لو سمحتم رأيكم اشتري كورولا او جيتا او فيكترا

[ramascour]

انا خلاص كنت حاجيب كورولا خليجي بس شفت حكاية ان الموتور بتاعها هو بتاع الموديل القديم و صوتة عالي سنة
بس بردو بفكر في جيتا و فكترا عشان الماني و كفاءة بس المشكلة ان جيتا اصغر و اوطى من كورولا و ان فكترا مش ماشية في السوق قوي مع انها اكتر واحدة عجباني و كمان هينزل منها شكل اجدد قريب
رأيكم او سمحتو عشان انا اتجننت

[faroukahafeez]

انا خلاص كنت حاجيب كورولا خليجي بس شفت حكاية ان الموتور بتاعها هو بتاع الموديل القديم و صوتة عالي سنة
بس بردو بفكر في جيتا و فكترا عشان الماني و كفاءة بس المشكلة ان جيتا اصغر و اوطى من كورولا و ان فكترا مش ماشية في السوق قوي مع انها اكتر واحدة عجباني و كمان هينزل منها شكل اجدد قريب
رأيكم او سمحتو عشان انا اتجننت

يعنى انت داخل على منتدى التويوتا تسال اجيب تويوتا ولا عربية ثانية

ممكن تدخل على قسم المقارنات وتعمل مقارنة او استطلاع بين الثلاثة؟
ونتيجة الاستطلاع هتكون الجيتا دية توقعاتى

اما تعمل مقارنة تكون عربيات فى نفس الفئة السعرية
لانك اما تقارن الجيتا والاوبل مع تويوتا تقارنها بالافنسيس على الاقل مش بالكورولا

كل عربية فيها ميزة وعيب انت بتدور على اية ؟

[ramascour]

معلش بقا او يوم ليا فالمنتدى

[faroukahafeez]

معلش بقا او يوم ليا فالمنتدى

ولا يهمك

ممكن بس نعرف انت بتدور على اية فى العربية
تسارع ، اعتمادية ، اسعار قطع غيار وتوافرها ، اعادة البيع ، الشكل ، الكماليات ، استهلاك بنزين ، التوكيل .............. الخ

[محمد ابراهيم 1]

الجيتا أفضلهم لكن موتورها مش بالقوة المناسبه لحجمها خصوصا لو أوتوماتيك
وبعديها الكورولا
وانسى الفيكترا خالص حتى لو كانت عاجباك

[NaviGator_13]

انا شايف الفيكترا احسنهم !

[therealhatem]

وانسى الفيكترا خالص حتى لو كانت عاجباك

ليه ينسى الفيكترا ممكن توضح

[Islam Amer]

=== لا تنسي ذكر الله ===

ربنا يوفقق في الاختيار

مش معقول هتعمل مقارنه مابين الالماني والياباني
مع احترامي لكل الاعضاء

بخصوص الفيكترا هي مشكلتها الوحيد ان اتوقف انتجها
بس عربيه جميله ومحترمه جداااااا
اما الجيتا فلا غبار عليها نهائي
اما الكورولا (فلا تعليق)

[ramascour]

اية مشكلة الفيكترا يا جماعة ؟؟

[ahmedsadek82]

jetta، jetta، و بعدين jetta ،ال-corolla دي اخرها تقارنها بلانسر. الألماني شئ تاني، ال-vectra جامدة بس تيجي بعد ال-jetta

[mahmoudzaied]

متقارنش الالمانى باليابانى
دا طبعا مش بيقلل من شأن الكورولا فى حاجة
بس العربية الوحيدة اليابانى اللى قريبة من الالمانى السيفيك

لو محتار بين الكورولا - الجيتا - الفيكترا

انا رأيي هات فيكترا موتور وفيتس حلو وتسارع تحفة وتوكيل كويس
بصرف النظر عن توقف انتاجها ولا لأ
طيب ما عندك الفيكترا الشكل القديم تقريبا توقف انتاجها عند 2001 او 2002 والكل قال مش هتنزل تانى وبعدين نزلت فى 2006 ودا مأثرش عليها خالص


انا رأيي
1- فيكترا
2- جيتا
3- سيفيك
4- كورولا

[fahd_628]

ما تشوف السيفيك الهاى لاين !

[E_Farid]

السلام عليكم ورحمة الله وبركاته،

الأخ الكريم،

بخصوص الفيكترا فأنا كنت شفت تقييم جيمي كلارسون فى توب جير عنها وكانت سيئة جدا، بس كان الموتور 2000 سي سي.

حتى انه كان بيقول انه مستعد يروح ورا الشمس ولا يشتريها !!

وكانت المشكلة انها فى الملفات سيئه جدا على الرغم ان السرعة القصوى والتسارع بتاعها كان شديد،
لكن فى الملفات كانت كارثية فعلا.

رأيى الجيتا أفضل الخيارات اللى المطروحة، وبدأت تنتشر فى الشوارع،

لكن لو بتفكر فى اعادة بيع وقطع غيار متوفره فى كل مكان يبقى اكيد الكورولا.

ربنا يوفقك.

[khpopo]

جيتا

ربنا يوفق