بولو 2001 ولا فيات بونتو ولا سيتروين c3

[amrhussien87]

يا جماعة ممكن معلومات جامده علي العربيات دي بولو 2001 - بونتو 2002 2003 - سيتروين C3
وايه احسن عربية فيهم وموضوع الشكل انا مرتاح ليهم كلهم بس ايه الاحسن في الموتور وقطع الغيار والتكييييييف
لو انتو مكاني من الاخر هتختارو ايه شكرا نايل موتورز

[sasam6]

فى التكيف السيتروين من غير كلام والموتور بردو

[amrhussien87]

ايه يا جماعة فين الناس عايزين مقارنات جامده

[mokhtar]

اولا انا استبعد الستروين C3 مش عشا هى وحشه لا بس مش منتشره وبحس ان عز العرب مش مركز معاها خالص ورامى طوبه الستروين ومركز مع بروتون
البولو اعرفها اكتر من البونتو عربيه محترمه جدا كفايه انها فولكس فاجن صحيح هى 1000 سى سى بس والله شديده وتحسها رياضيه وجامده وبتاعه خدمه شاقه بس المهم متكونش متهانه لانها بيركبها شباب ويطلعوا عنيها
البونتو عربيه محترمه برضه وايطالى والجيل ده بالذات ماخدش حقه فى مصر للتوكيل السيىء دائما لفيات فى مصر وكعاده السيارات الاوروبيه الصغيره الهاتشباك عربيه قويه تستحمل بس برضه لازم تكون الحاله جيده

[amrhussien87]

طيب انا كده احترت اكتر انت لو مكاني هتجيب ايه وصراحة

[smax]

بولو ممتازة و اكثرهم استحمال بس شكلها قديم و موتور1000 cc.
بونتو شكلها جميل بس اعطالها كثير كعربية مش قديمة و جرب تسوقها انا رأي سوقتها رديئة.
معرفش حاجة عن السيتروين غير انها مش منتشرة و ملهاش قطع غيار.
لاو مكانك اجيب بولو.

[amrhussien87]

انا عايز اعرف هو لو شغلت التكييف في البولو السرعة توصل ل 130 ولا هبقي سايق عجلة

[tamer51177]

انا معايا البونتو وعربية ممتازة ومريحاني اوي
انا لو مكانك اجيب البونتو لو حالتها كويسة

[mous6fa]

كمالك سابق للبونتو أنصحك بالبولو أفضل ... البونتو من وجهة نظري الشخصية عربية كويسة ولكن أدائها وأسعار قطع غيارها لا تتناسب مع سعرها كسيارة فى سوق المستعمل ... يعني اللى دفعته فيها ساعتها كنت أقدر استغله فى عربية أكبر وأحسن وأداء أفضل ... وبرضو من وجهة نظرى ياريت تفكر فى حالة العربية قبل الأسم ... يعني لو أدامك عربية مو 95 بس فابريقة كلها وحالة ممتازة هتبقى أحسن عندى من 2005 بس مرشوشة وفيها مصاريف - ومتهيألي البولو هتلاقي منها حالات ممتازة كتير وفابريقة وإستعمال راقي كمان

[mous6fa]

كمالك سابق للبونتو أنصحك بالبولو أفضل ... البونتو من وجهة نظري الشخصية عربية كويسة ولكن أدائها وأسعار قطع غيارها لا تتناسب مع سعرها كسيارة فى سوق المستعمل ... يعني اللى دفعته فيها ساعتها كنت أقدر استغله فى عربية أكبر وأحسن وأداء أفضل ... وبرضو من وجهة نظرى ياريت تفكر فى حالة العربية قبل الأسم ... يعني لو أدامك عربية مو 95 بس فابريقة كلها وحالة ممتازة هتبقى أحسن عندى من 2005 بس مرشوشة وفيها مصاريف - ومتهيألي البولو هتلاقي منها حالات ممتازة كتير وفابريقة وإستعمال راقي كمان

[S O P H O S]

اميل للبونتو ..

[titos_81]

polo polo polo polo

[fouady]

أنا مش قادر افيدك قوي لاني كان معايا بونتو التانيين ماجربتهميش , وال بونتو عربية حلوة جدا وكان تكيفها كويس وبتجيب بيه سرعة عليَّ عادي جدا , ولو جبتها نضيفة وحفظت عليها مابثيالش هتشتكي من أي حاجة أنا جبتها سنة وكام شهر كانت نضيفة لحد مابعتها غيرت تيل وزيت فقط