الف جنيه

    فكرت فى كل حاجة ووصلت لكام عربيه بختار بينهم
    انا اللى يهمنى فى العربيه انها تكون واسعه لانى من اصحاب الاوزان و الاحجام
    وتكون ناعمه شويه و متتعبيش فى الصيانه لانى معنديش وقت خالص
    وتكون فبريكة الدواخل عشان اعرف ابيعها لو حبيت

    وصلت لكام حاجة هما

    كيا سيفيا 96
    ميتسوبيشى بطة او عيون صفيه 91-94
    بروتون ويرا 2000
    اكسل 95-98
    لانوس بس هتوصل 40 الف
    وممكن اوبل كورسا 98 او 2000
    و الفيات بونتو

    بما اننا هنا فى منتدى الكيا ف ممكن حد يقولى الكيا سيفيا 1 موديلات قديمة شويه اخبارها اية
    ومقارنتها لو ممكن بموديلات زى دى

    الف شكر مقدما
    الكلمات الدلالية (Tags): 1500, 1600, 20, 40, 50, ارسى, استهلاك البنزين, اسعار, اكسيل, البنزين, التوكيل, الفئة, الكنبة, اللانسر, اوبل, اوبل كورسا, اوتوماتيك, بر, بروتون, بنزين 80, بيع, حادثه, حيران, دى, زيت, زيرو, سعر, سيفيا, شنطة, صاج, صيانة, صيانه, طريقة, عربيه, على, عن, غالية, فئة, في, فيات, فيات بونتو, قطع, قطع الغيار, قطع غيار, كشف, كل, كورسا, كيا, لانسر, لانوس, لانوس 1, لانوس 2, مركز, مساعدين, مستعمل, مع, من, موديل, نفسي, هنا, هي
  • #2
    بما اننا هنا فى منتدى الكيا ف ممكن حد يقولى الكيا سيفيا 1 موديلات قديمة شويه اخبارها اية
    ومقارنتها لو ممكن بموديلات زى دى
    يا باشا انت في منتدي اللانوس مش منتدي الكيا



    حيران و نفسى ارسى على بر
    انا توكلت على الله و نويت اتجنن و اجيب عربيه مستعمله فى حدود 35-38 الف جنيه

    فكرت فى كل حاجة ووصلت لكام عربيه بختار بينهم
    انا اللى يهمنى فى العربيه انها تكون واسعه لانى من اصحاب الاوزان و الاحجام
    وتكون ناعمه شويه و متتعبيش فى الصيانه لانى معنديش وقت خالص
    وتكون فبريكة الدواخل عشان اعرف ابيعها لو حبيت

    وصلت لكام حاجة هما

    كيا سيفيا 96
    ميتسوبيشى بطة او عيون صفيه 91-94
    بروتون ويرا 2000
    اكسل 95-98
    لانوس بس هتوصل 40 الف
    وممكن اوبل كورسا 98 او 2000
    و الفيات بونتو
    انا كنت في حيرة زيك في نفس حدود المبلغ... وكنت خلاص حاجيب اكسيل.
    بس لاقيت لانوس قريبه منها وبتفرقها بكتييييييييييير.
    توكل علي الله وحاول تجيب لانوس.
    [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

    Comment

    • #3
      المشاركة الأصلية كتبت بواسطة horees مشاهدة المشاركة
      بما اننا هنا فى منتدى الكيا ف ممكن حد يقولى الكيا سيفيا 1 موديلات قديمة شويه اخبارها اية
      ومقارنتها لو ممكن بموديلات زى دى

      الف شكر مقدما
      حضرتك هنا فى منتدى التويوتا مش الكيا
      [SIZE=4][COLOR=navy]أبو مروان -------- أسألكم الدعاء لوالدتى بالشفاء ..... يا رب[/COLOR][/SIZE]

      Comment

      • #4
        بعيدا عن اى شئ يا ريت حضرتك تاخد بالك ان لسه فى مصاريف نقل ملكية وترخيص
        بالاضافة انك لو واخد العربية سليمة 100% لازم تصرف عليها على الاقل الفان أو ثلاثة
        وأنت من طريقة كلامك ان اخرك 38
        بالمناسبة ممكن تجيب لانوس ب 38 حالتها نسبيا كويسه لكن على الاقل هاتصرف 3 كمان
        اللانوس احسن من الاكسيل بكتييييييييييييييييييييييييييييير
        [SIZE=4][COLOR=navy]أبو مروان -------- أسألكم الدعاء لوالدتى بالشفاء ..... يا رب[/COLOR][/SIZE]

