مقارنة عنيفه بين ال frv والجين 2

[snowman]

بصراحه الإتنين من وجهة نظرى ميستاهلوش اللى بيندفع فيهم
و فى نفس رينج السعر ممكن تشترى حاجه افضل من الاتنين زى الفيرنا و الجيتز و الصنى و الماتريكس و اللوجان
و فيه انواع فى زكرتهم ارخص مكان من الاتنين
يعنى رئيي ان الفيرنا الاوتوماتيك برقبتهم هم الاتنين و هتوفرلك حوالى 15 الف كمان

[ahmedelkadi75]

السلام عليكم
snowman انا مختلف معاك علشان انت حاطط جيتز ودى مش من فئتهم (معايا جين2 2007)
تانى حاجة اللوجان تبقى فى اخر الموديلات اللى انت حاططها يبقى frv , جين احسن
ممكن ماتريكس وممكن صنى يبقوا فى المقارنة انا مش بقولك من فراغ انا ركبت كل الموديلات دى ما عدا جيتز
فيرنا تقع فى الثبات والأمان غير كده هى معقولة كقطع غيار واسعار قطع غيار ومشى داخل البلد
صنى مشكلتها فى العفشة وقطع الغيار غالية فى التوكيل ولما تقعد فيها تحس ان انت تحت قعدتها مش مريحة للدرجة
الماتريكس افضلهم من حيث قطع غيار + توكيل يا خد جيد جدا + عالية عن الأرض + واسعة + المناورة بصراحة مجربتهاش فى الماتريكس
بصراحة من غير زعل مقدرش ابقى جين2 عن frv الإثنين فيهم مشاكل وفيهم مزايا انما افضل جين2 علشان انها من بلد اسلامية ولازم نشجعها

[M.ABDEEN]

جين 2 طبعا

[scorpionking]

عربية مظلومة بسبب التفريق العنصرى(chinese car)

على فكرة المفروض لما نيجى نقارن ناخذ اطراف المقارنة كلها وعلى فكرة انا مش بنحازللfrv بس بحبها ولازم لما حد يتكلم عنها مايقولش انها صينى ويسكت يعنى لازم يقول فىكلامه ان الموتور بتاعها هو موتور الmitsobishi 1600cc وده طبعا محدش يقدر يتكلمفيه اى كلمه والعفشه عفشة ال golf وبرضة مفيش فيه كلام كما ان العربية شيك وشبابيةوناعمة ومحدش اشتكى منها بل بالعكس شكروا فيها جدا ومن حيث الامان فبلاش لو سمحتمنستخبى وراء وهم اختبار الامان لان عند سرعة 60/70 مع احترامى الشديد تقريبا معظمالعربيات اللى فى الحجم والstyle ده مش هتسد ولو حد مش مسدقنى يسال وعلى فكره احناماشيين بستر ربنا واخر حاجه عشان ماطولش عليكوا سعرها مناسب جدا ودهرااااااااااااااابط فيه كل حاجه عنها وارجوا الرد على الموضوع /http://brilliancefrv.com/وشكرا

[snowman]

السلام عليكم
snowman انا مختلف معاك علشان انت حاطط جيتز ودى مش من فئتهم (معايا جين2 2007)
تانى حاجة اللوجان تبقى فى اخر الموديلات اللى انت حاططها يبقى frv , جين احسن
ممكن ماتريكس وممكن صنى يبقوا فى المقارنة انا مش بقولك من فراغ انا ركبت كل الموديلات دى ما عدا جيتز
فيرنا تقع فى الثبات والأمان غير كده هى معقولة كقطع غيار واسعار قطع غيار ومشى داخل البلد
صنى مشكلتها فى العفشة وقطع الغيار غالية فى التوكيل ولما تقعد فيها تحس ان انت تحت قعدتها مش مريحة للدرجة
الماتريكس افضلهم من حيث قطع غيار + توكيل يا خد جيد جدا + عالية عن الأرض + واسعة + المناورة بصراحة مجربتهاش فى الماتريكس
بصراحة من غير زعل مقدرش ابقى جين2 عن frv الإثنين فيهم مشاكل وفيهم مزايا انما افضل جين2 علشان انها من بلد اسلامية ولازم نشجعها

يا سعادة الباشا
اللى بتكلم عليه هو فقط الفئه السعريه لاننا هنا فى مصر اول حاجه بنبصلها هى السعر نظرنا لظروفنا كلنا اللى انت عارفها كويس و طبعا لو واحد معاه مليون جنيه وحاطط ميزانيه مفتوحه للعربيه لحد نص او تلتربع مليون جنيه
مش هيفكر اصلا فى كل الماركات دى و بالمناسبه بضيف للقائمه السابقه الاكسنت

[M.almaghraby]

فى نفس رينج السعر ممكن تشترى حاجه افضل من الاتنين زى الفيرنا و الجيتز و الصنى و الماتريكس و اللوجان

حضرتك معاييرك في الحكم علي العربيات خاطئة تماما......

