سيريون وان2009 ولا جيتز 2009

[MEMES]

للاسف معظم الناس اللى بتعيب فى الجيتز(ودى أرائهم الشخصيه وبحترمها طبعا) بتحكم عليها بدون تجربه فعليه
العربيه انتشرت عن كل منافسيها و مفيش واحد اشتراها وعاب فيها
وكلامكم كله اجتهادات
العربيه ممتازه ولو تتقارن تتقارن بسيريون 1500 وهى تعتبر اوفر سعر وقطع غيار وافضل اداء
بس للأسفالتعصب عند ملاك السيريون عالى جدا لانهم موجوعين من سعرها وسعر صيانتها وعيوب الدركسيون اللى طلعت فيها (عربيه يابانى يا عم)
الجيتز خاليه من عيوب الصناعه والتقفيل
الجيتز رغم ان التوكيل زحمه لكنه الاكتر انتشارا دون جدال
الارخص قطع غيار
عيبها ان التوكيل شال منها وسائل الامان بس

يا أخي الكريم من حق كل واحد يقول رأيه بحريه ولا يوجد شئ في ذلك
ولكن ليس من حق احد انه يعيب في من يخالفه الرأي وهذا اعتبره من قلة الحجه ان اللي لا يستطيع الرد او يشعر بقلة الحجه يتحول كلامه الى الأشخاص لكي يشبع شئ من احساسه بقلة الحجه
طيب ما ممكن ملاك السيريون يقول زي ما انت قولت ان الجيتر عربيه رخيصه وامكانياته محدودة وعلشان كده ملاكها متعصبين لها علشان خاماتها وامكانيتها المحدودة وبعدين متقوليش اسعرا قطع الغيار ارخص
اعطيني امثلة من عندك وانا اعطيك امثلو ولكن كلام كده وخلاص مينفعشي

اصل من السهل على اي احد انه يتكلم وخلاص
ثم لن ادخل في تفاصيل سعر العربيه علشان ده انا بعتبره نوع من انواع الجهل بالشئ فقط

انا عايز اعرف انا ايه استاهل عليه الرد ده
اولا قارن كده كلامى(ودى أرائهم الشخصيه وبحترمها طبعا)
وردك

من حق كل واحد يقول رأيه بحريه ولا يوجد شئ في ذلك
ولكن ليس من حق احد انه يعيب في من يخالفه الرأي وهذا اعتبره من قلة الحجه ان اللي لا يستطيع الرد او يشعر بقلة الحجه يتحول كلامه الى الأشخاص لكي يشبع شئ من احساسه بقلة الحجه

حجه ايه انا بقول ان الواحد مايحكمش على عربيه ماجربهاش

اصل من السهل على اي احد انه يتكلم وخلاص
ثم لن ادخل في تفاصيل سعر العربيه علشان ده انا بعتبره نوع من انواع الجهل بالشئ فقط[/quote]

لا يا استاذ ابو عبد الله سيبنا الكلام والردود والاراء والمنتدى بالكامل لحضرتك

بجد متشكر جدا جدا

[MEMES]

الجيتز
1.6 DOHC
105 حصان
عزم 145نيوتن عند 3500 لفه
سعر الساره حاليا 72500 كامل الكماليات(وفأماكن زى اوتو سمير ريان 70000)
الموديل اللى معاى 74500 كل الكماليات مانوال + فتحه سقف ومرايات كهرباء ونواكل داخليه.
ممكن تتفضل تزور الرابط تقييمى الشامل عن الجيتز AS GOOD AS IT GETS= HYUNDAI GETZ
اسعار الصيانه الدوريه
صيانه 1000=130 جنيه شامل زيت وفلتر
صيانه 5000=حدود260 شامل زيت وفلتر
صيانه10000حدود290 شامل زيت وفلتر
اسعار بعض قطع الغيار
فلتر زيت 30 جنيه
فانوس امامى 750من التوكيل
سربنتينة تكييف 1880 جنيه
165 شبكه فبر اماميه بدون رش
1400 الريداتير شامل الضريبه
الفبر الاسود اللى فوق الاكصدام الخلفى افتكر كان ب 300 جنيه
ثبات العربيه ممتاز ممتاز
وأسال اللى معاهم جيتز غيرى

