إعـــــــلان

Collapse

.

,
See more
See less

سيفيك ولا امبريزا ولا مازدا3.

Collapse
X
Collapse
 
  • Page of 5
  • Filter
  • الوقت
  • Show
Clear All
new posts
السابق 1 2 3 4 5 template التالي
  • #1

    سيفيك ولا امبريزا ولا مازدا3.

    ياجماعة انا نفسى كل واحد يخش يقول راية لانى بجد محتار بين التلات عربيات دول
    1-سيفيك اول فئة
    2-امبريزا اخر فئة هاتش باك
    3- مازدا 3 ايرو
    فياريت كل واحد يساهم براية خصوصا استاذ احمد ابو سمارة واستاذ خالد ايمن واستاذ Ahmed20_08nubira.
    49
    سيفيك اول فئة
    0%
    24
    امبريزا هاتش باك اخر فئة
    0%
    12
    مازدا 3 ايرو
    0%
    13
    [rmade]http://www7.0zz0.com/2014/09/24/17/941743282.jpg[/rmade]
    الكلمات الدلالية (Tags): لا يوجد
  • #2
    المشاركة الأصلية كتبت بواسطة M.Fadi
    ياجماعة انا نفسى كل واحد يخش يقول راية لانى بجد محتار بين التلات عربيات دول
    1-سيفيك اول فئة
    2-امبريزا كبر فئة
    هاتش باك
    3- مازدا 3 ايرو
    فياريت كل واحد يساهم براية خصوصا استاذ احمد ابو سمارة واستاذ خالد ايمن.
    اسمى احمد ابو سمره مش سماره

    بالنسبه للاختيار اكيد سيفيك اوول فئه
    وعلى فكره ياباشا ياريت ما تكونش زعلت منك فى التوبيك اللى فات لانى كنت اوووفر قوى
    بس بجد وصدقنى والله بتكلم جد وربنا شاهد على كلامى وبكره تقول انا قولت ان الماذدا عيبها عدم الثبات على الطرق الغير ممهده
    ده مش معناه ان الماذدا وحشه اكيد طبعا لا
    ثباتها ملحوش حل بس لو طرق نظيفه شويه زى العين السخنه وكلامى على الثبات بعد 150
    وتقبل تحياتى
    [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

    Comment

    • #3
      المشاركة الأصلية كتبت بواسطة ahmed _abo samra مشاهدة المشاركة
      اسمى احمد ابو سمره مش سماره

      بالنسبه للاختيار اكيد سيفيك اوول فئه
      معلش اسف وممكن معلش تقول اخترت سيفيك لية احنا عايزيين خناقات فى الموضوع دة
      لأ بهزر انا عايز مناقشات لكى اقتنع بالسيارة مش سيفيك وخلاص
      [rmade]http://www7.0zz0.com/2014/09/24/17/941743282.jpg[/rmade]

      Comment

      • #4
        المشاركة الأصلية كتبت بواسطة M.Fadi مشاهدة المشاركة
        معلش اسف وممكن معلش تقول اخترت سيفيك لية احنا عايزيين خناقات فى الموضوع دة
        لأ بهزر انا عايز مناقشات لكى اقتنع بالسيارة مش سيفيك وخلاص
        فادى الامبيريزا انا عمرى ما ركبتها قبل كدا بس اعتقد الدفع الرباعى فيها هيخلى ثباتها ملهوش حل ولكن عيبها وده سمعته من ناس كتير(ما اعرفش بصراحه مدى صحته من غلطه) انها مش سريعه
        السيفيك عربيه متوجه على فئتها
        السيفيك فتيسها 5 نقلات ونسب التخفيض فيها اكتر من رائعه وبتجمع سرعات عاليه وعزلها رائع وواسعه من الداخل عن الماذدا بكتير
        الماذدا عيبها الضيق النسبى فى المساحات المخصصه لركاب اللى فى الخلف
        بس بالنسبالى الماذدا اشيك بكتير من الهوندا وبصراحه انا بحب شكل الماذدا قوى
        الماذدا التسارع فيها مقارب جدا للانسر 1600 اوتوماتيك ولكن الماذدا اقوى فى الطلعه وعلى فكره الماذدا 3 بتسبق السيفيك لحد 110 كدا واول ما السيفيك بتلقط النقله التالته بتسبق الماذدا جامد وعن تجربه
        عيب اخر للماذدا ان الشكل الجديد خلاص هينزل كمان كام شهر وده مش فى صالح الموديل الحالى +يعتبر الماذدا ملهاش توكيل اصلا لان غبور بيهملها خالص علشان هيونداى وسعر اعادة البيع مش عالى زى الهوندا
        وتقبل تحياتى
        [rmade]http://www.m5zn.com/uploads/2010/2/6/photo/thumb/76mej0g7xpen.jpg[/rmade]