        Comment

        • #5
          رأيي احسن حاجه في دول اللانوس
          يليها لانسر بطه
          يليها اكسيل

          لانوس طبعا عشان سهولة البيع والكماليات واللذي منه

          Comment

          • #6
            متاسف اقصد انى هنا مع الدايو و حلاوته

            Comment

            • #7
              بص يا باشا...

              انت بتتكلم في فئة صعبة:
              من 30 : 40 ألف

              1- عندك السكودا فيليشيا من 27 : 35
              بس مشكلتها : شنطة صغيرة Hatch Back - شكلها مش أوي
              -و المكنة بتمسك حراره وحلها (تابع قسم السكودا)
              بس ميزتها السعر وثبات عالي جدآ علي الطريق عن تجربة.
              ويعيبها كمان سعر اعادة البيع مش كويس.

              2- الاكسيل : من 27 : 38
              ودي عربيه جميلة لو في منها نضيف يبقي تمام.
              بس مشكلتها الأزلية. الثبات علي الطريق بعد ال 100 كم/س
              و حلها مساعدين مونرو زيت علي غاز خلفي (بس مش حل كامل )
              وكمان العربيه واطية شأن العربيات الحديثه كلها
              مميزاتها (كمالياتها محترمة وواسعه من جوه وناعمه زي اللانوس)
              وخللي بالك دي كربراتير مش انجكشن.
              وماكينتها هي نفس ماكينة اللانسر عيون صفية.
              بس سعر اعادة البيع مش زي اللانوس
              ملحوظة: "اغلب عربيات الشرطه كانت اكسيل Hatch Back"

              3- لانسر بطه :
              واطية جدآ من الارض.
              عربيه محترمه ماكينة وعافشة.
              ماسوقتهاش لكن ركبتها. واسعة ومريحه في السفر.
              قطع غيارها مش رخيصة.

              4- معشوقتي اللانوس.
              عافشة + ماكينة + شكل + ثبات + كماليت + راحة
              وسعر اعادة بيع ممتاااااااااااااز
              ده كل اللي ممكن اقوله عنها.

              5- الشاهين:
              علي كرونة مش كبالن.
              ناشفة شويه - والشكل مش حديث
              لكن صاج وماكينة 10/10
              ضيقة من ورا (الكنبة الخلفية)
              كمالياتها مش أد كده.
              في منها كالبرتير وفي إنجكشن.

              6- الهيونداي أكسنت.
              في كربراتير وفي إنجكشن.
              ولو بتتكلم في نفس موديل وكماليات وسعر اللانوس تبقي اللانوس طبعآ.

              7- الفيات سيينا موديلات بعد ال2000 انت ناسيها.
              عربيه جميلة جدآ. لكن شكل شنطتها مش أد كده
              تحسها عاليه من ورا.
              وفي نفس الفئة من 35 : 40
              قطع غيارها برده مش رخيصة

              8- السيات ايبيزا
              ودي شبابي وموفرة في البنزين.

              9- البروتون ويرا
              برده في نفس الفئة بس مشكلتها قطع غيار مش موجوده غير في التوكيل

              انا من رأيي اللانوس (ده رأيي الشخصي)
              وشوف اي حاجه من اللي فاتو لو تحب اقولك تفاصيل عنهل انا متابع. لأني زي ماقولت لك مريت بنفس التجربة لمدة شهر من البحث و الحيرة
              وربنا يوفقك وتلاقي حاجه كويسه.
              بس إوعي تتسرع انت مش كل يوم حتجيب عربيه. ةممكن تجيب عربيه تكرهك في العربيات كلها. وممكن تجيب عربيه تحسسك إنك في دنيا تانيه.
              [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

              Comment

              • #8
                الف 1000 شكر على اهتمامكم جميعا
                @ Drift_Lover
                انا بصراحة معرفتى قليله بالانوس
                ممكن اعرف منك اسعارها فى حدود كام بانهى اوبشن؟
                يعنى 35 ممكن تجيب موديل كان باى اوبشن؟
                واسعار قطع الغيار؟

