ساعدونى بسرعه فى الاختيار ( اكسيل ولا بيكانتو)

[sindrela_az]

سلام عليكم ومساء اخير يا جماعه
لو سمحتم حد ينجدنى من ترددى
دى اول مره هشترى عربيه يا ناس ومحتاره جدا لانى هدفع فيها اللى حلتى كله
انا معى 40000 كنت عايزه اجيب عربيه واوفر منهم كمان لكن نزلت السوق لقيت العربيات لا نازله ولا حاجه وفى نصب فرجعت انا واللى معايا
المهم اتعرض على سيارتين واحده هونداى اكسيل ( 1998) بحاله جيده مطلوب فيها (35000)
ووحده كيا بيكانتو (2006) بحاله جيده جدا مطلوب فيها (45000) وفيها تفاوض تمام
ومش عارفه اعمل ايه
محتاااااااااااااااااره جدا ودى اول عربيه لى واول سواقه
انا حديثه سواقه للعلم
ارجوكم ردو على بسرعه جدا لو تقدرو لانى لازم اخد قرار بكره لان واسطه الشراء كلمنى من نص ساعه وعايزردى بكره
شكرا مقدما

تم النقل للمقارنات بواسطتي
مشرف هيونداي

[MRBEBO]

البيكانتو طبعا بس خدي حد بيفهم كويس علشان يكشفلك عليها وخصوصا الاساسيات زي القوايم والشاسيه... الخ علشان متدبسيش فيها وبعد كده تطلع فيها مشكلة جامدة

ربنا يوفقك ... وانتظري باقي الاراء برضوا

[analyzer]

بيكانتو هتكون افضل ليكى لانها هتبقى موديل عالى يعنى مش هتكون اتهانت ولسه بخيرها
فمش تروحى لميكانيكى ولا كهربائى ودى اهم ميزة

[ADELHASANALSHAAIRYN6]

الاكسيل افضل فى وسع وراحة الصالون وتوافر ورخص قطع الغيار بس المهم تكون سليمة وحالتها كويسة - ربنا يوفقك للخير

[Samah AbdAllah]

ارجح الموديل الاحدث عشان مهما كانت هتكون حالتها افضل بس لازم تتاكدى منها الاول

[sswalid]

طبعا توكلي علي الله وخشي علي 2006 مع الفحص والتمحيص...