يا رجال المنتدي...ساعدوني

[M.ABDEEN]

معتقدش أني جرحت في حد ولا حدفت حد بالطوب ، أحنا بنتكلم عن عربيات ، وأنا لما بقول ناس كتير تتفق معايا ، محددتش حد بعينه ، بس دي تقييمات عالمية ووجهة نظر الغالبية ، هل تعلم أن مازدا3 واخده اربع نجوم في موقع WhatCar http://www.whatcar.com/Search/@22Maz...2/default.aspx
وانها واخده سيارة العام سنتين متتاليتين ، يعني لو أنا ربنا كرمني وجبتها مش هيبقى بيتي من ازاز ولا حاجه ، دي عربية من العربيات اللي اقتربت من الكمال ومن أنجح العربيات عالميا ومش محتاجه اصلا كلام لأنه جودتها وكفائتها أمر مسلم به شاء البعض أو أبى.

ملحوظة : أنا بشجع الأهلي

ماشي يا باشا محدش قال ان المازدا وحشة بس مش نقول السيراتو بلاستيك ومواتيرها تتقلب في سنتين لما ده مش طوب طب يبقى ايه؟؟؟؟؟
ملحوظة: المصري عور الاهلي وجرحه في اول الدوري

[Eng.Sameh]

على فكرة انا أهلاوي...

أولا السيراتو اللي بـ 126000 دي الهاي لاين.. قارن اللي بـ120000 بأي عربية انت عايزها عشان الأمور تكون واضحة أكتر...

ثانيا و المفاجأه.... في عضو من منتدى مازدا, معاه مازدا 3 (2008).. عمل حادث و قال ان الـ ABS مشتغلش و معملش حاجة, و الراجل خيش في اللي قدامه....
يعني الياباني ممكن ما يشتغلش بردو... مش بس الكوري

و مع ذلك المازدا عربية ممتازة أكيد و مش محتاجة كلام,,,, شفت ان اللي راكبين كوري منطقيين و فاهمين ان مش ده اللي يحكم على العربية.... دي حالة فردية

تقدر تتأكد بنفسك يا زعيم...

يا باشا قريت الموضوع بتاع ال ABS ده قبل كده وعموما في أي عربية ال ABS له دور محدد يعمله وفيه حالات مش هينفع فيها وأحنا مكناش مع الراجل ومنعرفش ايه الملابسات ، لكن مفيش حاجه اسمها مشتغلش الا لو كان اصلا فاصل وفي الحاله دي كان هينور في التابلوه ، يعني مش مفاجئه ولا حاجه ، وزي ما انت قلت المازدا3 مش محتاجه كلام ، وعلى فكره عليها شبه اجماع عالميا ، وأنا ما قلتش ان السيراتو وحشة ، أنا كل كلامي ملخصه انها حلوه وكل حاجه لكن لا تتعدى 105000 لأعلى فئه ، لكن لما الهاي لاين توصل 126000 يبقى دخلت في منافسه مع عربيات هيه اقل منهم في كل حاجه وده واقع مش محتاج شرح ، وفي الآخر يا باشا ربنا يا رب يباركلك فيها ويحفظهالك ويديك كل خيرها ويسعدك بيها.

ملحوظه : أنا وغازي بنشجع الأهلي

[Eng.Sameh]

ماشي يا باشا محدش قال ان المازدا وحشة بس مش نقول السيراتو بلاستيك ومواتيرها تتقلب في سنتين لما ده مش طوب طب يبقى ايه؟؟؟؟؟
ملحوظة: المصري عور الاهلي وجرحه في اول الدوري

حقك عليه يا باشا ، السيراتو زي الفل ، بس بردو مدفعش فيها اكتر من ميايه وابقى جاي على نفسي، أنا كل كلامي من منطلق حب لأخيك ما تحب لنفسك ، وأنا عن نفسي شايف أن حرام يدفع فيها الأسعار دي من غير زعل يابو عابدين.
ملحوظه : الأهلي عمهم وحارق دمهم

[onsi]

حرام ادفع المبلغ دة كلة فى عربية كورى لا وكمان صالون ضيق وبالذات الكنبة الخلفية يعنى مش عائلية والتبلوة الخامات مش حلوة ممكن يكون فيها كماليات حلوة مش موجودة فى عربيات تانية لكن برضة دفت تمنها بالمقرنة بالعربيات اللى مافيهاش الكماليال الزيادة

والعربية السيراتوا عاملة زى شبكة اتصالات كل يوم تلاقى عروض كتيير ببلاش عشان يجذبوا اكبر قدر من العملاء لكن الاساس ان الشبكة بتاعتهم ضعيفة لا يعتمد عليها وعشان كدة لازم يعوضوا البيع بالاوبشن الزيادة لكن الفرق فة العربية انك بتدفع تمنة برضوا لكن فى اتصالات الاوبشن ببلاش

[Mostafa_ENG911]

أحب اشكر كل اعضاء المنتدي....و انا اسف اني غيبت فترة عن هذا المنتدي الجميل فعلا....و اعتقد ان افضل خيار في هذه الفئة سياراتان:
Ford Focus
Mazda 3
بالذات بعد نصائح الكثير من اصدقائي....و اعتقد ان كل هذه الامكانيات في السيراتو بالسعر ده اكيد علي حساب حاجة
مش بس كدي...بعض الأصدقاء من خارج المنتدي قالوا حتبقي نفس وضع الGEN2 اول ما نزلت...كانت عربية خيالية بالنسبة لسعرها و بعد كده ظهرت عيوب مش بسيطة...اعتقد انكوا تتفقوا معايا في كدة

[Eng.Sameh]

كده انت جبت من الاخر ووصلت لعين الصواب

[TeMoON]

بصراحة دا مش حوار دى خناقة وانا كرهت اليابانى والكورى وكرهت كل العربيات من الحوارات دى ومما فيها من تعصب فى الاراء يا جماعة دا حوار نقاش مش حرب وكل واحد يوفر رأية لنفسة

[Mostafa_ENG911]

بصراحة دا مش حوار دى خناقة وانا كرهت اليابانى والكورى وكرهت كل العربيات من الحوارات دى ومما فيها من تعصب فى الاراء يا جماعة دا حوار نقاش مش حرب وكل واحد يوفر رأية لنفسة

الموضوع فعلا مجرد حوار ...خد المواضيع ببساطة يا عزيزي