هيونداى ماتريكس ولا دايو نوبيرا

[turboman]

بصراحة انا حسيت بالقرف من كل طفل بيشتم في التاني في الموضوع ده عيب يا رجالة ......................عيب

[johnnagy]

بصراحة انا حسيت بالقرف من كل طفل بيشتم في التاني في الموضوع ده عيب يا رجالة ......................عيب

انا معاك ان دى طفولة بس لما تلاقى واحد بيدى الناس معلومات خاطئة و لما تصلحلة المعلومات دى يشتم فيك و يقولك انا مفيش زيى و عربيتى احسن عربية تفتكر ترد تقولة اية ؟؟ على العموم انا اسف و شكرا

[hazoma_nubira]

فيه حد يبقى معاه نوبيرا و 2008 يعنى بحالة الزيرو ويفكر فى عربية كورى تانية ، طيب ليه وايه الفرق ؟؟؟؟؟؟؟؟؟؟؟

انا اوافقك لو عايز تغير لكورولا أو مازدا 3 او شارك (زيرو برضه ) يبقى معاك حق
انما ماتريكس ونيو اكسنت واوبترا وسيراتو معتقدش انه فيه فرق يستاهل ولكل عربية فيهم ميزاتها وعيوبها وفى الاخر حتلاقى نفسك بتندم على النوبيرا

[mecho_392]

انا لما رديت على حضرتك اتكلمت من وجهة نظرى فى العربية و عن تجربة.. و انها اكيييييد (((اكيييييييد))) اوسع من النوبيرا.... لكن مش بتكلم من جهة نظر الفلوس و تساوى و متساويش....

انا اللى فى بالى الماتريكس اللى اشتريتها ب 81,500 جم سنة 2007 و طبعا افضل ما كنت اشترى نوبيرا ب 78,000 او اكتر وقتها.

لكن دلوقتى الماتريكس سعرها فى حدود 90,000 (و ده كتيير جداااااا) و حرام فعلا تغير من نوبيرا لماتريكس ((بدون سبب)) و فى النهاية الامور المادية دى الواحد اللى بيحسمها مع نفسه مش احنا هنا اللى هنحدد.. حضرتك ادرى بظروفك و هل هتفرق معاك او محتاجها؟؟؟؟؟؟؟

[M.ABDEEN]

انا معاك ان دى طفولة بس لما تلاقى واحد بيدى الناس معلومات خاطئة و لما تصلحلة المعلومات دى يشتم فيك و يقولك انا مفيش زيى و عربيتى احسن عربية تفتكر ترد تقولة اية ؟؟ على العموم انا اسف و شكرا

الحمد لله انا مش بدي معلومات غلط يا استاذ لما بتقولوا فورد جاوبت هي فعلا عربياتها محترمة وثابتة وقوية لكن تجميعها بطيء فشيء طبيعي ان النوبيرا تعدي منهم .....لكن حضرتك ازاي ارتفاع الماتريكس يديها ثبات اكثر وازاي وزنها ازيد من النوبيرا ب 150 كجم النوبيرا مانيوال 1270 كجم فاضية معنى كدة ان الماتريكس 1420 كجم !!!!!!وشكرا على دبلوم بريد طنطا اللي حضرتك اديتهولي وان باديك بكاليريوس هندسة ميكانيكا قسم سيارات علشان متزعلش وان ماقولتش عربيتي احسن عربية

[mando_07]

أنا الصراحة مش عارف إيه لزمة الخناق اللي حصل دة خالص بجد ملهوش أي لازمة
عامتاً الماتريكس فعلاً ممكن تكون بتسحب أحلى من النوبيرا أول وتاني ( دة لو العربيتين اللي سقتهم مظبوطين ) لكن مش دي الحاجة اللي تخليني أخسر على الاقل ١٠ تلاف في النوبيرا وكمان أزود حوالي ٣٠ ألف جنيه وفي الاخر مش هتحس بفرق جامد ممكن تحاول تجيب التريوس لو حضرتك عايز حاجة كدا يعني وهتبقى أحلى من الماتريكس وساعتها هتحس بفرق الفلوس اللي أنت دفعته
وتقبل رأيي وبالتوفيق بإذن الله يا باشا