        Comment

        • #5
          المشاركة الأصلية كتبت بواسطة ahmed _abo samra مشاهدة المشاركة
          فادى
          عيب اخر للماذدا ان الشكل الجديد خلاص هينزل كمان كام شهر وده مش فى صالح الموديل الحالى +يعتبر الماذدا ملهاش توكيل اصلا لان غبور بيهملها خالص علشان هيونداى وسعر اعادة البيع مش عالى زى الهوندا
          وتقبل تحياتى
          انا معاك اة بس لما ينزل هينزل غالى اوى مش رخيص هيكون فعلا غالى بسبب امكانيات العربية وشكلها
          [rmade]http://www7.0zz0.com/2014/09/24/17/941743282.jpg[/rmade]

          Comment

          • #6
            كويس يا فادى انك عملت الموضوع ده لانى عايز ازود معلوماتى من ناحيه ال 3 عربيات دول و ان شاء الله الفتره الى جايه هروح التوكيلات بتاعهم (للمره الالف )و هبدأ اسال على مستعمل و عيوب و كده ...
            و انا هقول هنا الى اعرفه عنهم و ربنا يقدرنى و يطلع صح
            شوف يا فادى انا مسوقتش اى حاجه من الى انت قولت عليهم
            بس اتفرجت عليهم كلهم ...
            و هقول رأيى بكل حياديه :
            نبدأ بالسيفيك:
            *يابانى 100%
            و تقفيل اكثر من رائع و دى حاجه مشتركه بينها و بين المازدا و الامبريزا...
            بالنسبه للثبات فهى ممتازه على السرعات العاليه(اجماع من الى ساقوها)
            العفشه ناعمه و كويسه ...
            و طبعا تكييف ممتاز كعاده اليابان
            السحب اسمع من الى ركبوها و قريت هنا انه ممتاز جدا و كويس و بتجمع سرعات بسهوله سواء فى ار بى ام واطى او عالى يعنى صاحيه معاك على طول ..
            العيب الى فى نظرى :
            العربيه وشها واطى اوى على الارض و طبعا مدى العربيه ثبات و لكن مشكلته فى المطبات و خصوصا لو داخل على مطب و انت كابس فرامل ...
            فى حاجه كمان و هى انها مش 140 حصان زى ما الناس بتقول ..
            ال 140 حصان دى ال 1800 سى سى يعنى مش الى فى مصر ,,
            الى فى مصر 120 حصان ...
            و طبعا مش قليل بس حبيت اوضح انها مش 140 زى ما التوكيل بيقول ...
            التابلوه طياره و عاجبنى اوى العداد ...
            لكن من عيوب العربيه برده انك مش شايف اى جزء من العربيه و انت راكب جوا ...
            يعنى محتاج وقت علشان تاخد على ابعادها ...
            و كمان التابلوه من ورا الدركسيون طويل اوى ...
            فبوز العربيه بعيد عنك + انك مش شايفه ...
            فصعبه شويه فى ابعادها و محتاجه حذر شديد اول لما تسوقها...
            بالنسبه لاسعار قطع الغيار فأنا بصراحه معرفش لكن اعرف انها متوفره فى الحرفيين و مش مجبر انك تجيب من الوكيل ..


            الامبريزا :
            برده يابانى و تقفيل ممتاز ...
            الدفع الرباعى فيها اكيد ممتع فى السواقه و طبعا بيدى العربيه ثبات عالى خصوصا فى الملفات ...
            العيب الخطير فى نظرى هو قله المبيعات و بالتالى خساره كبيره فى بيع المستعمل و لكن الوكيل(ابو غالى) تغلب على المشكله دى
            و بيشترى المستعمل بأسعار حلوده جدا ...
            يعنى مثلا لو العربيه حالتها كويسه و موديل 2008 و احان فى 2009 بياخدها اقل من سعرها ب 10% !!!
            و لو موديل 2007 مش هتبقى 20% لا هيهتم بالحاله اكتر من الموديل ...
            و لو حاله كويسه هياخدها اقل من الزيرو ب 15% مثلا ...
            و لكن برده الناس علشان تشترى محتاجه تشوف العربيه فى الشارع كتير ...
            و ده يظل فى نظرى عيب فيها ...
            الحاجه التانيه هى ان قطع الغيار مش متوفره برا الوكيل و نادرا لما تلاقيها ..
            لان تاجر قطع الغيار مش هيجيب قطع غيار لعربيه مش متباعه ...
            لكن هى كعربيه فى نظرى بغض النظر عن عيوب بلدنا فهى ممتازه
            و الوكيل اعتقد انه بيبذل مجهود كبير علشان يحقق مبيعات و ربنا معاه ...


