نيو سيراتو - فيات لينيا (المنافسة القوية)

[SeiffoZ]

إن شاء الله فى تفكير قوى بتغيير ال131 بتاعت الحاج ...
فحطين رينج سعر بحد أقصى 95 ألف جنيه (تقسيط) ..

فتم إستبعاد الإلنترا و اللانسر و الصنى نهائيا .... قيمتهم أغلى من سعرهم ..

المهم :-
رحنا إتفرجنا على السيراتو و كانت النتيجة كالأتى:-
1- العربية شكلها حلو و شبابى و لذيذ جدا ..
2- العربية فعلا تقفيلها نضيف ..
3- شنطتها صغيرة شوية (بالنسبة للينيا .
4- إتساعها من جوه حلو
5- الاداء بقى و التكييف و الكلام ده مش عارفه (ملحوظة التكييف عندى مهم جدا)
6- الإنتروير حلو قوى و شبابىو ننضيف لكن مافيهوش فخامة الينيا و وقارها

بالنسبة للينيا:-
1-العربية فخمة فخمة بجد و شكلها كله هيبة و وقار ..
2- العربية تحفة فى التصميم و الإنتريور فخم ووقور جدا و عصرى و أوروبى بجد لا يقل عن البى إم دبليو (مع فرق الخامات طبعا لصالح البى إم)
3- الشنطة بحر بحر بجد .
4- الصالون واسع جدا
6- الأوبشن فى البيسك قليلة حبتين (الزجاج الخلفى مانيوال)
7- أمان جامد ( Air bag 2 - .. Abs+Ebd ...
7- عيبها بس الموتور 1400 سى سى 8 صباب 77 حصان يمكن يعتبر ضعيف شوية لكن كافى (السيراتو تتفوق) .


لكن دلوقتى فى شوية حاجات بقى عايزها ...
توافر قطع غيار لينيا خارج الوكيل ... هل هتكون متوفرة؟؟
التكييف ؟؟؟ لأن سمعت كلام مش حلو على تكييفها .. و الحاج عامل قلب مفتوح فعايزين حاجة رفاهية من جوا فعلا ...

السيراتو بقى طبعا ممتازة و عجبانى بس أنا بقارن بينها و بين اللينيا لأن الينيا أفخم و فى نفس الوقت إحنا من عشاق الفيات ...
بس لازم تتحسب بالورقة و القلم عشان ده مبلغ مش صغير طبعا ..
فاياريت المقارنة فى العناصر دى ..
و شكرا جزيلا ليكو مقدما

[eng.octooo]

انا ل معايا دى ولا دى بس لو انت عاوز عربية للجرى والشكل الشبابى والكلام دة يبقة السيراتوا علشان الموتور
اما لو عايز عربية فخمة جدااااااا واستعمالك ليها هايكون جوة المدينة يبقى الوحش الكاسر (حلوة دى ) اللينيا فخممممممممممممة لابعد الحدور وعاوزة سواقة هادية بس مشكلتها نها مانيوال بس

[Migo123]

توافر قطع غيار لينيا خارج الوكيل ... هل هتكون متوفرة؟؟

أكيد مش متوفره .... المهم تكون متوفره في التوكيل اصلا ... غير النيو سيراتو المتوقع ليها انتشار جامد جدا الفتره اللي جايه وده اكيد هينعكس على وجود قطع الغيار و يرخص سعرها
التكييف في الليناحلو بناء على التقييمات الموجود على النت .. والوحيده في فئتها اللي فيها مخرج تكييف للركاب في الخلف
فرق جوهري الضمان في الكيا 5 سنين و فيات 3 سنين بدون حد ادنى للكيلومتر .... وكيل الكيا عن تجربه محترم وأسعاره معقوله و غير مبالغ فيها

المفروض ان العمر الافتراضي للفيات يكون أعلى من الكيا ....... يعني لو الكيا هتفتح بقها بعد 5- 6 سنين ........اعتقد الفيات ممكن تعييش اكتر.

