تحب عربيتك مانيوال ولا اوتوماتك ولماذا

[ahmad--ezzat]

مفيش حاجه اسمها الأوتوماتيك بجميع انواعه ، الاتوماتيك العادي حاجه والاستيبترونيك او التيبترونيك حاجه تانيه ، العربيات دلوقتي تلات فئات في الفتيس
- مانيوال
- اوتوماتيك
- تيبرونيك " ستيبترونيك " ( مانيوال + اوتوماتيك )

لو معاك عربية ستيبترونيك ، تقدر تخليها مانيوال وقت ما تحب وتحس بالعربية زي ما انت عاوز ، او تخليها اوتوماتيك وتريح دماغك وقت ما انت عاوز ، ييعني معاك الاتنين ومفيش احسن من كده

تفتكر الموضوع التيبترونيك دة هيبقى بنفس قوة المانيول ؟

[Eng.Sameh]

تفتكر الموضوع التيبترونيك دة هيبقى بنفس قوة المانيول ؟

طبعا وعن تجربه في مازدا 3 ، بتشبع الغيار زي ما انت عاوز وتنقل على اللي بعده براحتك وتسقط غيار براحتك وتجميعه احسن كمان من المانيوال وطبعا اريح بكتير.

[ahmad--ezzat]

طبعا وعن تجربه في مازدا 3 ، بتشبع الغيار زي ما انت عاوز وتنقل على اللي بعده براحتك وتسقط غيار براحتك وتجميعه احسن كمان من المانيوال وطبعا اريح بكتير.

شكرا للافادة..
ولكن اعتقد ان الصيانة الخاصة بية هتكون مكلفة اكتر من الاتوماتيك كمان..
(اصل الصراحة عايز اطلع اى عيب):10D5C8~1107:

[moudy88]

الاوتوماتيك طبعا افضل مليون مره بالذات في البلد دي والفرق بين الاوتو والمانيوال مش كبير اوي زي مالناس فاكره هي بس الطلعه بتبقى اتقل ....وحتى لو انا بره مصر وفي بلد فاضيه هجيب اوتوماتيك لانه راحه ورفاهيه واتجاه عالمي في اوروبا وامريكا (80% من العربيات في امريكا اوتوماتيك ) وهو المستقبل ...بس طبعا العربيات اللي مواتيرها صغيرها على حجمها لاانصح بيها اوتوماتيك لانهاهتزهق اللي سايقها ...واللي يركب اوتوماتيك لايمكن يركب بعدها مانيوال تاني حتى ولو كانت عربيه انضف من عربيته ...وفي عربيات من وجهة نظري لم تحقق انتشار لانها مانيوال (فيات لينيا-برافو-فورد مونديو -بيجو 407 ديزل 1.6 -بريليانس سبليندور ..........)

[M.Mokhtar]

مين عبدة ترونك دة هههههههههههههههههه..واية المواضيع الجامدة دى ياباشا

انا عن نفسى لو الاتوماتيك بتاع العربية بيستحمل وتجميعة تمام..اخترو طبعا

شكرا يا كبييير

مفيش حاجه اسمها الأوتوماتيك بجميع انواعه ، الاتوماتيك العادي حاجه والاستيبترونيك او التيبترونيك حاجه تانيه ، العربيات دلوقتي تلات فئات في الفتيس
- مانيوال
- اوتوماتيك
- تيبرونيك " ستيبترونيك " ( مانيوال + اوتوماتيك )

لو معاك عربية ستيبترونيك ، تقدر تخليها مانيوال وقت ما تحب وتحس بالعربية زي ما انت عاوز ، او تخليها اوتوماتيك وتريح دماغك وقت ما انت عاوز ، ييعني معاك الاتنين ومفيش احسن من كده

حضرك اكيد انا عارف الفرق بينهم
بس لمعلوماتك برده ان الاستبترونك او تبترونك مبنيين على فتيس اوتوماتك يعنى torque converter - TC
الفرق انه بيديك امكانيه انك تتحكم فى وقت النقله شوية بدرى او شوية متأخر
ولو النقله مش عجبته مش هيستجيب لحضرتك
يعنى فى الاخر اوتوماتك

لو عايز تحس بالموضوع صح جرب الايزيترونك
ده مبنى على فتيس مانيوال
وفيه ديبرياج بس كهربا بالكمبيوتر
يعنى الفاقد فى القدره اللى خارجه من الموتور اقل بكتييييييييييييييييير من التبترونك او الاستبترونك اللى بتروح فى ال TC
وبرده ممكن يرخم عليك ومش يرضى بنقله معينه عشان فى عوامل امان للمحافظة على الفتيس

لو عايز معلومات اكتر عن انواع الفتيس المختلفه شوف الموضوع ده
ايه الفرق بين الإيزيترونك والتيبترونك ؟؟

انا قصدى ان كلهم اريح من المانيوال
بس مش بيدوك احساس المانيوال اطلاقا

الفتيس DSG هو اللى ممكن نعتبره احسن من كله حتى المانيوال
وهتلاقى معلومات عنه فى نفس الموضوع السابق

[M.Mokhtar]

طبعا وعن تجربه في مازدا 3 ، بتشبع الغيار زي ما انت عاوز وتنقل على اللي بعده براحتك وتسقط غيار براحتك وتجميعه احسن كمان من المانيوال وطبعا اريح بكتير.

