فيليشا او أكسنت

[ShenoudaB]

I'm looking for a Used car with Budget 30,000 to 35,000
the options i have is Skoda Felicia and Hyndai Accent

Which is better and why. or there is other options

Please Advice

[kliken]

اكسنت افضل اكيد قطع غيار رخيصه و سهله جدا فى بيعها

[mazenossama]

بص كل عربية فيها مميزات وعيوب
اولا الاكسنت
مميزات
1- في موديلات لغاية 2005
2- سحب ومتور اقوي وبفرق ملحوظ
3-واسعة الي حدا ما خصوصا ان في شنطة
4-عليها طلب ومش هتخسر في بيعها
5-قطع غيار اصلي رخيصة ومتوفرة
6-شكلها احدث ومدرن اكتر
7-متورها ملوش صوت وغالبا انجكشن
عيوبها
1-سحبها اه عالي خصوصا موديلات 1999 كان في منها 1500 سي سي بس بتخف علي السرعات العالية (بتعوم)
2- صاج ضعيف جدا بس عموما كل الجديد كدة
3-عفشة ضعيفة نسبية
4-ملهاش عيوب ملفتة وتعتبر فلتة من فلتات هيونداي
5- غالية كتيير عن 35 الف لو حبيت تجيب حاجة معقولة

الفليشيا
مميزتها
1- سعرها في متناول ايدك يعني ممكن ب35 الف تجيب حاجة ممتازة
2- اتزان عالي المستوي
3- قطع غيار معمرة عشان معظمها الماني وتشيكي
4-صاج تقيل جدا اذا ما قورن بالاكسنت والانوس
5- واسعة من جوة بالرغم انها هاتش باك بس ملهاش شنطة
6- عربية حمالة اسية ومتخفش عليها من المطبات والارض الوعرة يعني عفشة ممتازة جدا
7- في منها كومبي ام شنطة بس مش شبابية واتقل من العادية
8- في منها موديل 2000 ونزلة انجكشن اما الباقي كان كربيراتور

عيوبها

1-للاسف عدم العيانة بدورة التبريد وبحالة العربية ممكن يخليها تسخن بس ده مش عيب فيها ده عيب في العربيات الي فيها مشكل
2- عربية تقيلة في السحب و الدركسيون اذا ما قورنت بالاكسنت
3-متورها اضعف من الاكسنت ومعظمو كربيراتير
4-قطع غيرها برغم توفرها انا غالية
5- شكلها قديم سنة
6- تناسب الذكور اكتر
7- تقيلة في البيع وممكن تخسر في بيعها او تطول
8- تكييف اضعف من الاكسنت

علي فكرة انا عندي 2 فليشيا فملم بيها اكتر بس عندي واحد قريب لازق في عربيتة كتير وهي اكسنت فعارف شوية عنها

من الاخر الاكسنت تكسب في مصر عن الفليشيا لكن برة الفليشيا تضرب الاكسنت ودي حقيقة .
الفليشيا عملت ضجة في اوروبا و نزلت في الرالي الاوربي وحققت انجازات كتتير علي البيجو والسيت وده معلومات موثقة اي بطولات اخدتها بمعني اي موقع اوروبي هتلاقي بيشكر في الاسكودا عموما عن الشركات اليباني والكوري

بس انت في مصر ام الدنيا والموضوع بيختلف وبيخش في السوق واعادة البيع والكلام ده

من الاخر لو ده اخرك في الفلوس دور علي فليشيا او ابيزا ولو ممكن تزود يبقي اكسنت وانت الحكم شوف ايه الي عجبك وداخل مزاجك واتوكل علي الله وانزل السوق واتفرج ومتتسرعش
عموما الاكسنت احسن من الفيليشيا في مصر

[karimone]

الاكسنت احسن طبعاً...