ماذا تشترى فى حدود 55-70 الف - الجزء الثالث- فكرة سبعاوى

[kemoelord]

شكرا يا vw driven على رد وفعلا انا كنت سامع انها بتتقفل في البرازيل بس طبعا المحرك والاجزاء الاساسيه الماني , وبالنسبه للسعر فهي طبعا خرجت بره الرينج المحدد
لكن هذا لا يمنع من ركوبها او امتلاكها زي ما حضرتك بتقول بس في نقطه مثيره جدا وهي حضرتك بتقول ان سعرها 75.000 طيب معقوله يبقى سعرها اقل من سعر النوبيرا علما بان النوبيرا الموجودة حاليا تقفيل مصري وحتى لو كانت تقفيل كوريا هل يبقى سعرها اعلى من البوينتر !!!! والله يباركلك في العربيه ويحفظهالك

[M!NA]

شكرا يا vw driven على رد وفعلا انا كنت سامع انها بتتقفل في البرازيل بس طبعا المحرك والاجزاء الاساسيه الماني , وبالنسبه للسعر فهي طبعا خرجت بره الرينج المحدد
لكن هذا لا يمنع من ركوبها او امتلاكها زي ما حضرتك بتقول بس في نقطه مثيره جدا وهي حضرتك بتقول ان سعرها 75.000 طيب معقوله يبقى سعرها اقل من سعر النوبيرا علما بان النوبيرا الموجودة حاليا تقفيل مصري وحتى لو كانت تقفيل كوريا هل يبقى سعرها اعلى من البوينتر !!!! والله يباركلك في العربيه ويحفظهالك

الله يخليك و يحفظك :)

بص يا سيدي.. هي سعرها 75000 لأنها هاتش باك... لكن النسخة الستيشن منها Parati بتكون ب 85000 و هي نفس الموتور بنفس السعة و القوة... فرق بس في طول جسم العربية لزيادة مساحة الشنطة

و عادة الناس بتفضل السيدان عن الهاتش أو الستيشن...

نصيحتي ليك لو هي عجباك و مش ناوي تغير لمدة طويلة...هات الParati

لو الامكانيات مش جايبة.. هات البوينتر و ركبلها شبكة من فوق ...

بس لاااااازم تأمن عليها عشان لو اتخبطت و حبيت تصلحها يتحمل عنك التأمين...

[mohamed ibiza]

ولا واحدة للاسباب الاتية:

الفيرنا تقفيل و تجميع مصري و بتحتاج بعد فترة قصيرة طقم جنوط و كاوتش و ثباتها بعد ال 140 وحش و اعتمادية علي ادها و تغور من وش غبور

لانوس ضيقة جدا من ورا انا بتكلم عن نفسي مش علي عموم الناس و شكلها مكرر و قديم و مفيهاش ريحة التميز للي راكبها كل البشر ركبتها و برضه اعتمادية علي ادها
بالاضافة ان انتاجها هيقف السنة دي

بروتون ويرا بكره شكلها جدا


اسبرنزا مبركبش صيني و كمان شكلها من ورا وحش و التوكيل وحش برضه و اعتمادية علي ادها

شاهين لا و الف لا


بوينتر لما اركب فولكس اركب فولكس بعلامة فولكس يعني الماني مش برازيلي كمان العربية خفيفة 950 كيلو تقريبا و انا مبحبش العربيات الخفيفة حتي لو ثباتها كويس و قطع غيارها نار و تغور من وش توكيل فولكس برضه

[Mzeid]

لـــــــــــــــــــــــــــــــــــــــــــــــــ ـــــــــــوجـــــــــــــــــــــــــــــــــــــ ـــان

[mido15]

:boxing_smiley:هي احسن عربيتين هنا هما الشيري اسبيرانزا والفيرنا هما افضل موتورين واقواهم في الآختيارات ونفس السعر تقربيا والفاصل الوحيد هوه الجود وبماأن الهيونداي عالميه ومعروفه والآسبيرانزا صيني وغير مضمونه بلتالي انا برجح الفيرنا

[Mohamed_Hegazy]

Sahin 1600 for the following
* Reliability
* Durability
* Cheep Spare parts
* Easy to maintain

Disadvantage
* Old fashion - But this acceptable within this price range
* No recent safety equipments (ABS,Air bags) - Most cars in this range dos not have.

