تيدا سيدان كامله اتوماتيك ولا مازاد 3الs ولا نيو سيراتو هاى لاين

[sergo]

[abou_ruqi]

بص روح أي معرض للنيسان وأطلب تشوف التيدا 2009 فول أوبشنز بلس وأتفرج عليها وأتعرف على إمكانياتها و لو تحب أطلب تيست درايف هما عندهم الإمكانية دي ( بتبقى من 2 : 4 من كل يوم هنا في اسكندرية) وشوف انطباعك إيه

انا بصراحة كنت عاوز أغير عربيتي وكنت حاطت كذا إختيار في نفس الفئة السعرية مكنش بينهم النيسان خالص و كنت محتار جدا

وكنت مرة معدي جنب التوكيل المعتمد للنيسان والسوزوكي اسمه مرعي (عندنا في اسكندريه)

وقلت ادخل حب استطلاع اشوف السيلفيا الجديدة و الصني الجديدة
قعدت جوه المعرض بتاع ساعة و طلعت مقرر أجيب التيدا وشلت من دماغي كل اللي كنت بافكر فيه , لا سكودا و لا سيات و لا ميتسوبيشي ولا فيات وهوندا

بجد حاجة تانية خالص !

واتعرف عليها أكتر هنا

http://www.nilemotors.net/Nile/showthread.php?t=68556

http://www.nilemotors.net

[kareemhisham]

انا برشح الكيا ,, فيها كل الاوبشنز الممكن تكون فى العربيتين التانين ,, بشكل تحفة ,, موتور قوى ,, توكيل محترم ,, بسعر (فى وجهة نظرى) ممتاز

[sergo]

[Hosam_Optrawy]

كيا سيراتو

[mohameduoser]

النتيجة باينة من الاستفتاء الكيا

[abou_ruqi]

النتيجة باينة من الاستفتاء الكيا

الاستفتاء محطوط بقاله أقل من ساعتين و 8 بس اللي صوتوا !!!!

[tiida_mohamed]

مش تحيوز لعربيتي بس التيدا واسعه و ناعمه وتكيفها زي الفل واستهلاك بنزين كويس بالنسبه لل 1600 وثبات واداء علي الطريق كويس جدا


انا معاي الهتشباك والله زي الفل بس مش عارف السيدان عامله ايه بس اكيد هي هتكون احسن من الهتشباك في الوسع

[dodi2]

شوف انا كنت حموت على التيدا بس السيراتو الجديدة مخليانى اكيد الحسابات , لان فيها ابشنز زى الكرولا بس بسعر ارخص و بصراحة برده موتورها كويس مشاية مع الناس من زمن يعنى مش اى كلام علشان كده بصراحة حيرة صعبة , و طبعا الكل متفق على الشكل الجديد تحفة من كل الزوايا و زى الاوربى اكتر منه اسيوى .
و انا حستنى لغاية ميبان استطلاعك و حعمل زيك

[abou_ruqi]

شوف انا كنت حموت على التيدا بس السيراتو الجديدة مخليانى اكيد الحسابات , لان فيها ابشنز زى الكرولا بس بسعر ارخص و بصراحة برده موتورها كويس مشاية مع الناس من زمن يعنى مش اى كلام علشان كده بصراحة حيرة صعبة , و طبعا الكل متفق على الشكل الجديد تحفة من كل الزوايا و زى الاوربى اكتر منه اسيوى .
و انا حستنى لغاية ميبان استطلاعك و حعمل زيك

هي السيراتو فيها اوبشنز ايه مش في التيدا ؟

[dodi2]

ايه هوا ده السيراتو الجديدة

[abo samra]

انا بصراحه مستغرب ازاى الناس بتفضل السيراتو على الماذدا 3 او حتى التيدا
يعنى فى عربيه كورى تبقى ب 125 الف ليه مش عارف ......

[Ahmed Anwer]

بص يا باشا ،،

عايز اقول لحضرتك ان التيدا في مصر سعرهااا مبالغ فيه جدا جدا و يمكن دي سياسة معينة من التوكيل عشان ميموتشي الصني التجميع المحلي

التيدا ال 1600 في الولايات المتحدة بتنافس النيو اكسنت علي لقب ارخص سيارة في الولايات المتحدة

المازدا طبعا جميلة بس علي الانرنت ،، الشكل الجديد بتاعها علي نزول و غير مشكلة ان مالهاش توكيل واضح

فاتكل علي الله في النيو سيراتو عربية جديدة و امكانيات عالية و شكل و صالون شيك

بس للاسف الحجز عليها طويل و المعارض دلوقتي غلت في سعرها تلاتالاف جنية عن سعر التوكيل

[powerofhelll]

الياباني افضل من الكوري بجميع المقايس خليك في المازدا او النيسان بس مع فرق الامكانيات خليك في المازدا بجد عربيه توحفه شكل و مضمون

[ghazy12]

شوف يا باشا... كل واحد هيقولك رأيه من وجهة نظره, بس المهم انت تحب ايه؟؟

يعني مثلا انا اخترت السيراتو و ده لأسباب..

1- التيدا عربية ممتازة جدااا و يابانية 100% و الأوتو بلس امكانيتها ممتازة, بس المشكلة اني مبحبش شكلها لا من برة ولا جوه (انت ممكن تكون بتحبه و بالتالي الموضوع هيكون اتحل)

2- المازدا3 برده عربية ممتازة و شييك و شبابية و امكانيتها و موتورها و الصالون تحفة و كنت بفكر فيها بس مفيش توكيل و قطع الغيار مش متوفره قوي و الموضوع مش مستقر خاااالص (الله يسامح غبور بقه) كل الحسابات تتغير لو العربية دي ليها توكيل معتمد

3- السيراتو عربية كورية 100% بس بجد محترمة جدااا و انا احد ملاك الشكل القديم و قريبا الجديد و بجد و بكل صراحة.. الموتور و العفشة و الثبات ممتازين جدااا, الكماليات كويسة في الشكل القديم, و ملهاش حل ابدا في الشكل الجديد.... و شكلها الخارجي و الداخلي تحفة.. ضمان 5 سنين او 100 الف كيلو من وكيل محترم و ملتزم جداا

عشان كده اخترت السيراتو....

و ربنا يوفقك ان شاء الله...