ولا عربية من دول تتقارن بالجين 2 اصلا " الا الصني " !!!!!!!

[shod90]

اعتقد الجين 2 احلى بس دا ميمنعش ان ال frv وحشة !! :)

[mido_soliman]

بصراحه الإتنين من وجهة نظرى ميستاهلوش اللى بيندفع فيهم
و فى نفس رينج السعر ممكن تشترى حاجه افضل من الاتنين زى الفيرنا و الجيتز و الصنى و الماتريكس و اللوجان
و فيه انواع فى زكرتهم ارخص مكان من الاتنين
يعنى رئيي ان الفيرنا الاوتوماتيك برقبتهم هم الاتنين و هتوفرلك حوالى 15 الف كمان

اولا وجهة نظرك دة رايك انت لوحدك ولازم يحترم طبعا بس المشكلة انة كان حيحترم لو كان فى اختيارات منطقية ومعقولة حضرتك حاطتها
باة يا راجل يا طيب الجيتز والفيرنا احسن من الجين2 بزمتك دة كلام
طب بالله عليك على اى اساس قلت الكلام دة والنبى متقوليش قطع الغيار والكلام دة لان لو بقطع الغيار يبقى مصر كلها المفروض تشترى فيرنا ولانوس و516 الاسبرانزا لانهم تاكسيات وقطع غيارهم عند البقالين
حضرتك مش كل مقارنة تبقى على اساس توافر قطع الغيار ورخص تمنها فى حجات كتير جدا ومعايير اكثر اهم لان بردة الجين 2 قطع غيارها متوفرة خارج التوكيل واسعارها عادية بس حضرتك علشان مش متابع العربية فالموضوع دة مش فى بالك
هوة حضرتك على اى اساس قلت ميستاهلوش الفلوس الكلام دة على الرغم انة ما بياخدش اكتر من سطر ونص كتابة لكن بصراحة بيبقى وراة تساؤلات تملا صفح ؟ اية معاييرك هل جربت العربيتين وقارنتهم بالفرنا مثلا او الجيتز
مع احترامى ليك انا مش حتكلم على الجين على فكرة بس احب اوضحلك نقطة واحدة مهمة جدا لو كنت شفت ال frv وركبتها (مش الجين2) مستحيل كنت حتقارنها بالفيرنا او الجيتز او الماتركس مستـــــــــــــــــــحيل لان مفيش وجة للمقارنة الfrv صينى اة بس والله العظيم فى ركوبتها اامن وارقى واشيك وافخم مليووووون مرة من الفرنا والجيتز انا مش متخيل انك مدخل الفرنا بصراحة دة ظلم بين ليها حتى على الاقل شوف الفرق بينها وبين الجين كام فى الفلوس واكيد الفرق دة مش من فراغ لان الجين مش من انتاج مرسيدس يعنى حتلاقى الاسم علية فلوس كتير انما الفرق دة فى الفرق الرهيب فى الكماليات ونظم الامان وتكنولوجيا التصنيع سواء للموتور او لنظام التعليق اللى بصراحة مفيش اى حاجة من دول تبقى موجودة فى الفيرنا مع احترامى ليك

[ahmedelkadi75]

يا باشا انا لما اخدت كلامك ورديت عليك علشان حاجة واحدة بس مينفعش ادخل موضوع السعر هو الأساسى
السعر ده ييجى فى الأخر احنا بنقارن بين فئات وامكانيات ورفاهية وفى الأخر بنقول ممكن تاخد كل اللى انت عاوزه وبسعر اقل فى العربية اللى تستاهل وسعرها قليل فالسعر اخر شئ فى المقارنات انما مش بقولك اشترى كل واحد بيشترى على حسب فلوسه واللى هو عايزه

[bukla]

بصراحة انا شايف ان الجين2 افضل من frv

[eng_ahmedryad]

انا فاهم والله , انا اسف ما اقصدش اقول انك بتتكلم غلط , ووجهه نظرك فعلا صح انا مش بقول حاجة

واكيد فعلا نزلت بموتور 1500 سى سى وانا ماعرفش لأن انا مش من متابعينها اصلا ومش متابع كونتاكت لان فيه حاجات مش صح فى بعض العربيات المعروضه عليه
انا بقول على الاخبار اللى شفتها , لأن انا اخر مرة شفتها فى المصريه جرين بلازا فى الاسكندريه واللى شفتها 1600 ماشفتش ال 1500 دى خالص وحتى على النت ماشفتش حد بيتكلم عن الfrv 1500 غير كونتاكت
عموما شكرا على التوضيح ووجهه نظرك المحترمه واسف على اى ازعاج, وياريت تقبل اسفى

ياباشا ولا يهمك ، كفايه زوقك في الحوار

وأنا فعلا مش باخد كلامي كله من كونتاكت بس ساعات الزهايمر بيحكم والواحد مش بيلاقي غيره علشان يفتكر

[akramesg]

الجين تكسب لحد 1/6 بس بعد اسعار البريليانس الجديدة frv تكسب