جين تو ام كيا سيراتو

[ahmad--ezzat]

السيراتو افضل فى رايى ودى اسبابى

1-اوسع من الجين واكبر
2-موتور اقوى
3-عربيه شكلها فخم جدا عن البروتون
4-برستيج عن البروتون
5-خبره كيا افضل بكتير من خبره بروتون فى السيارات ودى نقطه مهمه جدا
6-توكيل كيا افضل من عز العرب
7-اعادة بيع الجين 2 واقع خالص ودى نقطه فى صالح الكيا

[أبومعاذ]

السيراتو افضل فى رايى ودى اسبابى

1-اوسع من الجين واكبر (السيراتو الجديدة ضيقة عن القديمة مش زيها بشهادة الناس اللي معاهم)
2-موتور اقوى (نفسي أتأكد من الموضوع دا على ارض الواقع)
3-عربيه شكلها فخم جدا عن البروتون (أذواق)
4-برستيج عن البروتون (على أساس إن كيا بقت مرسيدس و بروتون من انتاج النصر للسيارات؟ أنا شايف إن كيا شركة قديمة شوية عن بروتون بس مش لدرجة إن دي تبقى برستيج عن دي)
5-خبره كيا افضل بكتير من خبره بروتون فى السيارات ودى نقطه مهمه جدا (في دي عندك حق بس النقطة دي ملهاش أي تأثير على أرض الواقع إلى جانب إن بروتون معاها خبرة شركة لوتس العريقة في المواتير و أنظمة التعليق)
6-توكيل كيا افضل من عز العرب (مفيش كلام بس عز العرب مش وحش)
7-اعادة بيع الجين 2 واقع خالص ودى نقطه فى صالح الكيا (الجين 2 موديل 2007 بتتباع في رينج 70-75 و هي اصلا العربية ب85 يبقى اكيد البيع بتاعها مش واقع قوي ولا حاجة غير ان العربية قبل ما بتنزل المعارض بتكون اتباعت و اللي مش مصدق ينزل يدور في السوق على جين 2 زيرو)

في النهاية هل حضرتك جربت أي عربية من عربيات بروتون و على هذا الأساس بتحكم عليها بكدا ولا الحكم دا على أي أساس؟؟

[adsense]

أعتقد يا جماعة ( أخي أبو مريم و الدكتور أحمد سامي )
موضوع مين أقوى ........ محسوم لصالح النيو سيراتو ................ و الله أعلم .
أنا جربت الإلنترا ...... نفس موتور السيراتو
موتورها أقوى من موتور الجين 2 ........

بصراحة انا ضد رأيك تماما انا شايف ان Gen 2
الـ 2009 الكومبرو
موتورها قوي جدا وانا شايفها علي الطريق بتشد مع النترا وبصراحة كانت متفوقة بكتير جدا

[hamlet76]

السلام عليكم ورحمة الله
دي اول مشاركة لي من فترة طويلة في المنتدى .. والسؤال ده كان في بالي من حوالي سنة قبل ما اسافر من القاهرة (انا عايش في الخليج حاليا) علشان كنت عايز اشتري سيارة جديدة في حدود 100 الف ..
نصيحة مني احتياجاتك من السيارة والمبلغ اللي انت محدده عوامل علشان تختار نوع السيارة .. انا اشتريت سيراتو الشكل القديم قبل سفري للخارج وكانت الحقيقة ممتازة جدا جدا جدا وجربت سواقة الجين تو مع اصحاب لي وكانت ممتعة برضة جدا جدا جدا .. لكن بالنظر الى الظروف في مصر وخصوصا مسالة التوكيل واعادة البيع تخلي الكفة بتميل ناحية السيراتو .. ونصيحة مني لو مش فارقة معاك نوع السيارة ومعظم سواقتك داخل المدن وليس السفر هات تويوتا ياريس

[aminibrahim]

gn2مع العلم انا من ملاك السيراطو والشكل الجديد---ى كفاية الفولاز ال فيها

[ahmad--ezzat]

في النهاية هل حضرتك جربت أي عربية من عربيات بروتون و على هذا الأساس بتحكم عليها بكدا ولا الحكم دا على أي أساس؟؟

