اوبترا ولا ماتريكس؟

[الريس]

لكل الاخوة اللي بيسألو
العربية الماتريكس مش عرية صالون (سيدان) زي الاوبترا
دي اسمها mpv
multi purpose vehicle
لذا لزم التنويه

موضوع الثبات
انا جبت بيها 175 كم|س و خفت اكمل بس والله كانت جايبة و كنت في طريق سفر
كتير بلاقي نفسي ماشي 120 وانا مش واخد بالي و بس الصفارة هي اللي بتنبهني
وسائل الامان في الماتريكس: هو الحزام صح بس في ايرباج في الاوبترا؟ انا معرفش و الله

انا عندي صاني 2007 غير الماتريكس
احب اقول دي ركوبة و دي ركوبة
بس كتير بستمتع بالماتريكس اكتر
ابن عمتي عنده اوكتافيا جابها بعد ماتريكس و ما رضاش يبيع الماتريكس
و غالبا بيخلص بيها معظم المشاوير

انا بحس انها سيارة المدينة
اللي عاوز برستيج و حركات
يدور على عربية الماني او اوروبي عموما
انما الاوبترا عربية دايو (دايو لاسيتتي) و اللي مش مصدق يروح بورسعيد ماهي مالية البلد هناك بنفس تصميمها ده و شعار الدايو منور عليها
و اللي مش مصدق برضو يخش على موقع الراجل اللي مصممها
هيلاقيها هناك باسم دااااااااايو
و العربية حلوة .. الاوبترا حلوة في حدود سعرها ... و متنافسش مع الالانترا مثلا


و بعدين انا مش شايف فايدة كبيرة من الدفاع عن الماتريكس
بس اوعدكم لما الاوبترا تعمل كدا ربع مبيعات الماتركيس هابقى اجي و ادافع عنها تاني
يدينا و يديكم طولة العمر

خلص الكلام و اسف للاطالة

[Ahmed Anwer]

يا جماعة الموضوع مش مستاهل خالص
دي حاجة و دي حاجة تانية خالص
مش عارف اللي بيدافع عن الماتريكس بينتقد الأوبترا ليه
و اللي بيدافع عن الأوبترا بينتقد الماتريكس ليه
و انتشار الماتريكس إن دل علي شئ يدل علي أن السوق المصري عنده رغبة في التغيير و أنه يجرب أشكال جديدة للعربيات غير السيدان
بعدين حكاية الستات دي مالهاش معني عشان لو تلاحظوا الستات دلوقتي ماسبوش موديل مابيركبهوش و اللي ينقط إن العربيات الحديثة و الغالية اللي بيركبها الستات
يا ريت يعملوا عربية رجالي أدام الموضوع ده فارق معاكو أوي

[mina_ramsis]

انما الاوبترا عربية دايو (دايو لاسيتتي) و اللي مش مصدق يروح بورسعيد ماهي مالية البلد هناك بنفس تصميمها ده و شعار الدايو منور عليها

يا ريس انا مش عارف حضرتك زعلان ليه مفيش حد قال ان الماتريكس وحشة بعديين ما كل الناس عارفة ان الاوبترا اسمها بره دايو لاسيتى و ليها اسم كمان سوزوكى فرونزا و دايو نوبيرا مش فاهم ايه العيب او الغلط اللى هنا بعديين هيا دايو وحشة ؟؟؟؟؟؟؟؟؟؟؟؟؟؟؟؟؟؟؟؟ اشك طبعا

العربية حلوة .. الاوبترا حلوة في حدود سعرها ... و متنافسش مع الالانترا مثلا

هى اساسا بتنافس الانترا بعديين ايه اللى خلاها ماتنفسهاش يارييت حضرتك تقولى ايه اللى فى الانترا اكتر من الاوبترا بس بالارقام يعنى ماتقوليش شكلها حلو و لا موتورها احدث و لا الكلام ده قولى ارقام لو سمحت

بس اوعدكم لما الاوبترا تعمل كدا ربع مبيعات الماتركيس هابقى اجي و ادافع عنها تاني

عمر ما كانت المبيعات بتعبر عن جوده المنتج يعنى السوبارو مش منتشرة ليه و الهوندا و المازدا و الفولفو و ولاولا ولا حضرتك عاوز تقولى ان الماتريك ولا حتى الانترا احسن منهم
بعديين مش عيب ان العربية اللى عجباك و اللى اشترتها مش عاجبه واحد تانى و الا كانت كل المركات اختفت و مبقاش غير الماتركيس
بغديين كل ده صفيح على بلاستيك و مسيره يترمى مش عارف انت زعلان ليه على فكرة انا كنت ممتنع عن انى اقول رأيي فى العربية لما تتقارن مع حاجة تانية علشان محدش يقول انى بدافع عن عربيتى بس لما لقيت انها طالع عليها اشاعات و ناس بتقول انى سمعت ان العربية وحشة لا لازم ارد علشان الساكت عن الحق شيطان اخرس بس ده الموضوع كله

[dreslam]

بالنسبه للشيفروليه اوبترا
ايوا هي الدايوو لاسيتتي
ايوه هي شيفروليه "نوبيرا" تصوروا في بعض الاسواق
ايوه اسمها "بويك اكسيل " في الصين
ايوه عربيه سمعتها حلوه جدا على اختلاف اسماءها في مختلف دول العالم
ايوه عربيه رياضيه وبتخش راليات وبينزل منها لحد 2000 سي سي
لا خلاف على كل ذلك وتعتبر عربيه جميله جدا على قدر فلوسها ومن اجمل العربيات اللي في فئتها في مصر وده رأيي انا الشخصي وشكرا

http://en.wikipedia.org/wiki/Chevrolet_Lacetti

[المتميز]

لا عزاء لمالكي الماتريكس
معلش ... الدنيا كده
بس هي يعني ممكن تنفع بعد كده كهدية ... كادو ... ببلاش يعني ...!!!!!!!!