[SeiffoZ]

أكيد مش متوفره .... المهم تكون متوفره في التوكيل اصلا ... غير النيو سيراتو المتوقع ليها انتشار جامد جدا الفتره اللي جايه وده اكيد هينعكس على وجود قطع الغيار و يرخص سعرها
التكييف في الليناحلو بناء على التقييمات الموجود على النت .. والوحيده في فئتها اللي فيها مخرج تكييف للركاب في الخلف
فرق جوهري الضمان في الكيا 5 سنين و فيات 3 سنين بدون حد ادنى للكيلومتر .... وكيل الكيا عن تجربه محترم وأسعاره معقوله و غير مبالغ فيها

المفروض ان العمر الافتراضي للفيات يكون أعلى من الكيا ....... يعني لو الكيا هتفتح بقها بعد 5- 6 سنين ........اعتقد الفيات ممكن تعييش اكتر.

ما هو موضوع قطع الغيار ده عايزله لفه جامدة الأول فى شارع معروف و شارع شمبليون و دمشق ...
و التكييف بمخرج ورا ده فى الفئة الاعلى مش فى أول فئة إللى بتكلم عنها

[Migo123]

ما هو موضوع قطع الغيار ده عايزله لفه جامدة الأول فى شارع معروف و شارع شمبليون و دمشق ...

من غير لف .... العربيه مش موجود منها كتيير في مصر ... محدش هيستورد قطع غيارها مخصوص الا الوكيل لانه ملزم بيها ... و ممكن كمان تلاقي حجات بتيجي بالطلب مش موجوده ستوك عنده ودي مشكله اساسيه للعربيات الغير منتشره

بس ممكن قوي تلاقي قطع غيار المشتركه مع موديلات فيات التانيه ... زي الماتور مثلا مشترك مع الجراند بونتو

[ضيف]

إسمح لي حضرتك أكتب رأي بالنسبة للتكييف فقط
بدون الدخول في فنيّات لكن الإحساس ببرودة تكييفات سيارات شرق أسيا يفرق عنه في سيارات أوروبا
بمعنى أوضح لو عند درجة حرارة (ما) في الأسيوي الإحساس يختلف عنه في الأوروبي عند نفس درجة الحرارة
الإحساس الوقتي لصالح الأسيوي , إنما على المدى الطويل ما هي النتائج على الجهاز التنفسي ؟ اللّه أعلى و أعلم

[Hosam_Optrawy]

السيراتو تتفوق فى العوامل اللى حضرتك ذكرتها
توافر قطع الغيار والاداء والتكييف

[Ahmed Samy]

اولا ميزة التكييف في صالح السيراتو
لسببين : مواصفات الشرق الأوسط تكييفها أقوى (الفيات اللي هنا هي اللي في ايطاليا) يعني تكييفها مش بتاع حر موت ..

السبب التاني قوة الموتور ....

قطع الغيار ...اوماترا نفسها ماعمدهاش كل قطع غيارها ....يبقى برضه احتمال كبير تغلبك بره التوكيل لأن العربيات مش منتشرة.

الميزة اللي في الفيات أكيد الخامات الأفضل من السيراتو
و العمر الأطول لأنها أوروبي
و الأمان الأعلى لأن السيراتو الفئة السعرية دي ما فيهاش Abs حتى

الشنطة ممكن تكون اللينيا أكبر بس السيراتو برضه كبيرة مش وحشة

اعادة البيع أعتقد هاتكون للسيراتو أفضل


اعقل كده انت محتاج ايه أكتر و ربنا معاك

[SeiffoZ]

اولا ميزة التكييف في صالح السيراتو
لسببين : مواصفات الشرق الأوسط تكييفها أقوى (الفيات اللي هنا هي اللي في ايطاليا) يعني تكييفها مش بتاع حر موت ..

السبب التاني قوة الموتور ....

قطع الغيار ...اوماترا نفسها ماعمدهاش كل قطع غيارها ....يبقى برضه احتمال كبير تغلبك بره التوكيل لأن العربيات مش منتشرة.