[johnnagy]

الحمد لله انا مش بدي معلومات غلط يا استاذ لما بتقولوا فورد جاوبت هي فعلا عربياتها محترمة وثابتة وقوية لكن تجميعها بطيء فشيء طبيعي ان النوبيرا تعدي منهم .....لكن حضرتك ازاي ارتفاع الماتريكس يديها ثبات اكثر وازاي وزنها ازيد من النوبيرا ب 150 كجم النوبيرا مانيوال 1270 كجم فاضية معنى كدة ان الماتريكس 1420 كجم !!!!!!وشكرا على دبلوم بريد طنطا اللي حضرتك اديتهولي وان باديك بكاليريوس هندسة ميكانيكا قسم سيارات علشان متزعلش وان ماقولتش عربيتي احسن عربية

انا اسف انى غلط فيك بس انا مقلتش (ان الماتركس عالية عشان كدة ثابتة ) دة واحد كان بيتريق على كلامك حتى هو حاتط علامات استفهام و تعجب ,هو ممكن يكون فهم كلامك غلط بدليل انو رد عليك و قال لك انو مشفاهم حاجة,اما بالنسبة لوزن السيارة ففعلن كلام العضو (mecho_392) صحيح ان الماتركس اتقل من النوبيرا دة مايمنعش ان النوبيرا عربية جامدة جدا و انا بحبها ,على العموم انا بعتذرلك مرة تانية و ياريت ما تزعلش , انا بس اتضايقت لما لقيتك بتقول ان مافيش عربية تجيب مع النوبيرا , اسف على موضوع البريد دة بس انا فهمت كلامك غلط و افتكرتك مش فاهم .شكرا

[M.ABDEEN]

انا اسف انى غلط فيك بس انا مقلتش (ان الماتركس عالية عشان كدة ثابتة ) دة واحد كان بيتريق على كلامك حتى هو حاتط علامات استفهام و تعجب ,هو ممكن يكون فهم كلامك غلط بدليل انو رد عليك و قال لك انو مشفاهم حاجة,اما بالنسبة لوزن السيارة ففعلن كلام العضو (mecho_392) صحيح ان الماتركس اتقل من النوبيرا دة مايمنعش ان النوبيرا عربية جامدة جدا و انا بحبها ,على العموم انا بعتذرلك مرة تانية و ياريت ما تزعلش , انا بس اتضايقت لما لقيتك بتقول ان مافيش عربية تجيب مع النوبيرا , اسف على موضوع البريد دة بس انا فهمت كلامك غلط و افتكرتك مش فاهم .شكرا

ولا يهمك يا باشا انا كمان متاسف ليك و حقك عليا ماتزعلشوشكرا للزملاء لمحاولتهم تهدئة الحوار

[mecho_392]

هو حضرتك اه جاوبت على نفسك و المعلومات اللي قولتها انا عارفها والله واذا كان من واحد تعرفه فانا العربية كانت معايا واديتها لاخويا وعارفها وعارف اللي بقوله ايه انت مابتكلمش واحد جاهل والماتريكس برده خفيفة ده كمان معظم الهيونداي كده وكلامك بيقول ان الماتريكس وزنها 1400 كجم يعني كده كمان هي اثقل من السيراتوا طبعا لا و لايمكن ياريت تركز شوية في كلامك وبعدين مين الي قال موتور النوبيرا الماني قديم زمان كان كوري ولما بدائت تتجمع في مصر حطوا الموتور ده وعلى فكرة ده موتور فيكترا كمان وده كلام ثقة وشووووووووووووووووور يا باشا ومافيش ماتريكس في مصر ماظبتهاش بالنوبيرا وومكن تكون حضرتك منهم

معلومة ليك بس,, الماتريكس اتقل من الالنترا الجديدة (و القديمة) و بالتالى لو انت بتفهم اوى و فتك و مركز هتبقى منطقيا زى السيراتو او اتقل. و ابقى بص فى المانيوال ولا اعمل search على النت,, احنا مش بنتكلم فى كلام علمى بحت!!!!

