شيفولية لانوس ولااا فيات بونتوولاااا اية ... يفرق معاية رايكم !!!

[lighter]

ارجوكم الافادة انا نقصلى 12 ساعة و هتجنن و تخسروة عضو هام جدا و ملوش فى العربيات خالص.......
معاية 70 الف و محتار عايز سيارة
1- عائلية
2- امان
3- حد ادنى 1300 سى سى
4- متفرقش هتش باك ولا سيدان المهم الصالون

ياريت اللى يدينى رائية يوضح المميزات و العيوب
اللى بنا علية رائية علشان استفيد و اقدر اخد قرار صح

[الطنطاوي]

رينو لوجان

[SeiffoZ]

البونتو طبعا أفضل حاجة تشتريها فى الفئة دى ...
لكن شنطتها صغيرة شوية .. فمش عارف هل هى هتفرق معاك بقى حجم الشنطة ولا لأ

[tamer51177]

البونتو ... بتاخد تقدير كويس في اختبارات الامان الاوروبية ، قطع غيار معمرة لكن غالية شوية، شكلها حلو وتقفيل ايطالي ممتاز جدا ، موفرة جدا في البنزين ، شنطة ضيقة شوية ، صالون معقول جدا جدا بالنسبة للهاتشباك

اللانوس ... أكثر انتشارا وبالتالي قطع غيار متوفرة ورخيصة، أي ميكانيكي بيشتغل فيها مش لازم التوكيل، صالون واسع نسبيا ، خامات وتقفيل مش أوي يعني
وربنا يرشدك للأفضل إن شاء الله

[Ahmad Shawky]

انا عاوز اشترى بونتو الجديده كلاسيك بيقولو سعرها نزل بقى 65 الف يريت لو حد من الى اشتراها يقولى رأيو فيها وهل هيه احلى من فئتها القديمه لانهوم عدلو فى شكل الالعربيه من قدام يريت لو حد يقولى

[FIATBloodline]

Punto with no second thought ....lanos is only 86 hp ..so forget about it ..not a performance beside it's interior is egyptian quality if you can get what i mean

[lighter]

و طب اية اخبار مركز الصيانة اللى بجسر السويس
الناس هناك اخبرهم اية بيهتموا ولا ...
رايكم يهمنى

[Rami_Auto]

التوكيل احسن من الممتاز انا كان عندى مشكلة مع العربية بتاعتى و روحت التوكيل و قابلنى مهندس اسمة عصام بصراحة مهندس جدع جدا و حسسنى ان العربية ديى بتاعتة . فى نفس الوقت اللى كان هناك مهندسين منفضة للعملاء.
ربنا يباركله

[Mohammed_abod]

فعلا انا اتعملت مع المهندس عصام و فعلا دا راجل فى قمة الادب و الاحترام و بيعمل اللى بيقدر علية علشان يساعدك
اتوكل على اللة التوكيل فى ناس كويسة و اكيد فى ناس مش اد كدة زية زى اى مكان فى الدنيا بس ربنا يوقعك فى الناس الكويسةو بالتوفيق

[Eng.Geo]

Punto with no second thought ....lanos is only 86 hp ..so forget about it ..not a performance beside it's interior is egyptian quality if you can get what i mean

بونتو 77hp يبقي اقل من اللانوس.
بس انا بارشحلك لوجان full فيها كل حاجة هتحتاجها