                بصراحة انا مقتصر ااختياراتى دلوقتى على
                اللانوس
                الاكسل (مع العلم انى مش بحب اجرى بالعربيه لانى متعلم جديد) ملحوظه انا سقت ريجاتا 6 شهور و كانت من العربيات اللى كرهتنى فى العربيات

                البطة لانى سالت على قطع غيارها لقيتها رخصت

                ورايك اجيب اللانوس من سوق العربيات اللى فى ال 10

                وانا فعلا مش المفروض استعجل
                بس يعنى المفروض اعمل اية وانا فى السوق؟؟؟

                طيب اكيد حضرتك تعرف تسجيل اللانوس فى الشهر العقارى بكام؟ و تامينها و ضريبتها فى المرور؟

                سؤال اخير
                هو موتورها كام cc?
                ولو فى كذا حاجة يبقى افضل حاجة اية؟

                Comment

                • #9
                  المشاركة الأصلية كتبت بواسطة horees مشاهدة المشاركة
                  متاسف اقصد انى هنا مع الدايو و حلاوته
                  ***
                  بس أنت بقيت دلوقتي في قسم المقارنات
                  حظك كدة
                  [I][FONT=Tahoma][SIZE=5][COLOR=royalblue]""[U] ورحمة ربك خير مما يجمعون[/U]""[/COLOR][/SIZE][/FONT][/I]
                  [CENTER][SIGPIC][/SIGPIC][/CENTER]
                  [SIZE=4][COLOR=darkred][/COLOR][/SIZE]

                  Comment

                  • #10
                    الف 1000 شكر على اهتمامكم جميعا
                    @ Drift_Lover
                    لا شكر علي واجب... وربنا يوفقك.

                    ممكن اعرف منك اسعارها فى حدود كام بانهى اوبشن؟
                    يعنى 35 ممكن تجيب موديل كان باى اوبشن؟
                    واسعار قطع الغيار؟
                    لانوس 1
                    شعبي راشه بره وجوه:- من 32000 : 36000
                    حالة جيدة كامله مانيوال :- 37000 : 39000
                    فابريكه بره وجوه وكامله مانيوال:- 39000 : 44000

                    بس اوعي تجيب كامله اوتوماتيك لان الفتيس بتاعها نادر تلاقيه لا لا قدر الله فيه مشكلة.

                    لانوس2 :- اسعارها حسب الموديل.

                    وطبعآ اللي بيفرق معاك:
                    1- اوعي تجيب عربيه شعبي راشه حوض او شنطه.
                    2- الكماليات.
                    انذار + سنتر مش مهم ممكن تركبهم ومش مكلفين.
                    زجاج كهرباء برده مش مكلف.
                    أهم حاجه في الكماليات التكييف (وماتكتفيش انه يكون موجود. لازم يكون شغال. وسيك من شغل الاونطه بتاع عاوز يتشحن والكلام ده)
                    وباور الدركسيون.
                    2- حالة الماكينة و الكهرباء و الكنترولر.
                    لو الماكينة خفيفه حتتعبك في شغلها . والماكينة مش غالية ب 2500 استيراد و 3500 بالفتيس برده استيراد.
                    ولازم تكشف علي العربيه بالسكانر وتتأكد ان كل أساسياتها شغالة. الحساسات-الكنترولر. وخللي بالك من لمبة التشيك وانت بتجرب العربيه.

                    3- العافشة.
                    لازم العربيه تكون ناعمه معاك. ومافيهاش خبط ورزع او خشونة.

                    انا سقت ريجاتا 6 شهور و كانت من العربيات اللى كرهتنى فى العربيات
                    بلاش يبقي تقييمك لموديل هو تجربتك مع عربيه مش نظيفه.
                    الريجاتا محترمة جدآ... بس طبعآ النظيف منها.

                    ورايك اجيب اللانوس من سوق العربيات اللى فى ال 10

                    وانا فعلا مش المفروض استعجل
                    بس يعنى المفروض اعمل اية وانا فى السوق؟؟؟
                    انا جبت عربيتي من هناك. بس بعد ما نزلت السوق مرة واتنين وتلاته. ودخت السبع دوخات... من السوق ده لده ومن المعرض ده لده.
                    وخللي بالك التاجر او الميكانيكي اللي جاي معاك اوعي تدي له ثقه كامل لانه ممكن يلبسك... ويهمه في الاول والاخر انك تشتري علشان يقبض.
                    احسن حاجه صوف ميكانيكي محترم يكون موجود معاك واتفق معاه علي 10 قروش حياخدهم سواء اشتريت ولا لأ.