            المازدا 3 :
            بصراحه بموت فى شكلها ...
            و عاجبنى جدا و كذلك التابلوه ...
            و حاسس انها قريبه اوى من الالمانى بتتمحك فيه هههههههههه (محدش يفهمنى غلط انا بهزر)
            و ثباتها كويس (كلام الى ساقوها )
            بالنسبه للعيوب فأولها فى نظرى قطع الغيار ليه ؟؟
            اولا اعتقد انها مش متوفره كتير برا الوكيل و لكن ممكن الحصول عليها ...
            و لكنها غاليه اوى ....
            سونستا موتورز كنت عنده من شهر كده و اتفرجت عليها ...
            قالى الفانوس الامامى الى بدون زينون سعره 2000 جنيه للواحد !!!!!!!!!!!!!!!!!!!!!
            و الى بزينون سعره 4000 جنيه !!!!!!!!!!!!!
            و فلتر الهواء ب 250 جنيه !!!!!!!!!!!
            مع احترامى ليها لكن فلتر هواء الa5 ب 100 جنيه !!!!!!!
            فأنا شايف ان اسعار قطع غيارها مبالغ فيها بدرجه مهوله ...
            و العيب التانى :
            ان الوكيل الفعلى الى هو غبور واضح انه نسى انه معاه التوكيل ...
            ده اعتقد انه ممكن ميعملش صيانه ...
            طيب سؤال هو عملها مراكز خدمه ولا شغالين مع هيونداى...؟؟
            و اعتقد ان غبور مش موفر ليها اى قطع غيار لانه اساسا مش موفر العربيه ...

            فى النهايه انا لو بختار هختار السيفيك ...
            لانها فى نظرى افضلهم ...
            اسهلهم فى البيع ...
            و اوفرهم فى قطع الغيار ...
            و ممكن ارخصهم ..
            و انا عارف انها اقلهم فى الاوبشنز بس انا الى يلزمنى من العربيه :
            طقم صوت (انا الى هعمله )
            جنوط (انا الى هركبها مهما كان مقاس جنطها الاصلى ...
            زينون (هركبه مش مشكله)
            بس على كده ...
            فتحه السقف عندنا فى الاوكتافيا مش بستخدمها و الحساسات ولا ببص فيها و التحكم الى فى التاره نادرا لو استعملته ..
            و كمان بغض النظر عن الاوبشنز فالعربيتن التانين موضوع قطع الغيار ده يخوفنى و كمان البياعه ...

            انا مستنى احمد ابو سمره ياخد كلامى اقتباس و يقولى غير منطقى ههههههههههههههههه
            بهزر اوعى تزعل ....
            لا بجد لو حد شايف ان كلامى غلط يقولى علشان نستفيد ...
            و لو سمحتو بلاش ضرب او سكاكين خليها شتيمه و تصييح للعربيات بس هههههههههه
            [CENTER]
            ولا تحسبن الذين قتلوا فى سبيل الله امواتا بل احياء عند ربهم يرزقون

            [/CENTER]

            Comment

            • #7
              المشاركة الأصلية كتبت بواسطة M.Fadi مشاهدة المشاركة
              انا معاك اة بس لما ينزل هينزل غالى اوى مش رخيص هيكون فعلا غالى بسبب امكانيات العربية وشكلها
              الشكل الجديد سونستا موتورز قالى هينزل اخر 2009 و هيكون اغلى .........
              [CENTER]
              ولا تحسبن الذين قتلوا فى سبيل الله امواتا بل احياء عند ربهم يرزقون

              [/CENTER]