---

#0088ff
السيريون اللى أعرفه عنها(وده مش حكم لأنى مجربتهاش) انها واسعه من جوه وسعر الموديل1500 فى التسعين الف تقريبا و كان فيها مشكله فى الدركسيون اتكلموا عليها ملاكه كتير فى المنتدى

[MEMES]

على فكره انا جربت التريوس لمده سنتين موديل2007 وبصراحه حسيت من خلالها ان الدايهاتسو ملوش علاقه باليابانى نهائى
يمكن قريب للصينى

[aliabutaleb]

انا شخصياً لما جيت أشتري كنت مهتم أشتري عربية اوتوماتيك فمحترتش الحيرة دي
إنما لو زي ما حضرتك بتقول المقارنة محصورة بين السيريون وان والجيتز فقط والاتنين طبعاً مانيوال يبقى هاختار الجيتز
إنما لو داخل في المقارنة الأوتوماتيك فانا أرشح السيريون طبعاً وبقوة لحسن سمعة الأوتوماتيك الياباني

[MEMES]

السلام عليكم اخواني

انا مش عارف الصراحة اعمل ايه مع التوكيل واللي فعلا كان من اول مقابلة حسيت انهم مستغلين بكل النواحي واللي كنت خايف منه حصل.

الموضوع من اوله انا اختي معاها سيريون 2009 شارينها في شهر 2 اللي فات، العربية لما استلمتها بعد فترة لقيت الفرامل ضعيفة جدا جدا وبتحك في الطنابير وكان ربنا قدر ان اختي خبطها سواق نص نقل فوديت العربية التوكيل عشان تتصلح وقولتله على مشكلة الفرامل وعلى ان الدركسيون مايل للجنب.

اخويا راح يستلم العربية قالوله الفرامل مفهاش حاجة وانهم نسيو يعدلو الدركسيون وهيعملوه على صيانة 5000 كم، اخدنا العربية والفرامل اللي قالو مفهاش حاجة ربنا ستر مع اختي مرة ومع اخويا مرة وهما سايقنها لان الفرامل ما مسكتش.

المهم اختي راحت بالعربية من اسبوع للتوكيل عشان تعمل صيانة 5000 وقولنا تاني على مشكلة الدركسيون والفرامل وكان الرد حاضر هنشوفها

بعد ما اختي جت تستلم العربية قالها عندي ليكي خبر مش كويس خير

المساعد اليمين قدام ضارب من مطب جامد.

طبعا انا مش عايز اقولكم انا لو كنت واقف قدامه كان ممكن اعمل ايه كلمته في التليفون قالي حضرتك العربية واخده مطب جامد وده خلى المساعد يضرب وده باين في الجنوط الحديد، حضراتكم انا مفيش مطب ولا حفرة في مصر ما خبطش فيهم ده بعربيتي الميجان والجنوط عندي استعدلتها مرتين من قوة الخبطات والعربية ماشية 100 الف ويا دوب هفكر دلوقتي اغير المساعدين ده اولا، ثانيا انا لما شوفت العربية افتكرت انه من وصفه هشوف الجنوط دي مخلعه من مكانها فعلا الجنوط مفهاش غير تنة بسيطة لا تذكر ده غير ان لو الجنط متني بالبشاعة اللي بيتكلم عليها دي على الاقل خالص هحس برجة في الدركسيون او ضغط الهوا بتاع الكاوتش هيقل او هيكون في بلونه هوا في الكاوتش وده كله مكنش حاصل، ثالثا انا اختي طريقها يوميا من مكرم عبيد لحد الشروق وبعدين العاشر من رمضان بالله عليكم لو حد فيكم مشي الطريق ده يقولي فين الحفرة الجامدة او المطب الجامد اللي ممكن العربية تعمل فيه كده ده غير ان اختي اكدتلي انها ما اخدتش اي مطب جامد وانا مصدقها لان اختي اساسا بتشلني وهيا سايقه لان حتى عيون القط بتفرمل عندها عشان تعديها بالراحة اللي انا اساسا وانا سايق بنط عليها فده اول كارثه.