[M.ABDEEN]

معلومة ليك بس,, الماتريكس اتقل من الالنترا الجديدة (و القديمة) و بالتالى لو انت بتفهم اوى و فتك و مركز هتبقى منطقيا زى السيراتو او اتقل. و ابقى بص فى المانيوال ولا اعمل search على النت,, احنا مش بنتكلم فى كلام علمى بحت!!!!

ومعلومة لي ليه بس دي للكل لان الواضح ان انت اللي مركز ومهتم اوي ومركز وكلك فتاكة و منطقية وبتبص في المانيوال علشان الكلام يبقى علمي وعملي وبحت في توصيل معلومتك وكلك ذوق من تحت لفوق

[mecho_392]

ومعلومة لي ليه بس دي للكل لان الواضح ان انت اللي مركز ومهتم اوي ومركز وكلك فتاكة و منطقية وبتبص في المانيوال علشان الكلام يبقى علمي وعملي وبحت في توصيل معلومتك وكلك ذوق من تحت لفوق

كمل لعب فى مناخيرك احسن..
و ناحية علمى دى بلاش تتكلم فيها لانك متعرفنيش.. خليك انت تحت :10D5C8~1107:.
و ان شاء الله تاخد الدبلونه بتاعتك :k48:

[mando_07]

يا جماعة مينفش نتخانق كدا عشان مقارنة بن عربيتين بجد أنا اضايقت وأنا بقرأ الموضوع كل واحد ليه وجهة نظر وهو حر فيها ولو سمحت يا أستاذ mohammedsamirabdeen، mecho_392 حقكوا عليا أنا الموضوع ميستهلش كل ده خالص

[M.ABDEEN]

كمل لعب فى مناخيرك احسن..
و ناحية علمى دى بلاش تتكلم فيها لانك متعرفنيش.. خليك انت تحت :10D5C8~1107:.
و ان شاء الله تاخد الدبلونه بتاعتك :k48:

الدبلونة دي محتاجة اثبات ان النوبيرا افضل بكل المقاييس من الماتريكس وهاخدها علشان خاطرك يا معلم وهاخلييك تاخدها برده معايا وساعتها هتحب انت تلعب في مناخيرك وتقول انا كان مالي ومال الحوار ده دا اللعب في المناخير احسن بكثيييييييييير

[johnnagy]

يا جماعة مش هاينفع كدة من الواضح ان العضو (mecho_392) معاة (matrix) و بكلريوس هندسة قسم ميكانيكا قوى فا اكيد عارف كل حاجة عن السيارة, لان انا بصراحة شفت لية موضيع كتيرة و بيتكلم بطريقة علمية ,و برضو العضو (mohammedsamirabdeen ) معاة (نوبيرا) فا برضو اكيد عارف كل حاجة عنها ,مفيش حد هيفيدك الا اذا كان بيدرس الكلام دة و كمان جرب السيارتين ,انتو شكلكو ناس محترمين من كلامكو فى المواضيع السابقة ,ياريت نهدأ الحوار ,شكرا

[ahmad--ezzat]

اية يا جماعة سورى يعنى دة لعب عيال..كل شوية حد يتخانق مع التانى

انا عامل الموضوع دة من اجل الوصول لحل ..مش اننا نتخانق والكلام دة

فعلا حاجة تكسف..هدو شوية المواضيع دى..احنا مش بنتكلم فى شد وتجميع..

احنا بنتكلم كعربيات ومين يتفوق على التانى من مميزات

والموضوع خلص اصلا..لانى فكرت كتير ولايت ان الفرق مش مستاهل

وشكرا