                    طيب اكيد حضرتك تعرف تسجيل اللانوس فى الشهر العقارى بكام؟ و تامينها و ضريبتها فى المرور؟
                    تسجيل اللانوس 1 في الشهر العقاري 835.00 جنيه
                    الضريبة مش عارف بالتحديد... بس الترخيص ونقل الملكية ورخصه سنه مش بتعدي ال 500 جنيه.

                    هو موتورها كام cc?
                    ولو فى كذا حاجة يبقى افضل حاجة اية؟
                    1500 و 1600 واسمع انه في 2000
                    بس اغلب اللي حتلاقيه ان لم يكن كله.... بيبقي 1500 سي سي.

                    علي فكرة:
                    موفؤه جدآ في البنزين. وبتمشي بنزين 80 ومابتقولش لأ. مع انها انجكشن.
                    [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

                    Comment

                    • #11
                      نسيت اقولك... في السوق حتسمع في اللانوس 1 اسعار بتبدأ من 43 الف فيما فوق.

                      بس اوعي تخلص بأكتر من 40 ألف...
                      الاسعار اللي بتاعة البيع والشراء للنضيف منها من 38 : 40 الف مش أكتر
                      وطبعآ ده بالنسبة للركود في البيع والشراء دلوقتي لو انت متابع.
                      [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

                      Comment

                      • #12
                        اوبل كورسا اوسع من الانوس بس انسى الشنطة

                        انا طولى 185 و مش رفيع و بركبها و بكون مرتاح فى القاعدة عن الانوس
                        [URL=http://www.trippytext.com/][img]http://www.trippytext.com/gen/54/822/095ad67de2e5c7d359a04f3a78e94695.gif[/img][/URL]

                        Comment

                        • #13
                          معلش بتقل عليك
                          يعنى اية لانوس شعبى؟ و اعرف ازاى الفرق بين لانوس 1 و 2؟ واخر لانوس 1 كان موديل كام؟
                          يعنى اية كشف على العربيه بالسكانر؟ وفين اكشف عليها كدة؟ واية لمبه ال check
                          دى؟ بعرف منها اية؟
                          وحضرتك بتقول الموتور بتاعها موفر...ممكن اعرف جوة البلد بتستهلك كام؟

                          لسة سائل 1 صاحبى بيقولى ان عفشتها مش اد كدة؟ يا ترى دة حقيقى؟

                          والف شكر مرة تانية
                          تحياتى للجميع

                          Comment

                          • #14
                            المشاركة الأصلية كتبت بواسطة Sherif Khalifa مشاهدة المشاركة
                            اوبل كورسا اوسع من الانوس بس انسى الشنطة

                            انا طولى 185 و مش رفيع و بركبها و بكون مرتاح فى القاعدة عن الانوس
                            طب و حضرتك رايك اية فيها؟ من ناحية الموتور و قطع الغيار و استهلاك البنزين و سعر العربيه اصلا؟؟؟

                            1000 شكر

                            Comment

                            • #15
                              يعنى اية لانوس شعبى؟
                              بص يا باشا... في سوق العربيات بتسمع مصطلحات كتير
                              منها
                              عربيه مشغولة : بتبقي عربيه عامله حادثه ومشدوده. مغيره نص او ربع او كده....

                              عربية شعبي : يعني عربية مش مهم لو كانت راشه حوض او قايم او شنطه او مغيره سقف او مسقطه رفارف او مغيره ربع.

                              المهم انها عربيه ماسكه نفسها وماشيه وخلاص ولو كان فيها عفاريت. بس عربيه ورقها سليم. وشغاله بس مش العربيه اللي تقتنيها لأنها حتتعبك كتير...
                              ودي بتبقي اغلب شغل التجار والسماسره ( مش المعارض طبعآ )
                              ودي سعرها بيبقي معروف.
                              [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

                              Comment

                              السابق 1 2 template التالي
                              Working...
                              X