تاني كارثه قالولها الفرامل بقت فل خلاص ولما سالت عملتو ايه قالولها ظبطناها، واول امبارح وانا سايق عربيتها لقيت برضه الفرامل بتحك في الطنابير واللي طبعا انا متخيله انه يا دوب فك الفرامل نضفها وركبها تاني.

انا فعلا مش عارف اعمل معاهم ايه بس اللي انا متاكد منه اني يوم ما هروح مش هيبقى يوم ظريف ابدا ليهم واللي انا بقيت حسه انه يوم ما العربية دي هتوصل ل 20 الف كيلو هبوس ايدي وش وضهر

واضح انه قرار كان خاطىء من الاول واسف على الاطالة
سلملى يا ابو عبدالله على توكيل دايهاتسو بتاعكم

[MEMES]

ده كان رأى واحد مشترى دايهاتسو وبيشتكى فى المنتدى واخر جمه انا اللى ضفتها
الجيتز عربيه مش محتاجه رأيكم فيها
ولسه ان شاء الله لما i20 تنزل مصر

[tutankhamoun]

للاسف معظم الناس اللى بتعيب فى الجيتز(ودى أرائهم الشخصيه وبحترمها طبعا) بتحكم عليها بدون تجربه فعليه


فين الناس اللي عابت على الجيتز ؟؟؟؟

العربيه انتشرت عن كل منافسيها و مفيش واحد اشتراها وعاب فيها
وكلامكم كله اجتهادات


أنا واحد من الناس اللي قالوه رأيهم عن الجيتز ... و قلته عن تجربة مش اجتهادات ....... و فيه ناس أعرفها بتعيب فيها زي اي حد بيشتري حاجة و مش بتعجبه و بيعيب فيها .
مش لازم السلعة تعجب البشر كلهم .

بس هي مين منافسيها اللي اتفوقت عليهم في المبيعات ؟؟
ده نادرا لما بشوفها !!! موجودة آه ........ إنما مش منتشرة .
و أعتقد أن القاهرة هي أكبر مدينة في مصر ...... و لما تكون مش منتشرة أوي كدا في القاهرة ..... يبقى ده معيار على عدم إنتشارها الملاحظ ....... يعني موجودة ....... إنما مش منتشرة زي الفيرنا أختها الكبيرة مثلا ...

العربيه ممتازه ولو تتقارن تتقارن بسيريون 1500 وهى تعتبر اوفر سعر وقطع غيار وافضل اداء
بس للأسفالتعصب عند ملاك السيريون عالى جدا لانهم موجوعين من سعرها وسعر صيانتها وعيوب الدركسيون اللى طلعت فيها (عربيه يابانى يا عم)
الجيتز خاليه من عيوب الصناعه والتقفيل
الجيتز رغم ان التوكيل زحمه لكنه الاكتر انتشارا دون جدال
الارخص قطع غيار
عيبها ان التوكيل شال منها وسائل الامان بس

و هي وسائل الأمان شوية لما نقارنها بعربية تانية ؟؟؟؟؟؟؟؟

يا أخي الكريم من حق كل واحد يقول رأيه بحريه ولا يوجد شئ في ذلك
ولكن ليس من حق احد انه يعيب في من يخالفه الرأي وهذا اعتبره من قلة الحجه ان اللي لا يستطيع الرد او يشعر بقلة الحجه يتحول كلامه الى الأشخاص لكي يشبع شئ من احساسه بقلة الحجه
طيب ما ممكن ملاك السيريون يقول زي ما انت قولت ان الجيتر عربيه رخيصه وامكانياته محدودة وعلشان كده ملاكها متعصبين لها علشان خاماتها وامكانيتها المحدودة وبعدين متقوليش اسعرا قطع الغيار ارخص
اعطيني امثلة من عندك وانا اعطيك امثلو ولكن كلام كده وخلاص مينفعشي

اصل من السهل على اي احد انه يتكلم وخلاص
ثم لن ادخل في تفاصيل سعر العربيه علشان ده انا بعتبره نوع من انواع الجهل بالشئ فقط

أنا عارف ان ده تدخل فيما لا يعنيني .
و لكن كأخ لأخي أبو عبد الله و أخي MEMES
أحب اقول أن رد أبو عبد الله ...... كان حاد شوية .
و لو أبو عبد الله زعلان مني علشان أبديت رأيي .
أرجوه أن يعتبرني لم أرد أساسا .