              Comment

              • #8
                - فعلا الامبريزا نقطه ضعفها في الفئه بتاعتهاالتجميع بتاعها (في السرعات المنخفضه) ضعيف شويه.
                - الثبات طبعا تفوق غير عادي للامبريزا على اي عربيه تانيه في الفئه دي و الاعلى منها كمان.
                - النقطه اللي تعتبر ميزه جامده جدا و معظم الناس مش بتاخد بالها منها ان عفشه الامبريزا في منتهى القوه.. و بتشتحمل جامد عن اي عربيه تانيه.. يعني تنفع بجداره في الطرق المكسره.
                - ارتفاع العربيه (2009) عن الارض في الموديل ده اعلى 0.50 سم عن الموديل السابق يعني 15.50سم يعني اعلى من الهوندا (الارتفاع عن الارض كان عامل مشكله لبعض الناس بس بصراحه اا مش منهم).
                - بالنسبه لنقطه قطع الغيار فعلا مش موجوده غير في التوكيل و احيانا في الحرفيين. بس الوضع في الهوندا نفس الشيء (المازدا كتير في الحرفيين بس مفيش قطع غيار في التوكيل)... مع ملاحظه انك مستحيل هتلاقي قطع الموتور في الهوندا بره التوكيل لأن كل المواتير اللي في الحرفيين هتلاقيها 1800 و 2000 سي سي. يعني من الاخر الوضع تقريبا متشابه في العربيتين. و في جميع الاحوال لما تشتري عربيه زيرو 2009 مش مفروض تعمل حاجه بره التوكيل
                Thanks
                Ahmed Hassan
                [I][SIZE=3][SIZE=2]When all you have is a hammer, everything looks like a nail

                [/SIZE][/SIZE][/I][CENTER][SIGPIC][/SIGPIC][/CENTER]

                Comment

                • #9
                  انا صراحة بحب التميز والاداء فى نفس الوقت والشكل فكل الحاجات دى موجودة فى المازدا3 صح
                  بس عيبها هو الوكيل ودة ممكن يتحل من الحرفيين صح ولا غلط
                  وياريت تقولوى رايكم
                  [rmade]http://www7.0zz0.com/2014/09/24/17/941743282.jpg[/rmade]

                  Comment

                  • #10
                    اولا السيفيك:-

                    العربية دي قوية جداااا و شكلها الخارجي اكثر من رائع بس واطية قوي (مش مشكلة عشان مديها ثبات و كمان العربية مصفحة من تحت)

                    العربية بتديك تسارع و اداء رياضي فووق الممتاز و الوكيل بتعها محترم جدا (بشهادة ملاكها)

                    قطع الغيار غالية جداااا و مبالغ فيها بصراحة... رأي شخصي

                    شكل العربية الداخلي مبالغ فيه قوي و مش بيعجبني ابدا... ده كمان رأي شخصي

                    استهلاك البنزين عالي بس معقول و سعر اعادة البيع مضمون اكيييد


                    ثانيا الامبريزا الهاتش باك:-

                    العربية دفع رباعي يعني اعلى ثبات في فئتها و العربية كمان ادائها رياضي بس مش قوي, علشان وزن العربية و الدفع الرباعي بياخدو من عزم الموتور شويه كتسارع فبتكون النتيجة ثبات 10/10, راحة 10/10, تسارع 10/8... العفشة اكثر من رائعة (ناعمة و في نفس الوقت عفية و بتستحمل) و ده اصلا اساس فكرة الدفع الرباعي (ثبات و قوة و عزم)...

                    الوكيل برضو محترم (بشهادة ملاكها)

                    العربية شكلها راااائع و تشدك من جوه و من بره (تخطفك).. بس انا مش بحب الهاتش باك عموما

                    اسعار قطع الغيار (ناااااااااار) غالية فعلا و اغلى من السيفيك

                    سعر اعادة البيع ضعيف للأسف و ده بسبب الانتشار القليل قوي عشان الناس معمولوهم عمل اسمه لانسر بومة.... ربنا هيرحمنا منه السنة اللي جايه


                    ثالثا المازدا 3:-

                    ده الاختيار اللي انا اختارته..

                    العربية فريدة من نوعها في الشكل الداخلي و الخارجي

                    اداء رياضي قوي و ثبات ممتاز

                    عفشة قوية و مش ناشفة

                    العربية مريحة من جوه في اعدتها و وضعية السواقة

                    مشكلة العربية دي ان مالهاش حظ عشان الوكيل (المختل) غبور و اللي سايب عربية ممكن يعمل بيها مبيعات ممتازة لو اداها اهتمام بسيط, بس الوضع الحالي ان العربية ملهاش توكيل و ليها ضمان بس كأنك شاري عربية خليجي بتاخد ضمان من المعرض مش التوكيل..!!! ده خلى ناس كتيير تصرف نظر عن المازدا و في نفس الوقت نااس كتير جابتها بس السؤال: الناس دي بتعمل ايه لو حصل حاجة لا قدر الله في العربية او محتاج قطع غيار؟؟؟ هل يأتمن حد من الحرفيين على عربية بـ130000 جنيه و جديده كمان!!!!! هل في حل اخر احنا منعرفوش؟؟؟؟

                    اسعار قطع الغيار اقل من السيفيك و الامبريزا اكيييد بس مش رخيصة قوي

                    سعر اعادة البيع كويس و افضل من الامبريزا اكيييد و مماثل للسيفيك تقريبا

                    لو في حد من ملاك المازدا يقولنا حل الصيانة و التوكيل ايه و قطع الغيار كمان يبقى من وجهة نظري المازدا افضل الاختيارات الثلاثه...