الميزة اللي في الفيات أكيد الخامات الأفضل من السيراتو
و العمر الأطول لأنها أوروبي
و الأمان الأعلى لأن السيراتو الفئة السعرية دي ما فيهاش Abs حتى

الشنطة ممكن تكون اللينيا أكبر بس السيراتو برضه كبيرة مش وحشة

اعادة البيع أعتقد هاتكون للسيراتو أفضل


اعقل كده انت محتاج ايه أكتر و ربنا معاك

أحنا هنا حابين اللينيا عن السيراتو جدا ...
لكن أنا خايف من قطع الغيار و تكييف .. لحسن يكون مش بيسقع و مالوش لزمة ..
طب السؤال الأكبر .. هل قطع غيار الجراندبونتو هى هى اللينيا؟؟؟ الداخلية أقصد .. لأن المفروض الينيا هى السيدان من البونتو

[wet7014]

أحنا هنا حابين اللينيا عن السيراتو جدا ...
لكن أنا خايف من قطع الغيار و تكييف .. لحسن يكون مش بيسقع و مالوش لزمة ..
طب السؤال الأكبر .. هل قطع غيار الجراندبونتو هى هى اللينيا؟؟؟ الداخلية أقصد .. لأن المفروض الينيا هى السيدان من البونتو

هاقول لحضرتك حاجه قطع الغيار
انا شايف عند الكيلاني الفوانيس بتعاتها هيا و الجراند بونتو
و كمان في الحرفيين شوفت حاجات استيرات للجراند بونتو فأكيد هتلاقي قطع غيارها
بس هيا قطاع غيار فيات موجوده بس عند كام تاجر في كام منطقه معينه ذي دمشق و شامبليون و التوفقيه
اما بالنسبه للتكييف الفيات ذي الاروبي التكييف مش قوي اوي
بس اكيد هتحس انه في تكييف و اكيد ليه لازمه
انا معيا سيينا و التكييف معقول و كويس بس هو بيبقي في احسن حلاته و العربيه ماشيه
ربنا يوفقك في الاختيار و انا شايف ان اللينيا ممتازه ( هو صعب انك تجيب الفئه اللي فيها تربو )

[Swerve]

ana ben nafs el 3arabeyeten dol, w ba2ali esboo3 7atgannen men el mokarna.. bas ana bsara7a mayyal lel linea GEDDAN, el 3arabeya afkham b kteer, exterior w interior design
fiha ABS w airbags mesh fel cerato, w belnesbali ana e7temal azo2 leli b 103 w di fiha zyada 3al 95 alloys 16, parking sensor, the blue & me system..

el motor kan meza3alni fel awel bas ana aret reviews eno mesh da3if zai ma momken tefteker, w ana zayak bardo, el 3arabeya aslan l aboya fa mesh 7ayefre2 ma3ah kam 7osan, w ana masme3tesh mashakel 3an el takeef

howa el moshkela eno b3'ad el nazar 3an tawkil el fiat, akid tawkil kia a7san, akid keta3 3'iarha 7atkoon motawefera aktar, ana 3andi moshkela kaman eni f eskendreya, w omatra mafata7sh markaz khedma hena lessa w mafrood en el tarek makano l3'ayet ma yefta7..

7aga kaman fel linea enaha ta2fil torki, wel kia gayya men korea 3ala ba3d, mesh 3aref di 7atkoon moshkela wala a..

w bardo belnesbali ana a7eb eni akoon saye2 3arabeya mesh mawgooda kteer ..
ana kont aret f mosharka hena f nile motors en el fanoos el amami b 650, ana mesh 3aref el kia bkam bas byethaya2li eno mesh nar ya3ni..

ana ba2ool linea.. w isa ageeb linea ma lam tetla3 fiha moshkela gamda ya3ni.. w law ektashaft 7aga akid 7a2olak.. w law gebtaha ablak 7a2olak eh nzamha..

salli estekhara w rabena ywafa2 isa

[SeiffoZ]

هاقول لحضرتك حاجه قطع الغيار
انا شايف عند الكيلاني الفوانيس بتعاتها هيا و الجراند بونتو
و كمان في الحرفيين شوفت حاجات استيرات للجراند بونتو فأكيد هتلاقي قطع غيارها
بس هيا قطاع غيار فيات موجوده بس عند كام تاجر في كام منطقه معينه ذي دمشق و شامبليون و التوفقيه
اما بالنسبه للتكييف الفيات ذي الاروبي التكييف مش قوي اوي
بس اكيد هتحس انه في تكييف و اكيد ليه لازمه
انا معيا سيينا و التكييف معقول و كويس بس هو بيبقي في احسن حلاته و العربيه ماشيه
ربنا يوفقك في الاختيار و انا شايف ان اللينيا ممتازه ( هو صعب انك تجيب الفئه اللي فيها تربو )