مهما كان ده Torque Converter
يعنى عمره ما هيبقى زى المانيوال على نفس الموتور
السحبه اكيد مختلفه

[Mohamed_Ibiza]

والله انا افضل في مصر الاتوماتيك وخصوصا الساعة 2 ظهرا

[Eng.Sameh]

مهما كان ده Torque Converter
يعنى عمره ما هيبقى زى المانيوال على نفس الموتور
السحبه اكيد مختلفه

يا باشا والله انا ركبت المانيوال كتير والأوتوماتيك كتير وركبت بردو الأستيبترونيك ، ومش شايف احساس زيادة في المانيوال غير الحساس بوجع رجلي الشمال من الدبرياج كل شويه ولخمتي لما اكون باكل او بشرب حاجه او بتكلم في الموبيل وانا سايق ، حتى في الأتوماتيك العادي في حاجه اسمها كيك دون اكيد طبعا انت عارفها بتخليك تشد وقت ما انت عاوز وتحرق على الغيار عادي وكل حاجه ، وفي الأستيبترونيك بتغير اول وتاني عادي وتحرق زي ما انت عاوز وكل حاجه ، مش عارف بقى ايه الحساس الجميل بتاع المانيوال ده !!!!

[M.Mokhtar]

يا باشا والله انا ركبت المانيوال كتير والأوتوماتيك كتير وركبت بردو الأستيبترونيك ، ومش شايف احساس زيادة في المانيوال غير الحساس بوجع رجلي الشمال من الدبرياج كل شويه ولخمتي لما اكون باكل او بشرب حاجه او بتكلم في الموبيل وانا سايق ، حتى في الأتوماتيك العادي في حاجه اسمها كيك دون اكيد طبعا انت عارفها بتخليك تشد وقت ما انت عاوز وتحرق على الغيار عادي وكل حاجه ، وفي الأستيبترونيك بتغير اول وتاني عادي وتحرق زي ما انت عاوز وكل حاجه ، مش عارف بقى ايه الحساس الجميل بتاع المانيوال ده !!!!

برده السحب مختلف
مش انت عربيتك مازدا 3؟؟؟
شد مع مازدا 3 مانيوال وانت تعرف الفرق

[SAMEH_FOUAD]

اكيد طبعا المانيوال جامد جدا لايضاهية اى نوع من انواع النقلات وبيبين مدى قوتك فى القيادة ومهارتك ومعلش اللى بيسوق اتوماتيك مش هايعرف يسوق مانيوال دة فى حالة لو ماتعلمش سواقة المانيوال لاكن اللى بيسوق مانيوال بيسوق اى حاجة انا رائى اللى بيسوق اتوماتيك دة بيريح دماغة لكن المانيوال عشقى انا جيبت عربيتى مانيوال ودوغت عليها لحد ماجيبتها مانيوال

[MaZaGAngeE]

عربية الشغل لازم تكون اوتوماتيك عشان مشاوير كتير
عربيتي الشخصية لازم تكون مانيوال عشان انا بستمتع بالسواقة

العربيات زي الستات الحلوة لازم تلاغيها و تلاغيك و تلاعبها و تلاعبك مش تركب و تشغل الكاسيت و التكييف و تنسى البنوتة الحلوة اللي معاك

مش كده و لا ايه

[hossam_elwani]

طبعا اوتو عشان الزحمة والرفاهية

[pro_samir]

حتى الأوتوماتيك ممكن تشد وتحرق بية يمكن أحسن من المانيوال كمان لأنة بينقل اسرع من المانيوال لما تجيب أخر الغيار بس تكون العربية مظبوطة وانت تكون واخد عليها هتعرف ازاى تعمل بيها اللى انت عايزة

بس مشكلتة فعلا النوووم

[M.Mokhtar]

حتى الأوتوماتيك ممكن تشد وتحرق بية يمكن أحسن من المانيوال كمان لأنة بينقل اسرع من المانيوال

كلام غير صحيح

[enas75]

لو بايدي ......اختار المانيوال ...ليس هناك سحب لعربيه يضاهي المانيوال.........السواقه بتبقي متعه
والعالم كله عمال يحاول يضاهي الفتيس المانيوال وكل شويه يخترعو حاجه ويقولو...انهم قربو للمانيوال
وترتيبهم عالميا كالاتي من ناحيه الافضل لاداء السيارات
- المانيوال
-dsg ...اعتقد ده اختصاره مش متاكده
-ايزي ترونيك
ستيبترونك
-الاتوماتيك العادي
بس نظرا لحلاوه المشاوير داخل المحروسه.....يبقي ستيبترونيك