ابو مريم ازى حضرتك....الاقارب والاصحاب والاصدقاء والزمايل وكله معاه السياره دى....هو انا لما اقول سعر اعاده بيع الجين مش قد كده يبقى لازم اكون مجرب....خش شوف الاسعار بتاعته هيا والواجا فعلا مش كويسه بالنسبه للكورى دى حاجه

-نقطه الفخامه ملهاش دعوه بالاذواق خالص...الكيا افخم فى الشكل والصالون بكتير من البروتون واعتقد دى حاجه واضحه
-عز العرب مش وحش بس كيا افضل بكتير منه ودة هيريحنى فى خدمه ما بعد البيع
-كيا مش مرسيدس ولا حاجه...انت عندك الكروز شكلها عربيه لا تقل عن 170 اللف جنيه....والسيراتو نفس الكلام...ماشاء الله..
-التقفيل مقدرش افتى فيه لانى معرفش البروتون 2010 عامله ايه
-موديلات 2007 فى ال الستينات ياباشا...

على فكره مش بقلل من البروتون...انا بحب العربيه دى وعربيه زى الرزيه على الارض بالاضافه للسحب والجرى والاستحمال ولكن الكيا اعلى منها

طبيعى طبعا الوحد يكون متحيز لعربيته حتى لو خارج ارادته بس نقاط
التوكيل....الفخامه....الوسع....اعاده البيع...لصالح الكيا...والله اعلم

[emadhamdy]

ابو مريم ازى حضرتك....الاقارب والاصحاب والاصدقاء والزمايل وكله معاه السياره دى....هو انا لما اقول سعر اعاده بيع الجين مش قد كده يبقى لازم اكون مجرب....خش شوف الاسعار بتاعته هيا والواجا فعلا مش كويسه بالنسبه للكورى دى حاجه

-نقطه الفخامه ملهاش دعوه بالاذواق خالص...الكيا افخم فى الشكل والصالون بكتير من البروتون واعتقد دى حاجه واضحه
-عز العرب مش وحش بس كيا افضل بكتير منه ودة هيريحنى فى خدمه ما بعد البيع
-كيا مش مرسيدس ولا حاجه...انت عندك الكروز شكلها عربيه لا تقل عن 170 اللف جنيه....والسيراتو نفس الكلام...ماشاء الله..
-التقفيل مقدرش افتى فيه لانى معرفش البروتون 2010 عامله ايه
-موديلات 2007 فى ال الستينات ياباشا...

على فكره مش بقلل من البروتون...انا بحب العربيه دى وعربيه زى الرزيه على الارض بالاضافه للسحب والجرى والاستحمال ولكن الكيا اعلى منها

طبيعى طبعا الوحد يكون متحيز لعربيته حتى لو خارج ارادته بس نقاط
التوكيل....الفخامه....الوسع....اعاده البيع...لصالح الكيا...والله اعلم

كلامك مش مقنع بالمره ياريت تراجعه تاني
وياريت تقول رائيك في حدود المشاهده من بعيد لانك مش من ملاك الجين.2

[ahmad--ezzat]

لو المقارنة بين الجين 2 .................... و النيو سيراتو
هانقول مبدئيا :
الشكل ............... الأثنين شكل جميل و تحفة ............. مع حداثة شكل النيو سيراتو الجميل .
المتانة ......... أنا شايف الأثنين صاجهم حلو و محمل .......
قوة المحرك لصالح النيو سيراتو مش عايزة كلام ...........

التقفيل لصالح النيو سيراتو ......
الخامات الداخلية مش فارقة كتير .........

التوكيل ......... الكل بيشكر في توكيل كيا .....
توكيل عز العرب متوسط و هاتكون مبسوط لو معندكش مشاكل .......... لو عندك مشاكل و فيه زحام في التوكيل ..... طبيعي مش هاتنبسط خصوصا لو المشكلة ما أتحلتش .

الوسع لصالح النيو سيراتو ........

في النهاية ..................... اللي هايحدد المقارنة دي
الميزانية الموضوعة ........... و مقارنتها مع المميزات و العيوب لكل عربية منهم ........
يعني لو عايز توفر و تأخد تقريبا عربية كويس و شبابية شكلا ...... و لكنها تسع لعائلة بالتأكيد ....يبقى الجين 2
مش فارق معاك الفلوس ..... و تشتري عربية مميزة ...... و جميلة و قوية و جودتها حلوة .......... معاك النيو سيراتو .