[فادى]

شاهين ببساطة لأنها الوحيدة فى العربيات دول (هى و البوينتر) الى مش مغشوشة!!
لكن الشاهين أكبر من البوينتر و أسرع و أكثر ثباتا و دفع خلفى.
عشان كده الشاهين الأفضل فى هذه الفئة السعرية.
الباقى كلو كورى و صينى و هى سيارات انا مقتنع تماما انها سوف تقع تحت طائلة قانون الغش التجارى لو كان مطبقا فى مصر!

[M!NA]

شاهين ببساطة لأنها الوحيدة فى العربيات دول (هى و البوينتر) الى مش مغشوشة!!
لكن الشاهين أكبر من البوينتر و أسرع و أكثر ثباتا و دفع خلفى.
عشان كده الشاهين الأفضل فى هذه الفئة السعرية.
الباقى كلو كورى و صينى و هى سيارات انا مقتنع تماما انها سوف تقع تحت طائلة قانون الغش التجارى لو كان مطبقا فى مصر!

أستاذ فادي... حضرتك متأكد انك بتتكلم عن البوينتر؟ أقصد في نقطة الثبات و التسارع؟

بسألك لأني أملك البوينتر من سنتين و عامل بيها 35 الف كيلو و مش محتاج اتكلم عن ثبات الفولكس اساسا...
ثانيا التسارع مقارنة بالشاهين.... لا وجه للمقارنه في هذه النقطة برضه...

و ان كنت أوافقك في نقطة الدفع الخلفي...
أما من ناحية الوسع.. الشاهين تتفوق في كونها سيدان... و ان كانت من وجهة نظري مش نقطة تفوق لأنك لو تنيت الكنبة بتاعت البوينتر بيبقا عندك مساحة خلفية مهولة ممكن تشيل فيها غسالة...

[mido15]

جماعه انا بحب الهيونداي فيرنا جدا نظرا لشكلها الرهيب وامكانيتها الرهيبه وموتورها الجبار 1600سي سي110حصان وفي الآخر كل ده 68000وكل صحابي الي عندهم هيونداي معاهم زي الفل وبيسفروا بيها وعربيات شديده بجد كل الي في الموضوع ان الهيونداي عربيتها ممتازه واسعارها رخيصه فبتضرب السوق اليباني لآنه غالي جدا وتاني حاجه مش عايزين نشبه الهيونداي وكيا ودايو (الكوري)بلصيني ياريت الله يخليكم علشان انابضايق علشان بحس ان الكوري ده رجل أعمال ناجح والحيتان في السوق مش عايزين يسيبوه في حاله ده حتى الشورارع المصريه معظمها عربيات كوري وحتى الكوري مجربينها وديسينها وزات جوده وكفاءه على خلاف الصيني خالص.

[mido15]

ويا جماعه لامقارنه بين اي عربيه الماني فولكس واجن مهما حصل وعربيه تانيه خاصه وان كانت شاهين تركي يعني احنا كدهبنزل من شأن الآلماني احسن عربيات في العالم.

[mido15]

انت نسيت فيات سينا

[mido15]

بلنسبه للمهندس /محمد حجازي احنا بلدنا مش بتصنع حاجه اصلا ده حتا احنا بنستورد لعب الآطفال من الخارجلآنسيت احنا بنصنع بوابير الجاز.

[Mohamed_Hegazy]

بلنسبه للمهندس /محمد حجازي احنا بلدنا مش بتصنع حاجه اصلا ده حتا احنا بنستورد لعب الآطفال من الخارجلآنسيت احنا بنصنع بوابير الجاز.

اكثر من 50% من السيارات اللى ماشيه فى الشارع تجميع مصرى وداه معناه خلق فرص عمل ورواج الصناعت المغزيه وتوطين الصناعة وطريق ممتاز لتصنيع سيارة مصرية

[MEMES]

1ST VW حتى لو تجميع موريتنيا
2ND VERNA
3RD شاهين

:party:

NILE MOTORS IS MY HOME AND THE MEMBERS ARE MY FAMILY

[wesamgamal]

أنا رأيى لانوس بس مشكلتها صاجها ضعيف وعايذه الواحد الحنييين