ماريا ولا فوكس ولا اكسارا2

[fepsceasar]

أنا معروض عليا فورد فوكس2003 موتور 1600 واكسارا 2 موديل 2004 برضه 1600 ومطلوب فيهم53 ألف وبالمناسبة ايه رأيكوا في فيات ماريا او برافا 1300 ياريت أسعار وتوافر قطاع الغيار وتوفير البنزين

[sswalid]

طبعا انا لو مكان حضرتك مش حفكر
في اي واحده من دول اساسا...
ولكن لو حضرتك مصمم عليهم
يبقي حقولك فورد فوكس.
لاني معرفش اي حاجه عن الباقي !!!

وذلك تطبيقا للمثل الشعبي
الي تعرفو احسن من الي ما تعرفوش ...

[fepsceasar]

شكرا يا باشا، لكن حكاية اللى تعرفه احسن من اللى ما تعرفوش مش دايما بتبقى صح

[fepsceasar]

ايه ما حدش عايز ينفعنا ويفيدنى فى الموضوع ده يعنى اصرف نظر ولا دى عربيات كويسة

[iBiZa]

انا اصحابى عندهم ال3 عربيات و ركبتهم كلهم.
من ناحية التفضيل الشخصى, انا بحب الfocus ثم الxsara و مش بحب الmaria رغم انها واسعة من جوة.

أنا معروض عليا فورد فوكس2003 موتور 1600

العربية حلوة و واسعة و قطع غيارة متوفرة و باسعار منافسة جدا و مينفعش اى ميكانيكى يشتغل فيها.

واكسارا 2 موديل 2004 برضه 1600

العربية اضيق شوية من الfocus بس حلوة و دية تقريبا احسن موتور فيهم بس عيبها ان حاجتها غالية و مش متوفرة اوى و بردة مش اى حد يشتغل فيها.

ايه رأيكوا في فيات ماريا او برافا 1300

دية بقى انساها تماما, عشان حتى التوكيل معندوش حاجتها و صاحبى لما بيحب يجيبلها حاجة بيبعت يجيبها من الدول العربية + انها هتبقى تقيلة اوى فى بيعها.

[fepsceasar]

شكرا يا باشا

[M.ABDEEN]

الفوكس طبعا مش محتاجة كلام قوة ووسع وثبات بس اجمالا كلهم اعادة البيع مش اوي وقطع غيار الفوكس مش نار دي ولعععععععة

[iBiZa]

وقطع غيار الفوكس مش نار دي ولعععععععة[/b]

مين اللى قالك كدة ؟؟

انا لسة كنت بعمل صيانة ال20.000 مع واحد صاحبى لموديل 2008 و اسعار الحاجة بتاعتها ارخص من حاجة العربية الPolo بتاعتى.

كلمهم و اسال على قطع الغيار و قول اية رأيك بعد كدة بس ما تاخدش الموضوع سمع و بس.

[M.ABDEEN]

مين اللى قالك كدة ؟؟

انا لسة كنت بعمل صيانة ال20.000 مع واحد صاحبى لموديل 2008 و اسعار الحاجة بتاعتها ارخص من حاجة العربية الPolo بتاعتى.

كلمهم و اسال على قطع الغيار و قول اية رأيك بعد كدة بس ما تاخدش الموضوع سمع و بس.

مش سمع بس يا باشا اخو المدام معاه 2007 ورحت الصيانة معاه غير 2 كوبلن بحوالي 3600 جنيه الفانوسين اللي وراء ثمنهم يقارب 3000 جنيه كده تبقى رخيصة في رائيك ولا لا؟؟؟؟؟

[iBiZa]

دة مش كلامى:

http://www.nilemotors.net/Nile/showthread.php?t=73432

و ازود عليهم:
فلتر زيت 48
طقم بوجيهات 82
فلتر هواء 85

للعلم بردة الكوبلن كدة سعرة معقول, انت شارى كوبلن جديد من الوكيل, سعر كبالن الBora استيراد كان 1800 جنية.

سعر الفوانيس طبعا اشك فيها لان الراجل كاتب سعر غير كدة + انا شايفة تقريبا كان فى حدود السعر دة.

[fepsceasar]

طيب لو كبرنا من ماريا اى توكيل افضل فكرى جروب بتاع فورد فوكس ولا عز العرب بتاع اكسارا 2

[iBiZa]

فكرى كويس جدا, و انا بصراحة مجربتش عز العرب عشان احنا بنعمل صيانة الxsara عند ميكانيكى بيجو.

[fepsceasar]

ممكن نمرة وعنوان الميكانيكى وايه اخبار الاكسارا معاك بصراحة دى اكثر واحدة عجبانى، هى اكسارا ا ولا 2

[iBiZa]

اللى مع صاحبى Xsara 1.

هو موتورها مبنى على موتور الPeugeot 205 GTI 1.6 و عشان كدة تلاقية بيجرى جامد و بيجمع جامد.

قطع غيار الميكانيكا فيها حاجات كتير زى الPeugeot 306 اوCitroen ZX.

الميكانيكى فى الزاوية الحمرا و اسمة محمد كمال و رقم تلفونة 0105479786.

[Samah AbdAllah]

فورد فوكس افضل