على فكره انا جربت التريوس لمده سنتين موديل2007 وبصراحه حسيت من خلالها ان الدايهاتسو ملوش علاقه باليابانى نهائى
يمكن قريب للصينى

يا راجل التيريوس ...... قريبة للصيني ؟؟؟؟؟؟؟
لا تعليق بصراحة .
مش لاقي كلام أقوله !!!!!!!!

ده كان رأى واحد مشترى دايهاتسو وبيشتكى فى المنتدى واخر جمه انا اللى ضفتها
الجيتز عربيه مش محتاجه رأيكم فيها
ولسه ان شاء الله لما i20 تنزل مصر

بُص يا أخي الكريم .
أنا مقدر حُبك للعربية الجيتز .
بس مش معنى كدا أن هي عربية مفيهاش عيوب و توكيلها هو الأحسن .
حضرتك مش من القاهرة ....... و تقريبا بتعمل صياناتك مع مراكز خدمة مش زحمة
علشان كدا ........ أنت مبسوط ....... و ربنا يديم عليك الأنبساط و النعمة و يزيدك كمان و كمان .
إنما توكيل غبور زحمة جدا ....... و ناس هناك بتشتكي من كل أنواع الهيونداي بسبب الصيانة أو عيوب تقفيل و صناعة و موجودة في أي ماركة في الدنيا حتى المرسيدس .
و عادي لما يطلع واحد أو أثنين أو حتى عشرة أشتروا ماركة معينة و مش معجبين بيها ... أيه المشكلة ؟؟؟؟؟؟؟
لا الجيتز أحسن عربية في الدنيا ....... و لا السيريون أحسن عربية في الدنيا .
و لا أي عربية أحسن عربية في الدنيا .
كل عربية لها مميزات ....... و لها عيوب .

و أنا متفق معاك في كل مميزات الجيتز ...... ما عدا االثبات
حضرتك بتقول الثبات ....... ممتاز .
طيب لما ثبات الجيتز يبقى ممتاز
نقول أيه على ثبات السوناتا ......... خارق !!!!!!!!!

الجيتز عربية صغيرة و قاعدة عجلاتها صغيرة و دي بديهيات مش محتاجة عبقري عربيات علشان يعرف ثبات العربية .
عربية فئة العربيات الصغيرة المتوسطة ...... و ثباتها متوسط .

و طبعا ثبات أخواتها الكبار أحسن منها بدرجة ملحوظة زي النيو أكسنت مثلا و ده طبيعي علشان قاعدة عجلات أكبر .
و لو أن أخر ميزة في هيونداي هي الثبات
تتميز هيونداي بمميزات عديدة
منها توافر قطع الغيار ...... و نعومة المواتير و نعومة العربية و العفشة .............. و الثبات من ضعيف لعادي لمتوسط .... لجيد .
أنا مجربتش و لا عربية هيونداي و طلعت ثابتة قوي .
يعني أخر تجربة للإلنترا الجديدة ........ العربية ناعمة جدا و تسارعها رهيب ....... بس ثباتها جيد أو جيد جدا فقط .

و الجيتز ....... علشان تعرف ثباتها .
أولا تأخد بيها ملف على سرعة 120 مثلا ........... و شوف ايه اللي هايحصل
و تنزل من الجيتز و تركب نوبيرا مثلا ........ و شوف بقى الفرق و شوف هاتقول ممتاز و لا لاءة .

