مقارنه بين فيات اونو وسكودا الفليشيا

[atamim]

السلام عليكم وحمه الله و بركاته

الاونو و الفليشيا عربيتين هاتشباك مواتيرهم تترواح بين ال 1000سى سى و ال 1300 سىسى

الاتنين موديلات التسعينات فما فوق

الاتنين حجمهم قريب من بعض و الاتنين فية منهم من غير كماليات و فية منهم فول اوبشن

الاتنين اسعارهم تتراوح بين 25 الف فما فوق

محتار ما بينهم يا ريت حد يدلنى

[أبو ياسين]

انا معنديش معلومات كتير بس ركبت دى و دى بيتهيقلى الاونو انعم من الاسكودا بس كحجم و تواجد قطع غيار زى بعض تقريبا

انما لو انا هركب هدور على ابيزا ممكن تلاقى وحده قريبه من السعر ده

[atamim]

انا معنديش معلومات كتير بس ركبت دى و دى بيتهيقلى الاونو انعم من الاسكودا بس كحجم و تواجد قطع غيار زى بعض تقريبا

انما لو انا هركب هدور على ابيزا ممكن تلاقى وحده قريبه من السعر ده

طيب مش معنى الابيزا؟

انا كنت بحاول انزل بال سى سى بتاع الماتور علشان التوفير هل الابيزا فية منها 1000 سىسى ولا اعلى من كدة

كمان مقولتليش السعر و الموديل الى بيقرب من سعر الاونو و السكودا

[batros]

الابيزا فى منها 1000 سى سى بس موديل 98 و 99 وممكن تلاقيها من 30 الى 35 الف ومن حيث قطع الغيار موجودة هى غالية شوية صغيرين بس نتعيش.

[Sehsss]

الأونو عربية جميلة، بس لو حالتها كويسة

[S O P H O S]

+11111
فعلا شرط الحالة

[Dr'AhmZZong]

فيلشيا عربية جميلة جدا ..

مشكلتها الوحيدة السخونة .. و بتتعالج بأقل التكاليف

[i_Am_Legend]

الاونو جميلة..بس مش حلوة في الطرق السريعة..والمشاوير الطويلة..بيبقي صوت الموتور عالي مع السرعة..انصحك بالبونتو او الابيزا..الفيليشيا حلوة بس بحسها خشنة شوية..خليك في الابيزا او الجولف 2 او البونتو..وممكن الفيالت تيبو..بس دي نادرة شوية.

[asaeed]

جولف 2 عربية محترمة جداااااا وخدمة شاقة بمعنى الكلمة.. صناعة ألمانية وقطع غيار موجودة وأعتقد موديلتها من 85 حتى 90 أي نعم موديل أقدم من الإيبيزا والأونوا بس عربية تستاهل الفلوس إللي هتندفع فيها..
يكفي أنها صناعة ألماااااااااني وصناعتها سابقة عصرها

[Ladawy]

فيلشيا عربية جميلة جدا ..

مشكلتها الوحيدة السخونة .. و بتتعالج بأقل التكاليف

بسمع الجملة دى كتير ، السخونة بس تتعالج بسهولة

الموضوع دا مؤكد ؟
يعنى ممكن آخد العربية من الاسكندرية ل مطروح مشوار واحد بيها فى الصيف بدون ما تعمل معايا مفاجآت ؟

انا احتمال اجيب فليشيا اول عربية ليا ، و برضه مهتم بالموضوع ده خصوصا ان اللى كان فى بالى الاول هو الاونو و برايد العصفورة ، بس مفيش منهم قدامى بحالة حلوة

[Abo_Mazen]

أونو ..إمتداد للعربية 128 في سهولتها وتوافر قطع غيارها والميكانيكية اللي بيفهموا فيها ..بالإضافة لعدم وجود أي مشاكل كانت موجوده في ال 128 بخصوص الشاسيه