يا أهل الخبرة

[عصام بركات]

السلام عليكم ورحمة الله
سؤال صعب شوية
عايز أشترى لزوجتى عربية بالمواصفات الآتية:
السعر من 45-55
استهلاك بنزين قليل
أسعار قطع غيار رخيصة نسبياً
حجم مناسب للسيدات
شكل ظريف
محرك قوى نسبياً لأن المشوار اليومى حوالى 60 كيلو
يا ترى لما نضرب كل ده فى الخلاط يطلع لنا ايه؟؟؟؟؟؟؟؟؟؟؟؟

[M.Osama]

Speranza A113 1300 CC

والله اعلم

[maka]

(حجم مناسب) قصدك هاتش وصغيرة ولا لا

وعاوز جديد ولا مستعمل

انا عن نفسى برشحلك لانوس استعمال

[eslam_wega]

فعلا لانوس احسن حاجة فى السعر دة

[mando_07]

corolla used mo.98-99
low fuel consumbtion and very durable

[M.Osama]

لو used

يبقي لانوس اكيد

[Ghamrawy]

انا كنت واقع فى نفس حيرتك دى و لفيت سوق المستعمل لمدة اسبوعين
اللانوس موديل 2001 2002 2003 الكامل (مرايات كهرباء-4 زجاج كهرباء-سنترال لوك-باور-تكييف) سوقها من 43000 لغاية 48000 و شوف حاجة الكيلو بتاعها قليل
لانسر موديلات 98 و 99 لغاية اخر 2000 من 48 لغاية 55 و 56 بس لو هى كانت بتسوق عربية صغيرة يبقى حاتخد شوية وقت علشان تتعود على الكابوت العريض الطويل و العربيات دى ممكن تلاقى واحدة عاملة 130 او 150 الف كيلو بس حالتها حلوة و ممكن تلاقى كيلو اقل من كده بس مدعوك و متبهدل
عندك كمان التيريوس موديلات من اخر 98 لغاية اخر الشكل القديم ال 1300 سى سى و ده بيعمل من 43 لغاية ال 55 الف
لو ليك فى الرينو و الكلام ده حاتلاقى كليو حالتها كويسة و موديلات من بعد 2002 بتبدا من 44 الف
السيينا ال 1400 سى سى من 2001 لغاية 2003 بيعمل من 38 الف لغاية 43 الف ( تكييف- سنترال لوك-باور-زجاج كهرباء امامى )و اهم حاجة فى العربيات دى هى البارومة
وطبعا فيه بولو بس مش حاتلاقى كل الكماليات

[Hosam_Optrawy]

انا رأيى الزيرو احسن
عندك شيفروليه سبارك وهيونداى اتوس ب 52

[Terrible_DaRsH]

ممكن ...

ATOS

Spark

Matiz

Speranza a113

I 10

[powerofhelll]

انت عايزها جديده ولا استعمال

[عصام بركات]

ايه الجمال ده

حقيقى والله ياجماعة أنا سعيد جداً بالردود العديدة والفورية دى ، وده بيوضح مدى التعاون وحب العطاء الموجود عندكم يا أصدقائى فى هذا المنتدى.

أنا استفدت جداً من ترشيحاتكم ، أما بالنسبة لشراء جديد أم مستعمل ، والله أنا عايز اقلل على قدر الامكان مشوار الميكانيكى وعلشان كده بأفكر فى الزيرو أو مستعمل ولكن موديل حديث من سنة والا اثنين مثلاً.
ولى سؤال أخير هل السيارات ذات الحجم الصغير وخصوصاً الهاتش باك تتناسب أكثر مع السيدات وتكون أسهل فى القيادة بالنسبة لهم والا ما تفرقش؟
لأن زوجنى معاها حالياً شاهين 98 وحالتها بدأت تتعب شوية وكنت قريت بعض الآراء ان الشاهين متعبة شوية للسيدات سواء من حيث أنها خشنة بالنسبة لهم أو من حيث حجمها الكبير نسبياً بالنسبة لهم

أفيدونى أفادكم الله

[maka]

حقيقى والله ياجماعة أنا سعيد جداً بالردود العديدة والفورية دى ، وده بيوضح مدى التعاون وحب العطاء الموجود عندكم يا أصدقائى فى هذا المنتدى.

أنا استفدت جداً من ترشيحاتكم ، أما بالنسبة لشراء جديد أم مستعمل ، والله أنا عايز اقلل على قدر الامكان مشوار الميكانيكى وعلشان كده بأفكر فى الزيرو أو مستعمل ولكن موديل حديث من سنة والا اثنين مثلاً.
ولى سؤال أخير هل السيارات ذات الحجم الصغير وخصوصاً الهاتش باك تتناسب أكثر مع السيدات وتكون أسهل فى القيادة بالنسبة لهم والا ما تفرقش؟
لأن زوجنى معاها حالياً شاهين 98 وحالتها بدأت تتعب شوية وكنت قريت بعض الآراء ان الشاهين متعبة شوية للسيدات سواء من حيث أنها خشنة بالنسبة لهم أو من حيث حجمها الكبير نسبياً بالنسبة لهم

أفيدونى أفادكم الله

طبعا العربيات الصغيرة اسهل فى الزحمة والركنة لكن طالما

هى كانت بتسوق عربية كبيرة يبقى مش هتفرق معاها وراى

شوفلك لانوس كسر زيرو

وانا كنت شارى واحدة فول اوبشن شهر عشرة اللى فات

ب 53500 موديل 2006 فانت انزل السوق وشوف حاجة زيها

[Terrible_DaRsH]

حقيقى والله ياجماعة أنا سعيد جداً بالردود العديدة والفورية دى ، وده بيوضح مدى التعاون وحب العطاء الموجود عندكم يا أصدقائى فى هذا المنتدى.

أنا استفدت جداً من ترشيحاتكم ، أما بالنسبة لشراء جديد أم مستعمل ، والله أنا عايز اقلل على قدر الامكان مشوار الميكانيكى وعلشان كده بأفكر فى الزيرو أو مستعمل ولكن موديل حديث من سنة والا اثنين مثلاً.
ولى سؤال أخير هل السيارات ذات الحجم الصغير وخصوصاً الهاتش باك تتناسب أكثر مع السيدات وتكون أسهل فى القيادة بالنسبة لهم والا ما تفرقش؟
لأن زوجنى معاها حالياً شاهين 98 وحالتها بدأت تتعب شوية وكنت قريت بعض الآراء ان الشاهين متعبة شوية للسيدات سواء من حيث أنها خشنة بالنسبة لهم أو من حيث حجمها الكبير نسبياً بالنسبة لهم

أفيدونى أفادكم الله

افضل لك الزيرو طبعا وانا ارشح لك i20 وعن تجربة .

ثانيا الهاتش باك مفيد جدا جدا للسيدات لانه هينفعهم فى موضوع الركنة وانت عارف ركنة السيدات طبعا ..