البولو 2001 ولا الدايو جوليت

[amrhussien87]

يا جماعة انا محتار بين البولو 2001 ولا الجوليت البولو تحسسني بالامان والفخامة في التصميم واستهلاك البنزين رائع والثبات كمان رائع والجوليت اكبر في الحجم بس كوري والموتور اقوي 1300 وواسعة في الصالون بتاعها انا محتار فعلا بس انا عايز اركب عربية كويسه وفيهاش غلطة لاني اول مرة اسوق فعايز حاجة كويسه ممكن تساعدوني ايه الاحسن من جميع النواحي ومين اللي تكسب فيهم من كل حاجة وشكرا يا جماعة

[adel1414]

على فكرةالجولييت 1500..بس طبعاااااا البولو

[kliken]

البولو اكيد بس قطع غيار غاليه نسبيا عن الجولييت اللى قطع غيارها لانوس يعنى ارخص كتير

[tmedhat]

البولو لو نمرة واحد و سليمة افضل

[ramysultan]

بص انا عندي جوليت 2000

كنت محتار نفس الحيره يوم ماكنت باشتري
اولا الجوليت ودي عن تجربه:
1-قطع غيار رخيصه جداااااااا علي سبيل المثال (تيل الفرامل 40 جنيه)
2- اكبر حجما بالذات الشنطه
3-مش هاتخاف عليها وانت عند الميكانيكي
4-اعاده البيع لصالح الجوليت

ثانيا البولو:
1- ممتعه في السواقه
2- ثبات اكبر
3-اشيك بكتييييييييييير
4-الماني وده في حد ذاته هايخليك واثق من العربيه اللي انت راكبها

في النهايه انا اللي فصل الموضوع بالنسبه ليا اني لقيت جوليت اسرع لاني كنت دايخ بسبب ان العربيتين دول بالذات راكبينها شباب وصعب جدا انك تلاقي منهم نضيف لانها عربيات مشجعه جدا عالجري وبالذات البولو


وربنا يوفقك

[mxz911]

حسب احتياجك .. يعنى لو أسره مثلا صغيره .. وتقدر تستحمل قطع الغيار الغاليه مقابل اداء كويس جدا يبقى بولو

لو أسره كبيره شويه .. يبقى خليك ف الجوليت ...

وبعدين انت اقعد فى الاتنين ف كرسى السواق وجرب برضه .. لانى مره قعدت ف بولو 2001 والله رجلى كانت خابطه ف الدريكسون مع ان الكرسى كان راجع لورا والعمليه متظبطه .. بس انا طويل شويه

وربنا يكرمك والصراحه انا لو هجيب يبقى هجيب جوليت لوسعها وتحملها وبرضه ثابته على الارض ومش وحشه ...

[amrhussien87]

طيب موضوع الموتور 1000 سي سي هياثر علي التكييف وهيبقي العربيه اي كلام ؟؟

[sasam6]

هى الجوليت
وربنا يوفقك

[nomercy22]

البولو طبعا بغض النظر عن اسعار قطع الغيار يكفيك الاداء

[mody_halawa]

البولو طبعا بغض النظر عن اسعار قطع الغيار يكفيك الاداء

على فكرة الاداء لصالح الجولييت مش البولو

[Abdo_Eldesokey]

أنا رأيي الدايو تتفوق في كل حاجة ما عدا المُصنع بس
- موتور أقوى
- حجم أكبر
- قطع غيار أرخص كتير
- كل الصنايعية فاهمين فيها

والعربية بقالها أكتر من 10 سنين في شوارع مصر وشغالة زي الفل

[M.ABDEEN]

الجوليت اقوى واحسن في الاداء بس البولو الماني

[Mamoud salah H]

والله انا رايي البولو بس بشرط انها تكون 1.4 مش 1.0 عشان تاخد اداء افضل وتسارع وعدم نحميل علي الموتور مع التكييف والسحب

[mohamed handy]

بولو 2001 ممتازه جداااااااا وصلى استخاره بردو