سوران ......ماتركس

[zetto]

السلام عليكم
انا محتار قوى بين الاتنين
السوران نازله
الباقة الأولى البالغ سعرها 89900 جنيها بالعديد من الكماليات منها تكييف هواء و ريموت كونترول مع غلق مركزي للأبواب و راديو Cd Mp3 مزود بـ6 سماعات وعجلة قيادة متعددة الوظائف قابلة للتعديل.

وكذلك حامل أكواب و مساند للرأس بالإضافة إلى جهاز إنذار ضد السرقة و إيريال مدمج في الزجاج الأمامي.

أما الباقة الثانية فمزودة بالإضافة للكماليات السابقة بجنوط سبور و2 وسادة هوائية ومصابيح شبورة أمامية بالإضافة إلى أن الكراسي من الجلد الطبيعي ، سعرها 109000 جنيها.
و الماتركس انتو عارفنها كويس

[mramzy]

بينى وبينك بعد تجربه الماتركس 3 سنين
السوران احسن
مع اعتبار ان شكل تابلوه الماتريكس احلى
لكن خامات ومتور سوران

[sswalid]

السلام عليكم
انا محتار قوى بين الاتنين
السوران نازله
الباقة الأولى البالغ سعرها 89900 جنيها بالعديد من الكماليات منها تكييف هواء و ريموت كونترول مع غلق مركزي للأبواب و راديو Cd Mp3 مزود بـ6 سماعات وعجلة قيادة متعددة الوظائف قابلة للتعديل.

وكذلك حامل أكواب و مساند للرأس بالإضافة إلى جهاز إنذار ضد السرقة و إيريال مدمج في الزجاج الأمامي.

أما الباقة الثانية فمزودة بالإضافة للكماليات السابقة بجنوط سبور و2 وسادة هوائية ومصابيح شبورة أمامية بالإضافة إلى أن الكراسي من الجلد الطبيعي ، سعرها 109000 جنيها.
و الماتركس انتو عارفنها كويس

تفتكر ان الماتريكس ممكن يكون فيها الكلام ده
+ الموتور + الثبات +vw ..!!!! ؟؟؟

[mecho_392]

انا من رأيى انا الماتريكس افضل من الباراتى لانها مع زميل و ركبتها معاه و دى اللى تتقارن بيها. و منصحكش بيها

بالنسبة للسوران انا معرفش عنها حاجه هنا لكن لو مقتنع بيها هات اللى ب 90,000 علشان فرق ال 20 الف حرام على جنوط و شبوره و ايرباج... جنطها براحتك بس العربية دى كشكل عجبانى,, لكن ابعادها صغيرة جداااااااااااااا مقارنة بالماتريكس (رغم انى لما بشوفها بفتكرها اكبر).

العرض: سوران 1640 مم : الماتريكس 1740 مم (فرق كبيييير)

الارتفاع : سوران 1545 مم : الماتريكس 1685 مم بال roof rails اعتقد من غيرهم 1635 مم

قاعدة العجلات : سوران 2465 مم : ماتريكس 2600 مم (فرق كبييييييير)

الطول: سوران 4165 مم : ماتريكس 4050 مم

ابعاد السوران من حيث العرض و الارتفاع و قاعدة العجلات قريبه من ال i10 لان العربية دى اساسها ال fox و دى من فئة البيكانتو و i10 تويوتا ايجو.. يعنى mini

لكن لو موتور السوران 1.6 هيبقى حلو جدااااا عليها و مريح.

اما الماتريكس فهى متجربة و كويسه و سوقها كويس.. انا عندى 2007 و عديت ال 60,000 كم و العربية ما شاء الله تحفه و مريحة جدااا و واسعه بغبااااااااااااااااااااااااااء حتى عن اللانسر الجديدة و معظم العربيات ال 1600.. تكييفها جميل جدااااا و سحبها حلو اوى و بتستحمل الجرى و الهبد فى المطبات صدقنى اخدت مطب على 80 و ساعات 40 او 50 و والدى بيمشى فى طرق مكسره كتييييير.. و مربطش عفشة و لا مره..

تسارع الماتريكس و موتورها حلو جداااااااا حتى مع التكييف مش بتحس بتأثير كبيير.. و عديت من مازدا 3 بسهولة و بهدلت اللانوس و عديت من السويفت الجديدة.

ثبات ممتاز يعنى متحسش بالسرعة من 100-120.. لو حضرتك ركبت لانوس و هى ماشيه على 60 كم/س كأنك ماشى بالماتريكس على 100 كم/س... و الحمد لله عمرها ما عومت على السرعات و لا مع الفرامل حتى فى الغرز الجامدة جدااااااا.

استهلاك بنزين ممتاااااااااااز حتى فى الزحمة و التكييف شغال على طول و مع بعض الحرق عملت 260 كم فى الصفيحة و من غير تكييف ممكن توصل 315 كم و اعلى. حسب السواقة

و من 2007 حتى الان مصرفتش عليها مليم غير زيت و فلتر و عند 60,000 كم جبت كل قطع الغيار من التوكيل بحوالى 1000 جنيه و ركبتها بره علشان مش بعمل صيانة فى التوكيل.

لكن بصراحه الماتريكس الجديدة مش بيعجبنى شكلها اوى.... ده غير ان سعرها زاد حوالى 10,000 جنيه (انا كنت شاريها ب 81,500) دلوقتى بسمع انها 90 و بتدخل فى ال 100 ألف بالنسبة للاتوماتيك.

أنا شايف ان السوران جامده بس صغيره شويه لكن هل المانى؟؟ انا والدى عن نفسه لما شاف اعلان كا نازل ل VW من شهرين عن عربية زى الماتريكس (يمكن تكون السوران) و سعرها كان اقل من الماتريكس او زيها.. قالى عربية زى الفل و VW حتى لو كانت متصنعة فى الصين مش مشكلة.. (رغم انه مش بتاع دى كورى و يابانى و المانى...).

ربنا يوفقك فى الاختيار

[Fadi Ezzat]

السوران افضل طبعا من غير مقاشات

[mecho_392]

السوران افضل طبعا من غير مقاشات

!!!!!!!!!!!!

[zetto]

دى صور للسوران
اعتقد انها تقفيل ارجنتينى

http://www.youtube.com/watch?v=8xyY_BDRvkU&feature=fvsr