بالنسبة لإستهلاك البنزين و مقارنته بالسيريون 1

لا يوجد وجه للمقارنة أساسا
عربية 3 سلندر ...... و 1000 سي سي
دي بتشم بنزين .
يبقى زي ما قلنا في الأول ......
اللي ناوي يشتري العربية و يستعملها في وسط البلد على طول خصوصا لو من القاهرة و عايز يوفر البنزين
يبقى لازم ننصحه بحاجة صغيرة تقضي الغرض .مش لازم يجيب جيتز علشان خاطر موتورها القوي .

ما هو في وسط اشارة في وسط البلد .
الجيتز زيها زي الموتوسيكل ........... كله واقف محدش بيتحرك
يبقى في موقف زي ده الأحسن ....... العربية االلي هاتوفر في البنزين .
أنا مثلا معايا عربية 1600 ....... و شاريها كدا علشان بحتاجها في السفر و التنقل على الطرق السريعة و لو كل طرقي زحمة مكنتش أشتريت 1600 و كنت هاشتري من 1000 إلى 1300

أيهي فايدة موتور الجيتز الجبار ..... لو واقف على طول في اشارات في وسط البلد ؟؟؟

و ايه فايدة الموتور الجبار ...... لما يطير بالعربية و أجي أوقفها يبقى الموضوع صعب عليا ؟؟؟؟؟؟؟؟

العربية مش موتور بس ....... و لا شكل بس .......

كل واحد له أحتياجاات ........اللي بيسافر كتير غير اللي بيسوق في وسط البلد كتير غير اللي محتاج شنطة غير اللي عنده أسرة كبيرة .......... الخ .

أرجوا ان وجهة نظري في الموضوع تكون وصلت لحضرتك .
مع كل أمنياتي لك بالخير و السعادة و ربنا يحفظك من الطريق و يباركلك في الجميلة الجيتز

[معاذ الشرباصى]

سلملى يا ابو عبدالله على توكيل دايهاتسو بتاعكم

ده كان رأى واحد مشترى دايهاتسو وبيشتكى فى المنتدى واخر جمه انا اللى ضفتها
الجيتز عربيه مش محتاجه رأيكم فيها
ولسه ان شاء الله لما i20 تنزل مصر

استاذى الفاضل

دى مش طريقة للحوار ابدا

مش معنى ان حضرتك معاك الجيتز و مقتنع بيها (ربنا يبارك لك فيها) يبقى تهاجم اى حد ينتقدها او يقول رأيه الشخصى.

الجيتز او السريون عربيات فى فئة واحدة, و الفروقات مش كبيرة للدرجة, و اكتر حاجة بتحكم الشراء فى الفئة دى الراحة النفسية للعربية قبل اى حاجة تانية.

يعنى لو على كلامك, بخصوص موضوع علبة الدركسيون اللى فى السريون, ناس لحد النهارده بتجيبها, و هى عارفة الموضوع ده, لأنه مش حاجة مؤثرة فى اداء العربية اكتر منه صوت مزعج.

نيجى لنقطتين مهمين حضرتك اثرتهم بنفسك:

للاسف معظم الناس اللى بتعيب فى الجيتز(ودى أرائهم الشخصيه وبحترمها طبعا) بتحكم عليها بدون تجربه فعليه
العربيه انتشرت عن كل منافسيها و مفيش واحد اشتراها وعاب فيها
وكلامكم كله اجتهادات
العربيه ممتازه ولو تتقارن تتقارن بسيريون 1500 وهى تعتبر اوفر سعر وقطع غيار وافضل اداء
بس للأسفالتعصب عند ملاك السيريون عالى جدا لانهم موجوعين من سعرها وسعر صيانتها وعيوب الدركسيون اللى طلعت فيها (عربيه يابانى يا عم)
الجيتز خاليه من عيوب الصناعه والتقفيل
الجيتز رغم ان التوكيل زحمه لكنه الاكتر انتشارا دون جدال
الارخص قطع غيار
عيبها ان التوكيل شال منها وسائل الامان بس

حضرتك منين حكمت ان الجيتز افضل فى كل الحاجات اللى كتبتها دى, بالرغم من انك قلت انك لم تجرب السريون؟ّّ!!!!!