[الريس]

لا عزاء لمالكي الماتريكس
معلش ... الدنيا كده
بس هي يعني ممكن تنفع بعد كده كهدية ... كادو ... ببلاش يعني ...!!!!!!!!

طيب ممكن واحدة هدية ... يا راجل يا طيب يا متميز :mrgreen: دي من اثبت العربيات في سعرها و اعادة البيع بتاعتها متميزة زيك بالظبط
و فعلا الدنيا كده
تعيش ياما تشوف :mrgreen:

بس انا اوافقك على علامات التعجب الكتير

اما

يا ريس انا مش عارف حضرتك زعلان ليه مفيش حد قال ان الماتريكس وحشة

فبالعكس يا باشا ... معنديش مانع حد يقول وحشة ... سيئة فيها و فيها انما اللي يزعل ... شوية

الماتركس دي مكروباص نص عمر

او اللي بيقول كده من غير تجربة دي عربية زبالة

صعب اسكت مش دفاعا عن عربية راكبها بس علشان ده كلام يؤثر في الناس اللي بتفكر تشتري

و الساكت عن الحق

[Powert]

كفاية إن الماتريكس تصميم Pininfarina مصمم فيراري و معظم الماركات الشهيرة

معلش العربية دي طلعت أوت منه :D

[MMamdouh]

فعلا الاوبترا نزلت دايو و شفروليه و سوزوكى... تعددت الاسماء و السيارة واحدة و بتنزل بمواتير 1600 و 1800 و 2000

ليا تعليق على موضوع الثبات... مش مقياس ابدا انك تمشى 170 او حتى 250 على طريق طوالى... الثبات بيتقاس فى الملفاااااااات... حد عندة شك ان المرسيدس ال A كلاس بتجرى؟ و على خط مستقيم حتبقى ثابتة؟؟ طيب العربية دى عملت ايه فى اختبار الملفات؟؟؟... العربية اتقلبت... لاحظوا انها شبة الماتركس... قصيرة و عالية

MMamdouh

[mina_ramsis]

على فكرة الاوبترا نازله بره برده بموتور 1400 و 1600 و 1800 سى سى :shock: :shock: و مش مكتوب فى كتالوجها ان في منها 2000 سى سى خالص

[Ahmed Anwer]

يا حماعة للأخوة ال Anti Matrix
شوفا اللينك ده من واحد من أشهر مواقع تقييم السيارات في العالم Top Gear

http://www.topgear.com/drives/B6/B5/

طبعا قريتوا كاتبين ايه
Cheaper five-seat alternative to a Renault Scenic/Citroen Picasso. Not as good to drive, or to sit in, or even to look at. Or anything, in fact. And it's not in the film
:D :D :D :D :D :D :D :D
و الله يا جماعة تنفعوا نقاد سيارات ده زي مايكونوا خدوا الكلام من علي لسانكم ،
بس هما ما قالوش إنها كشك و كنكة و ميكروباص السيدة
:D :D :D :D :D :D

[Powert]

ياعني محدش فيينا غلط :mrgreen:

العربية كانت غلطة مصنعية :D

[الريس]

ده تقييم الماتريكس على ال what car

http://www.whatcar.com/car-review-summary.aspx?NEW_USED=1&MA_TYPE=1&MA=13&RT=357&Submit1=GO

و ده تقييم القراء لنفس الموقع

http://www.whatcar.com/car-review-readers.aspx?RT=357

و ده تقييم الاوبنرا

http://www.whatcar.com/car-review-summary.aspx?NEW_USED=1&MA_TYPE=1&MA=50&RT=713

مش شايفهم هنا مطلعين الاوبترا السما و لا منزلين الماتريكس الارض
و لا ايه

[Powert]

الله وأكبر ظهر الحق :D

الموقع بيقول إن هونداي واخده "2 نجمة"

اما الاوبترا فاهي واخده " 3 نجوم"

يعني لما نقول الاوبترا أحسن محدش غلط :D

وكمان بيقول الاوبترا تمنها أغلى :)

وبيقول الماتركس من نوع MPV يعني اية مش عارف :?:

[الريس]

و ده (للاسف) تقييم الاوبترا على top gear
الظاهر الموقع ده عنيف حبتين

The Lacetti continues General Motor's product offensive in the UK, but at least it's no longer an offensive product, just duller than the Corrie Omnibus

http://www.topgear.com/drives/CB/A5/

[الريس]

يا صديقي
الماتريكس بتتقارن بفئتها mpv
و انا شرحت معناها فوق ممكن تقرأه

اما الاوبترا فهي سيدان متوسط و تتقارن بفئتها

كما انك ممكن تتعب نفسك شوية و تقرا تقييم المستخدمين اللي مسجلين رأيهم في الموقع