ساعدونى فى التقييم من فضلكم (لا تبخل على برأيك) !!!

[mga747]

1. القيمة المالية(سعر إعادة البيع)
2. الإعتمادية
3. الصيانة(التوكيل والأسعار)
4. استهلاك البنزين
5. المتانة وعلوها عن الأرض(شوارعنا والمطبات)

[abou_ruqi]

؟؟؟؟؟؟؟؟؟؟
تريد تقييم أنهي عربية ؟؟؟؟؟

[mga747]

السيارات المراد تقيمها فى الإستطلاع فوق !!!

[abou_ruqi]

أه الظاهر مكنتش لسه ظبطت الاستطلاع لما دخل أول مرة

[Hosam_Optrawy]

سعر اعادة البيع : تويوتا ميتسوبيشى هيونداى
الاعتماديه : تويوتا ميتسوبيشى
التوكيل والاسعار : تويوتا ميتسوبيشى نيسان كيا لكن كيا ارخصهم ومحترم جدا
استهلاك البنزين : الياريس اقل استهلاك والصنى اكبر استهلاك والباقى زى بعضه تقريبا
والخلاصه ان
الياريس طبعا ممتازه لكن سعرها كتير اوى عليها
السيراتو برضه حلوه جدا وممكن تجيب اللى فيها Abs و Air Bags وجنوط سبور ب 108 عيبها ان اعادة البيع متوسطه يعنى مش زى هيونداى مثلا
اللانسر طبعا معروفه بس برضه 114 كتير وشكل قديم بس رأيى انها اضمن صفقه فيهم
نيسان صنى نزلت شكل جديد وفيه Abs و Air Bag ب 96 وده سعر مناسب جدا وفى السوبر صالون ب 106 عيبها ان استهلاكها للبنزين عالى
النترا ممتازه لكن عيبها التوكيل
كل واحده فيها عيب وليها مميزات
شوف انت محتاج ايه من العربيه

[Sameh]

سعر إعادة البيع : التويوتا عموما - هنا تبقى ياريس
الإعتمادية : لو تقصد أقل أعطال تبقا تويوتا برضه
الصيانة : ممكن لانسر وأى حاجة هيونداى عشان إنتشارهم
إستهلاك البنزين : أى حاجة دايهاتسو ، بالنسبة للإختيارات ممكن ياريس عشان موتور صغير
المتانة والعلو عن الأرض : المفروض تكون تيجو

[kh_talaat]

أنصحك تشيل اليارس من اختياراتك لأن سعرها بقى مبالغ فيه قوي وبدون مبرر يعني كانت نازله في 2006 ب82 ألف فول اوبشن مانيوال وهي هي بنفس الشكل موديل 2009 وبقت ب 98900 !!!!

وفي رائي المتواضع أفضل سيارتين هما كيا يسراتو وهيونداي ألنتر

[kliken]

النترا فيها معظم اللى حضرتك طالبه

[abou_ruqi]

إنما حضرتك ليه مش حاطت في الاعتبارات اضافات الأمان ؟

ليه مش بتسأل على الوسائد الهوائية أوالفرامل الإي بي اس والاي بي دي أو دعامات الاجناب؟

هي مش سلامتك أهم من استهلاك البنزين في بلد هي الأعلى عالمياً في اصابات حوادث السيارات ؟؟

[sasam6]

مش عارف ايه عاجبكم فى الألنترا دا الشعب كلو جايبها ومش حلوة

[kliken]

مش عارف ايه عاجبكم فى الألنترا دا الشعب كلو جايبها ومش حلوة

مش حلوه من اى ناحيه يا ريت حضرتك توضح

[mga747]

صوتوا فى الاستطلاع !!!

[mga747]

صوتواااااااااااااااااااااااااااااااااااا

[mga747]

يا جماعة أهتموا وصوتوا فى الإستطلاع !!!

[mashaly]

الاختيار بيكون على حسب حجات كتير ومن ضمنها راحتك انت النفسيه للعربية
لانه ممكن تكون العربية كويسة وانت مش عجباك فامش هتقتنع بيها نهائيا وممكن
تندم انك جبتها
حسب التجربة التويوتا عربية عملية جدا موفرة في البنزين خاصة 1300
لكن مع المكيف بتأثر جدا في السحب
الكورلا حلوة جدا بس تكون 1600 انا جربت 2006 اول يد
الصيانة لسى مجربتهاش في مصر لان العربية خليجي استعملتها هناك وكام شهر هنا العربية الوحيده اللي مكنتش بعاني من حكاية البنزين بس الكلام دا على
1300
الصني مع صديق لي 2006 برضو اول يد كان فيها كام مشكلة وعملها في التوكيل وكلها غيرها من غير مايدفع حاجة غير شوية بقشيش
وهي كالتالي
مشكلة في الكاست (صوته حلو مع ان شكله اقل من العادي) مش السي دي واتغير
البطارية
الليتيتر عيب تصنيع واتغير
ركبتها كذا مرة محستش بفرق في العفشة زي ما الناس بتقول انها ناشقه مش ناعمة تقريبا زي الكورلا بس تفرق طبعا في الارتفاع الكورلا مش بتحك في المطبات زي الصني وصوت الماتور كان عاجبني مش وحش يعني ولا عالي برضه زي مالناس بتقول ولا فيه نتشه في النقل بالنسبة للفتيس الا لو كان فيه حاجه لاني ركبت واحده تانية كانت بتنتش بس التانيه كانت متهانه
وأعتقد ان معظم العيوب دي ناتجه عن التقفيل
وفعلا أسوء مافي الصني الصالون ضيق جدا خاصة من الخلف مع ان العربية حجمها مش صغير خارجيا
ممكن تفكر في التيدا ناس كتير بتشكر فيها وسعرها مقبول واللي شوفته في التوكيل اي نعم ممكن فيه حجات بطول عقبال ماتيجي من القاهرة بس مش بيعملوا فلم عشان يغيروا حاجه ودا المفروض يحصل من كل التوكيلات