-----------------
-----------------

أعتقد يا جماعة ( أخي أبو مريم و الدكتور أحمد سامي )
موضوع مين أقوى ........ محسوم لصالح النيو سيراتو ................ و الله أعلم .
أنا جربت الإلنترا ...... نفس موتور السيراتو
موتورها أقوى من موتور الجين 2 ........

كلامك مش مقنع بالمره ياريت تراجعه تاني
وياريت تقول رائيك في حدود المشاهده من بعيد لانك مش من ملاك الجين.2

هو الحجه دلوقتى (انت مش من ملاك الجين 2) على العموم انا قلت راى والاستاذ توت عنده بوتون من 2007 وربنا يحفظهاله ويكفيه شرها واعتقد انه اقدم مالك ليها هنا....وتم الرد من خلاله

[abo samra]

هو غالبا ده شوية تحيز من الاعضاء ملاك السياره وانا مع كلام احمد نوبيرا لان من المعروف ان بروتون سعر اعادة بيعها مش جيد مقارنه بباقى السيارات فى الرينج السعرى او مقارنه بالسيراتو وده مش عيب قوى لان فيه عربيات كتير غاليه وفخمه واعادة البيع مش قوى زى الستروين والماذدا والبى ام دبليو والاودى والسيات والرينو
تحياتى

[khpopo]

بصراحة انا ضد رأيك تماما انا شايف ان gen 2
الـ 2009 الكومبرو
موتورها قوي جدا وانا شايفها علي الطريق بتشد مع النترا وبصراحة كانت متفوقة بكتير جدا

+111111111111111111111111111
كتير وحياتك سعادتك اخر مره على المحور كنت اطلعه واجيبه كان بيبص لى بزعل جدااا جين2 الجميله لما بتجرى محدش بيعرف يعمل معاها حاجه وخصوصا فى الملفات والغرز
ربنا يوفق

[khpopo]

ابو مريم ازى حضرتك....الاقارب والاصحاب والاصدقاء والزمايل وكله معاه السياره دى....هو انا لما اقول سعر اعاده بيع الجين مش قد كده يبقى لازم اكون مجرب....خش شوف الاسعار بتاعته هيا والواجا فعلا مش كويسه بالنسبه للكورى دى حاجه

[gdwl]كيا سيراتو موديل 2005 اتوماتيك
وصف الاعلان
سيارة كيا سيراتو 2005 اتوماتيك لون ابيض فابريقة بالكامل عدا الاكصدامين نظافة كاملة اتوماتيك باور وسنتر وكاسيت اصلى وتكييف ثلاجة وفرامل اى بى اس وفوانيس زينون السيارة بحالة فوق الممتازة اساسيات 100% فتيس 100% صيانة دورية استعمال اسرة من المالك مباشرة لا يوجد توكيلات رخصة سنة قطع غيار متوفرة ورخيصة عداد 78500كم للاستعلام 0123953472 [/gdwl][gdwl]تفاصيل الاعلان
السعر69000[/gdwl]

يعنى انا لوحبيت ابيع وانا زيه نفس الموديل هابقى ارخص 10000 جنيه ولو ان ده سعر نت ممكن يتحرك والاعلان من مصراوى ... وده طبيعى لفرق السعر بينهم على الزيرو والتوكيل وسمعة العربيه الى اقدم من بروتون يعنى مش بس بروتون فى الستينات مش كده :

[أبومعاذ]

طبيعى طبعا الوحد يكون متحيز لعربيته حتى لو خارج ارادته بس نقاط

قول كدا بقى

[ahmad--ezzat]

وده طبيعى لفرق السعر بينهم على الزيرو والتوكيل وسمعة العربيه الى اقدم من بروتون يعنى مش بس بروتون فى الستينات مش كده :

هو مش الكلام على النيو سيراتو ولا ايه

قول كدا بقى

هههههههههه انا معيش سيراتو والله

[mohd_rafat]

بصراحه أنا أرشحلك الجين 2 مع كامل إحترامي للسيراتو وكنت من أشد معجبينها لكن من بعد دراسه لكلا السيارتين وقراءة الآراء أفضلك الجين 2 .

[khpopo]

[QUOTE=Ahmed20_08nubira;3872128510]هو مش الكلام على النيو سيراتو ولا ايه



هو انا يعنى الى معايا نيو جين2 يأحمد بك
ربنا يوفق