و حضرتك هى أكيد تكيفها أحسن من السيينا ... فى فرق جامد بينهم كفئة سعرية .
و تقفيل تركى ممتاز طبعا ... ماهى الميجان تركى!
حضرتك هى أكيد تكيفها زى الجراند بونتو ... عشان العربتين تقريبا واحد .. فلازم نعرف كويس و يا ريت لو حد جرب التكييف يقولينا عامل إيه ... مش عايز فى الأخر يطلع تكييف شاهين مثلا ..!!!

للأسف صعب ... لأن هيكون قسط مش كاش.. و والدى مش هتفرق معاه الشد و السرعة القصوى بالعكس تسارع الينيا ال77 حصان جيد جدا و انا شفت تسارع العادية على الyoutube و لقيته ممتاز جدا بس بيقل بعد ال100 ... لكن فى الأخر هيكون موتور عصبى و قوى على السرعات القليلة و معقول على السرعات العالية ..
أكيد الحاج مش هيعدى 120 بيها هههههه
و شكرا على رد حضرتك

[SeiffoZ]

ana ben nafs el 3arabeyeten dol, w ba2ali esboo3 7atgannen men el mokarna.. bas ana bsara7a mayyal lel linea GEDDAN, el 3arabeya afkham b kteer, exterior w interior design
fiha ABS w airbags mesh fel cerato, w belnesbali ana e7temal azo2 leli b 103 w di fiha zyada 3al 95 alloys 16, parking sensor, the blue & me system..

el motor kan meza3alni fel awel bas ana aret reviews eno mesh da3if zai ma momken tefteker, w ana zayak bardo, el 3arabeya aslan l aboya fa mesh 7ayefre2 ma3ah kam 7osan, w ana masme3tesh mashakel 3an el takeef

howa el moshkela eno b3'ad el nazar 3an tawkil el fiat, akid tawkil kia a7san, akid keta3 3'iarha 7atkoon motawefera aktar, ana 3andi moshkela kaman eni f eskendreya, w omatra mafata7sh markaz khedma hena lessa w mafrood en el tarek makano l3'ayet ma yefta7..

7aga kaman fel linea enaha ta2fil torki, wel kia gayya men korea 3ala ba3d, mesh 3aref di 7atkoon moshkela wala a..

w bardo belnesbali ana a7eb eni akoon saye2 3arabeya mesh mawgooda kteer ..
ana kont aret f mosharka hena f nile motors en el fanoos el amami b 650, ana mesh 3aref el kia bkam bas byethaya2li eno mesh nar ya3ni..

ana ba2ool linea.. w isa ageeb linea ma lam tetla3 fiha moshkela gamda ya3ni.. w law ektashaft 7aga akid 7a2olak.. w law gebtaha ablak 7a2olak eh nzamha..

salli estekhara w rabena ywafa2 isa

لسه هنزل إن شاء الله شارع معروف و شامبليون ..

بس يا ريت بس حد يقوللى مين تانى ممكن ألاقى عندهم قطع غيار غير الكيلانى لأنى فعلا شفت فانوس لينيا عنده قبل كده معروض بعينى

[ahmad--ezzat]

الفيــــــــــــــــــــــــــــــــــــــــــــــ ــــــــــــــات تقتل الكيا

[sheeko00]

انا رايى نيو سيراتو جامدة وفلوسها فيها يعنى لما تيجى تبيعها مش هتبقى تقيلة زى اللينيا وكمان اتوقع ان قطع غيارها هتبقى منتشرة اكتر لان الكل متوقع النجاح والانتشار الكبير للسيراتو الجديدة رغم الاعتمادية الكبرى على فيات بس السيراتو الجديدة عملية برضو ودة واضح من تقفيلها وشكلها واستخير ربنا وربنا يوفقك