السيريون اللى أعرفه عنها(وده مش حكم لأنى مجربتهاش) انها واسعه من جوه وسعر الموديل1500 فى التسعين الف تقريبا و كان فيها مشكله فى الدركسيون اتكلموا عليها ملاكه كتير فى المنتدى

يعنى فوق كتبت انها احسن و افضل و اسرع و قطع غيار احسن و خالية من العيوب الخ.... و كل ده بالرغم من عدم تجربتك للسريون؟!!!!

ده غير انك قلت حاجة من اكبر العيوب فى الجيتز : "عيبها ان التوكيل شال منها وسائل الامان"

يا فرحتى بعربية بتجرى و بتعمل كل حاجة, و لما يحصل مالايحمد عقباه ملاقيش اى وسائل مساعدة خالص

يعنى انا عندى اجيب عربية 800 سىسى فيها ايرباج و ABS&EBD و لا انى اجيب عربية 1600 و مفهاش حاجة من الكلام ده, لأنى محدش ضامن الطريق, و خاصة فى مصر, و علشان كده ربنا قال نأخذ بالاسباب ... اكيد ستر ربنا من قبل و من بعد هو اللى بينقذ الواحد, لكن لن نغفل اهمية يبقى معايا ايرباج و ووسائل فرامل مساعدة.

اما تانى نقطة فهى خاصة بقطع الغيار

اسعار بعض قطع الغيار
فلتر زيت 30 جنيه
فانوس امامى 750من التوكيل
سربنتينة تكييف 1880 جنيه
165 شبكه فبر اماميه بدون رش
1400 الريداتير شامل الضريبه
الفبر الاسود اللى فوق الاكصدام الخلفى افتكر كان ب 300 جنيه

معظم قطع الغيار اللى انت حطيتها قريبة من اسعار قطع غيار السريون

بالرغم ان "العرف" بتاع السوق فى مصر ان اليابانى اغلى, سواء رضيت ام لم ترضى
و ساعة اعادة البيع اليابانى اسهل و اعادة بيعه اعلى
و ضيف بقى كل حاجة على كده, طبقا لقواعد السوق المصرى (انا عن نفسى مش مقتنع بيها) لكن ده هو العرف و ده الواقع ... لو قدرت تغيره يبقى كتر خيرك

يا ريت بس المقارنات تبقى واقعية, عن تجربة او مدعمة بمعلومات حديثة (up-to date) ميبقاش كلام مرسل و خلاص

ده غير حكاية وضع تجربة احد الاخوة فى الموضوع بخصوص سيارته السريون ... لو انت فتحت الموضوع للمهاترات دى, الموضوع هنا هيغرق 100 صفحة عن تجارب ملاك هيونداى مع توكيله

ده غير ان صاحب الموضوع هيهرب من الموقع قبل اما يشوف كل ده, لأن الموضوع تحول لحرب بسبب اراء شخصية.

[tutankhamoun]

الجيتز عربيه مش محتاجه رأيكم فيها

ياه ....... أنا مأخدتش بالي من الجملة دي !!!!!!!!!

للدرجة دي ......... يعني أحنا ملناش لزمة و رأينا مالوش أي اعتبار
و كل ده علشان حتة حديدة ......و ياريتك أنت مثلا اللي صانعها ؟؟؟ و لا حتى مصر اللي عاملها علشان كدا بتدافع بأستماتة ..!!!!!!!

على العموم أنا منسحب من الموضوع و من الرد على أي مشاركة فيه بعد ذلك .

و شكرا .

[MEMES]

اخى توت واخى معاذ
واخى ابو عبد الله

اولا اعتزر عن اى سؤ فهم او زعل(بجد انا اسف)
هو بس رد الاخ ابو عبد الله كان جامد حبتين وانا اتنرفزت

لكن بجد مش مهم انهى عربيه احسن
طوز فى العربيات

المهم صداقتكم والود يفضل موجود

أعتذر مره اخره لكل واحد زعل من كلامى

[أبو عبدالله]

أنا عارف ان ده تدخل فيما لا يعنيني .
و لكن كأخ لأخي أبو عبد الله و أخي memes
أحب اقول أن رد أبو عبد الله ...... كان حاد شوية .
و لو أبو عبد الله زعلان مني علشان أبديت رأيي .
أرجوه أن يعتبرني لم أرد أساسا .

