corolla vs Elantra

[KHALED AYMAN]

و بما انك خبير فى اوبل ان سمعت ان الفتيس الايزى ترونيك اول ما نزل فى الاوبل كان فية اختلافات عليه من ناس كثير (مش متأكد من الموضوع دة يا ريت توضح لينا )

كلامك جميل و الله و محايد جدا ...
بالنسبه للايزى ترونيك فأنا لا خبره ولا حاجه ده لقب كبير عليا و بعدين لما انا خبره فى الاوبل يبقى انت ايه فى التويوتا ؟؟

الفتيس فعلا اول ما نزل كان فيه كلام كتير عليه ...
و طبعا انت عارف الشعب المصرى يعمل من الحبه قبه ..
احساس النقله وصلوه لنتشه رهيبه و مزعجه +عيوب ميكانيكيه فى الفتيس +فى ناس غيرو فتيس علشان بيكسر و حاجات مصريه لذيذه ...
كل الى قالو كده مساقوش الفتيس اساسا ..
خلى بالك من حاجه ان الى اشترى العربيه عجبه الفتيس جدا و مش شايف فيه عيوب ...
انا شخصيا جربته ...
جربت اخلى العربيه تنقل بدون ما اخف رجلى من على البنزين ...
عملت زى المانيوال لما تنقل بدون ما تشيل رجلك من على البنزين ...
جربت اخف رجلى شويه ...
نقلت زى المانيوال بالظبط ..
طبعا عزم و سحب كويس جدا +متعه فى السواقه ..
حاليا الكلام اختفى عن الفتيس نظرا لان سعر العربيه رخص ...
برده طولت مش عارف اعمل ايه فى نفسى

[faroukahafeez]

طب انا ليا سؤال يا جماعه مواضيع السنسورز والكلام دى و الكمبيوتر الى بينقل مش ممكن تبوظ مع الوقت ؟؟؟ وساعتها تبقى العربيه انتهت ولا الحاجات دى معمره ؟

والله ممكن طبعاً والكلام دة ممكن يكون عيوب تصنيع فى اى عربية فى الدنيا
وحصلت مع ناس اصحابى فى عربيات محترمة وكبيرة

علشان كدة انا بفضل تجيب العربية من التوكيل ويا سلام لو كان توكيل محترم زى تويوتا اعرف واحد اشترى كورولا 2008 وكان الكمبيوتر بيسخن بعد ما يمشى ب 10 دقايق

راح التوكيل وغيروا الكمبيوتر من غير بقى الكلام بتاع سوء استخدام وطريقة سواقتك وحشة وكانت المعاملة شيك ومحترمة

ثانى وانت بتشترى اى عربية فكر بنسبة 30 % على خدمة ما بعد البيع (التوكيل)

[faroukahafeez]

كلامك جميل و الله و محايد جدا ...
بالنسبه للايزى ترونيك فأنا لا خبره ولا حاجه ده لقب كبير عليا و بعدين لما انا خبره فى الاوبل يبقى انت ايه فى التويوتا ؟؟

يا باشا ربنا يخليك كلك ذوق

الفتيس فعلا اول ما نزل كان فيه كلام كتير عليه ...
و طبعا انت عارف الشعب المصرى يعمل من الحبه قبه ..
احساس النقله وصلوه لنتشه رهيبه و مزعجه +عيوب ميكانيكيه فى الفتيس +فى ناس غيرو فتيس علشان بيكسر و حاجات مصريه لذيذه ...
كل الى قالو كده مساقوش الفتيس اساسا ..
خلى بالك من حاجه ان الى اشترى العربيه عجبه الفتيس جدا و مش شايف فيه عيوب ...
انا شخصيا جربته ...
جربت اخلى العربيه تنقل بدون ما اخف رجلى من على البنزين ...
عملت زى المانيوال لما تنقل بدون ما تشيل رجلك من على البنزين ...
جربت اخف رجلى شويه ...
نقلت زى المانيوال بالظبط ..
طبعا عزم و سحب كويس جدا +متعه فى السواقه ..
حاليا الكلام اختفى عن الفتيس نظرا لان سعر العربيه رخص ...
برده طولت مش عارف اعمل ايه فى نفسى

والله كلامك مظبوط والتجربة خير دليل
كذا واحد يتكلم ويفتى على الفتيس واما تتكلم معاه تلاقى الاتى :-
1- مش معاة العربية اساساً وعمرة ما سقاها بس سمع كلمة من حد
2- مش معاة العربية وخد لفة من واحد وبيسوق وهو مش فاهم هو سايق اية طبعاً معرفش يسوق العربية فقلك دى سيئة وفتسيها وحش اوى
3- معاة العربية وبيسوق العربية على انها اتوماتيك عادية وبتشتكى ان العربية مبتسحبش او تفضل على الاول ومتغريش !

شوف انا معنديش مشكلة لو حد فاهم الفتيس وقال طريقتة مش عاجبنى او مش مريحنى وافضل اتوماتيك عادى وحصلت من ناس أعرفهم وكلامهم على رأسى وجابوا لانسر او سيفيك او حاجات تانية

انا مش بقول ان التويوتا عربية مالهاش حل والفتيس اجمل فتيس فى الدنيا بس عايز اقول افهم الفتيس عجبك كان بها معجباكش شوف حاجة ثانية والاختيارات كثير

بس بلاش نفتى احنا فى منتدى والهدف الاساسى اننا نساعد بعض ونتبادل المعلومات والخبرات

على فكرة انا ساكن فى مدينة نصر واحب ارحب باى حد من اعضاء المنتدى يحب يجى يجرب العربية بنفسه

[KHALED AYMAN]

والله كلامك تمام ...
انا رأيى ان ممكن واحد ميحبش الفتيس ده عادى جدا زى اى واحد مش بيحب يركب مانيوال او واحد مش بيحب يركب اوتو ..
هل معنى كده ان المانيوال وحش و فيه عيوب ؟؟
او الاوتو وحش و فيه عيوب ؟؟
طبعا لا الموضوع كله ازواق و راحه نفسيه و تعود ..
و كل شىء له مميزات و عيوب ..
المانيوال ميزته متعه و سحب افضل من الاوتو لكن مش مريح ..
الاوتو مريح بس سحبه و عزمه مش زى المانوال ...
الايزى ترونيك و ال Mmt جمعو بين الاتنين مع اختلاف طفيف ...
برده طولت انا بعد كده هسكت احسن