                    بس انا عندي سؤال: ليه مش لانسر شــارك!!!!!!!!!!!!!!!!!!

                    من وجهة نظري الــشارك أفضل من الثلاثة و هقولك ليه.....

                    1- العربية رياضية شكلا و موضوعا
                    2- شاشة معلومات زي الألماني (جيتا مثلا) فيها كل حاجة من متوسط استهلاك البنزين لمواعبد الصيانة و فاضل كام كيلو متر و تحتاج بنزين (تحس ان العربية بتتكلم معاك)
                    3- عفشة رياضية ممتازة بنظام تعليق مستقل
                    4- جسم العربية مصنع لضمان أعلى مستوايات الأمان لكابينة الركاب و دي تكنولوجيا RISE (REINFORCED IMPACT SAFETY EVOLUTION) لأعلى امتصاص للصدمات
                    5- جميع الكماليات زي البصمة و السي دي تشانجر و الجنوط 16 عريضة و زجاج ملون و مقاوم للأشعة فوق البنفسجية................. و البقية
                    6- سعر قطع الغيار جيد جدا و متوفرة داخل و خارج التوكيل
                    7- سعر اعادة البيع ممتاز
                    8- وكيل محترم و صيانة جيدة جدا
                    9- وجود المهندس طارق زويل في منتدى ميتسوبيشي مسهل حاجات كتييييييير قوي على الأعضاء ملاك اللانسر و غيرها من شركة ميتسوبيشي لأنه انسان خدوم جدا و محترم بصراحة
                    10- العربية دي مش البومة و مش منتشرة (زيها زي السيفيك كانتشار تقريبا) و شكل العربية ذو طابع منفرد تماما...
                    لو بتسألني لو قدامي الأربعة دول (سيفيك اول فئة, امبريزا هاتش باك, مازدا 3, لانسر شارك سبورت)
                    هقولك و بدون تفكير لانسر شارك

                    دي وجهة نظري الشخصية اللي حابيت اعرضها و بكل حيادية والله...
                    [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
                    [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
                    [CENTER][SIGPIC][/SIGPIC][/CENTER]

                    Comment

                    • #11
                      سيفيك طبعا او لانسر شارك او تستني المازدا الجديدة

                      Comment

                      • #12
                        طيب انا عندى سؤال :
                        هو لما فانوس المازدا يكون ب 2000 جنيه من غير زينون و ب 4000 جنيه زينون ...
                        و فلتر الهواء ب 250 جنيه تبقى رخيصه ؟؟
                        ولا هى كده زيها زى السيفيك و الامبريزا ؟؟
                        انا بصراحه شايف ان اسعار قطع غيارها مبالغ يها اوى ...
                        انتو ايه رأيكو ؟؟؟
                        [CENTER]
                        ولا تحسبن الذين قتلوا فى سبيل الله امواتا بل احياء عند ربهم يرزقون

                        [/CENTER]

                        Comment

                        • #13
                          اسعار قطع الغيار (ناااااااااار) غالية فعلا و اغلى من السيفيك
                          هختلف معا في النقطه دي. اسعار قطع الغيار لللامبريزا بالكتير زي السيفيك.. و في الغالب ارخص
                          Thanks
                          Ahmed Hassan
                          [I][SIZE=3][SIZE=2]When all you have is a hammer, everything looks like a nail

                          [/SIZE][/SIZE][/I][CENTER][SIGPIC][/SIGPIC][/CENTER]

                          Comment

                          • #14
                            طيب حد فيكو يعرف مكان بيبيع قطع غيار مازدا غير التوكيلات الى مش موجودة اصلا
                            [rmade]http://www7.0zz0.com/2014/09/24/17/941743282.jpg[/rmade]

                            Comment

                            • #15
                              الثلاثة مفيش كلام عليهم عشان كده اخترتهم التلاثة

                              Comment

                              السابق 1 2 3 4 5 template التالي
                              Working...
                              X