اخى توت واخى معاذ
واخى ابو عبد الله

اولا اعتزر عن اى سؤ فهم او زعل(بجد انا اسف)
هو بس رد الاخ ابو عبد الله كان جامد حبتين وانا اتنرفزت

لكن بجد مش مهم انهى عربيه احسن
طوز فى العربيات

المهم صداقتكم والود يفضل موجود

أعتذر مره اخره لكل واحد زعل من كلامى

شكرا لك
أولا انا لم اشر اليك اخي توت نهائي وردي ليس على كلامك
ولكن ردي على تحويل الكلام من عربيات الى تشخيص بأشياء معينه على ملاك العربيه

فمن يريد ان يعيب
يعيب زي ما هو عاوز ولكن بالادلة
ولكن ان يتحول الى اتهام احد بالتعصب
فهذا لا اقبله
فمش معنى اني بقول رايي في عربية امتلكها وارى فيها ما اقوله
يبقى بكده بقيت متعصب ولماذا لا يكون غيري او من يتهمني هو اللي متعصب
كده هندخل في كلام فيه شخصنة على بعضنا

فالأولى اني قولت رايي في عربيه لو مش كلامي مش عاجب اي احد من حقه ان يرد ولكن ليس على شخصي ولكن على العربيه وبيفضل طبعا بأدلة

وشكرا

[معاذ الشرباصى]

اخى توت واخى معاذ
واخى ابو عبد الله

اولا اعتزر عن اى سؤ فهم او زعل(بجد انا اسف)
هو بس رد الاخ ابو عبد الله كان جامد حبتين وانا اتنرفزت

لكن بجد مش مهم انهى عربيه احسن
طوز فى العربيات

المهم صداقتكم والود يفضل موجود

أعتذر مره اخره لكل واحد زعل من كلامى

استاذى الفاضل

حصل خير ... إن شاء الله محدش هيزعل

اهم حاجة الواحد يراعى امانة المعلومة فى إلى بيقولة ... لأن فى ناس بتعتمد على الكلام ده

لأن الغرض هو الصالح العام, و لا أنا و لا أنت هنستفيد لو زادت مبيعات الجينز او السريون

لكن الاكيد مش هنكون مبسوطين لو حد اشترى عربية بناء على كلام من اى حد فينا و و جد خلاف ذلك فى سيارته, اكيد هناخد ذنبه.

[tutankhamoun]

اخى توت واخى معاذ
واخى ابو عبد الله

اولا اعتزر عن اى سؤ فهم او زعل(بجد انا اسف)
هو بس رد الاخ ابو عبد الله كان جامد حبتين وانا اتنرفزت

لكن بجد مش مهم انهى عربيه احسن
طوز فى العربيات

المهم صداقتكم والود يفضل موجود

أعتذر مره اخره لكل واحد زعل من كلامى

مفيش أي مشكلة يا أخي الكريم .
أهم حاجة أن أحنا يبقى بينا الود و الروح الجميلة .
و ربنا يباركلك و يقيك شر الطريق و يبارلك في الجيتز الجميلة .

شكرا لك
أولا انا لم اشر اليك اخي توت نهائي وردي ليس على كلامك
ولكن ردي على تحويل الكلام من عربيات الى تشخيص بأشياء معينه على ملاك العربيه

أنا عارف يا أبو عبد الله أن الكلام مكنش موجه لشخصي .
على العموم يارب تفضل المحبة بينا جميعا و الروح الحلوة
خصوصا أن أحنا مجرد مستخدمين للعربيات دي
و مش أحنا اللي صانعنها و الكلام ده لينا كلنا مش لشخص بعينه
و شكرا ليك يا أبو عبد الله و ربنا يديم المعروف .
و شكرا للأخ الكريم MEMES و شكرا للدكتور معاذ
الحمد لله أن الموضوع خلص و أنتهى بدون أي مشاكل .