يا ريت الأفادة ضروري نوبيرا زيرو ولا ....؟

[polo80]

السلام عليكم
أنا دلوقتي عاوز أشتري عربية ومحتار بصراحة أجيب أي حاجة مستعملة موديلها عالي زي لانسر مثلا أو ماتريكس أو أوبل ....ولا أجيب دايو نوبيرا زيرو فول أوبشن بصراحة أنا اتفرجت على العربية زيرو وعاجباني جدا سعرها جميل ومناسب وفيها كل الامكانيات اللي الواحد عاوزها غير ان سمعتها حلوة ومقابلتش حد عيب فيها
رجاء الأفادة وشكرا

[elshaba7]

nubera?
3arabya kareeha
wer2ye elmotwade3 blash
bgd blash
webdon asbab

[polo80]

شكرا يأخ شبح على ردك ... ولكن أنا برضه عاوز أقتنع بدون أسباب كده الكلام مينفعش وبعدين أنا حدودي زي ما ذكرت 77 ألف أجيب ايه بيهم ؟؟؟

[morsi]

رأيي خليك فى الزيرو وبلاش مستعمل. النوبيرا عربية ممتازة وعن تجربة .انا كان عندى نوبيرا كاملة 2001 وبعتها فى أوائل 2009 وماأشتكيتش منها فى اى شيئ.وده طبعاً لانى من النوع اللى بيحافظ على العربية تماماً لكن لو هاتقرص على العربية ومش هاتحافظ عليها لو حتى معاك بى أم لازم هاتعانى من مشاكل.

[ahmedsrs]

النوبيرا عربية ممتازة وهى حاليا ب 75 الف
1- عربية واسعة جدا
2- موتور قوى
3- مفيش منافس ليها فى السعر ده وبالكماليات دى
4- عربية منتشرة بكثرة
5- العربية الزيرو احسن بكتير من المستعمل

[sasam6]

النوبيرا عربية جميلة جدا
ومادام انت عجباك وعايز تجبها منصحكش بغرها

[karimone]

خليك في الزيرو طبعاً

المستعمل مش مضمون حتي لو العربيه حالتها نضيفه...

النوبيرا عربيه ممتازه مفيش فيها عيب

[tofy_urban]

اولا ربنا يوفقك في الاختيار
بس انا عندي تجربة مع النوبيرا و كل مميزاتها معروفة لكن بردو اعرف عيوبها
1- صاجها ضعيف شوية من اي خبطة بسيطة بيتأثر
2- الدهان بردو ضعيف و من اي احتكاك بيتشال
3- الاوتوماتيك منها سحبها ضعيف و خصوصا مع التكيف
4- العربية مش بقت بتنزل منها جديد اخر موديل نزل 2007 و دي حاجة تقلق
في نفس السعر عندك عربيات تاني اعتقد انها ممكن تكون افضل زي الافيو مثلا و عموما ربنا يوفقك و تختار اللي انت مقتنع بيه

[ahmedsrs]

النوبيرا فى منها 2009 واعتقد مستمرة لغاية 2010 كمان
وخش على الموقع ده

http://www.aboulfotouh.com/nubira/main.html

[polo80]

بجد شكرا شكرا شكر لكل الأعضاء اللي ردم علي أنا عاجز عن الشكر لأني كنت في حيرة وكلامك طمني جدا وبصراحة أنا ميال للعربية من أول مرة رحت اتفرجت عليها زيرو
شكرا للأخ توفي ..وأحب أقلك اني هاجيبها مانيوال ان شاء الله لأني عارف عيوب الأوتو فيها
الأخ Ahmedsrs شكرا جزيلا على الموقع ده بجد خرافي وكنت عاوز حاجة زي كده شكرا جزيلا وجزاكم الله كل خير

[ahmad--ezzat]

nubera?
3arabya kareeha
wer2ye elmotwade3 blash
bgd blash
webdon asbab

اقتنعت انا كدة..
على فكرة العربية دى احسن عربية فى السعر دة