كورولا ولا أوكتافيا ولا بيجو ٣٠٧

[yoko]

أنا هجيب عربية خليجي وكنت محتار بين ال٣ عربيات دول
١) كورولا
٢) أوكتافيا a5
٣) بيجو ٣٠٧
طبعا كلهم ٢٠٠٩
أنا معايا كورولا ٢٠٠٦ وبصراحة مريحاني جدا
وياريت بلاش تقولولي جيب من مصر لإني جبت أفيو ومطلعة عيني
نيجي دلوقتي لظروف الإستخدام
أولا أنا ووالدي هنسوقها أنا سواقتي رياضية شوية بس مش بفتري ومعظم الوقت أنا الي هسوقها
لاكن والدي سواقته هاديه لاكن أحيانا بيشد
العربيه هتعمل حوالي ١٢٠كم في اليوم
هتكون عربية العيلة ٤أشخاص وتكون شنطة معقولة
معدل أمان عالي (أعنقد ال٣ كويسين) لأن معظم الطريق سريع
وياريت الي يختار واحدة من ال٣ يقولي مميزاتها وعيوبها من وجهة نظرة
وأنا لو هجيب هجيب العربية مانيوال فول أوبشين
ومين فيهم التوكيل بيعملة صيانة في مصر

[yoko]

يا جماعة يا ريت كل واحد إختار في الإستفتاء يكتب الأسباب الي على أساسها إختار

[kamalabdelaziz]

أولا أنا ووالدي هنسوقها أنا سواقتي رياضية-----> 1- 307 2- كورولا 3- أوكتافيا
العربيه هتعمل حوالي ١٢٠كم في اليوم -----> 120 كم يعنى استهلاك كتيييير يعنى عايز عربية تستحمل ومعمرة والثلاثة كدة -- بس بعد شوية عايز تعمل صيانة وتغيير قطع غيار (فلاتر/فرامل/...إلخ) ---> يبقى كورولا
هتكون عربية العيلة ٤أشخاص وتكون شنطة معقولة -->307 تطلع بره المنافسة علشان موضوع الشنطة
معدل أمان عالي (أعنقد ال٣ كويسين) لأن معظم الطريق سريع ----> ال3 كويسين فعلاً والفروقات بعد 160 كم /ساعة وأعتقد ده مش المطلوب

الخلاصة: الكورولا علشان استهلاك الـ 120 كم فى اليوم

[yoko]

شكرا يا كامل وأنا رأي كده بس متردد والمشكلة إن فيه ناس في توكيل تويتا بره قالولي إن ٢٠١٠ هتبقى أسؤ من ٢٠٠٩ ومن الحاجات الي قالقاني إن مفيهاش abs

[Samah AbdAllah]

[marq="3;right;3;scroll"]
اوكتافيا a5
[/marq]

[yoko]

[marq="3;right;3;scroll"]
اوكتافيا a5
[/marq]

ممكن سبب الأختيار

[yoko]

يا جماعة يا ريت كل واحد إختار عربية يقول ليه لأني عايز أستقر على عربيه فيهم في أقرب فرصة

[mummy_47]

طيب ليه مفكرتش في الاوبل عشان المقارنة تبقى عادلة والاوبل في نفس الفئة السعرية للعربيات الثلاثة..بل وتتفوق عليهم بانها..الماني الماني مش هجين زي الاوكتافيا (الماني تشيكي)او الكورلا(جنوب افريقي اثبتت فشلها) اللي عليهم ملاحظات كثيرة ..لكن انا معرفش حاجة عن البيجو 307 ..لكن رايي الشخصي لو انا مكانك ومعايا فلوس واقدر ادفع 155 الف جنيه هجيب عربية الماني الماني زي الاوبل...والتي لم ترد اي ملاحظات عليها في المنتدى على حسب ما قرأت..عيد التفكير مرة اخرى..

[kliken]

الاوكتافيا تحفه و فخامه و عربيه برستيج عالى

[enas75]

برغم اني افضل الالماني بشده...انما...في حاله ان العربيات مانيوال
التويوتا استهلاك بنزين اقل......عكس الاوروبي
التويوتا عفشتها ناعمه ......الاوكتافيا انشف بس ثباتها افضل من التويوتا
الاوكتافيا فخمه وشيك.....التويوتا شكلها مش بيعجبني
عوامل الامان واحده في الاتنين.....
بس لو حتفكر في الاوتوماتيك يبقي تبعد نهائي عن التويوتا
اما البيجو متنفعش في المقارنه دي علشان مش عائليه

[yoko]

طيب ليه مفكرتش في الاوبل عشان المقارنة تبقى عادلة والاوبل في نفس الفئة السعرية للعربيات الثلاثة..بل وتتفوق عليهم بانها..الماني الماني مش هجين زي الاوكتافيا (الماني تشيكي)او الكورلا(جنوب افريقي اثبتت فشلها) اللي عليهم ملاحظات كثيرة ..لكن انا معرفش حاجة عن البيجو 307 ..لكن رايي الشخصي لو انا مكانك ومعايا فلوس واقدر ادفع 155 الف جنيه هجيب عربية الماني الماني زي الاوبل...والتي لم ترد اي ملاحظات عليها في المنتدى على حسب ما قرأت..عيد التفكير مرة اخرى..

أولا إنت قصدك على أنهي أوبل خالي معاه أسترا ٢٠٠٤ وبصراحة عجباني جدا
ثانيا الكورولا الخليجي ياباني لاكن دي أخر سنه هتنزل يباني بعد كده هتتصنع في دولة من دول شرق أسيا مش فاكر مين بالضبط

[yoko]

الاوكتافيا تحفه و فخامه و عربيه برستيج عالى

شكرا على الرد

[yoko]

برغم اني افضل الالماني بشده...انما...في حاله ان العربيات مانيوال
التويوتا استهلاك بنزين اقل......عكس الاوروبي
التويوتا عفشتها ناعمه ......الاوكتافيا انشف بس ثباتها افضل من التويوتا
الاوكتافيا فخمه وشيك.....التويوتا شكلها مش بيعجبني
عوامل الامان واحده في الاتنين.....
بس لو حتفكر في الاوتوماتيك يبقي تبعد نهائي عن التويوتا
اما البيجو متنفعش في المقارنه دي علشان مش عائليه

بالنسبه لحكاية العافشة المشكلة في الكورولا المصري إن التوكيل بيحطلها طقم تعليه عشان كدا ثباتها وحش أنا زي ما قولت معايا موديل ٢٠٠٦ كنت باكل بيها غرز ديقة جدا على ١٨٠ (طبعا في السعوديه مش هنا) وأثبتيتلي ثباتها و(عفشتها رياضيه بس أعتقد الخليجي بس هيا الي بتنزل بالعفشة دي)
وعندي إستفسار عن حكاية الأتومتك دي ليه الناس مش مبسوطه من الأتومتك بتاع الكورولا (أنا كده كده هجيبها مانيوال بعد عذاب عشان أقنع والدي بس إقتنع الحمد لله)
وأنا معاك في بقيت الكلام كله

وكده البيجو طلعت بره المنافسة خالص

[enas75]

بص هو فيه خلاف جامد علي الفتيس الجديد .....وفيه ناس معتبراه مشكله وناس لا
طب ندخل المتاهه ليه.....ما المفروض ان احنا نتعلم من تجارب زمايلنا في المنتدي لما يبقي الخلاف بنسبه 50-50 يبقي ابعد عنه
بس لو حتيجبها خليجي اطلبها بالفتيس العادي وده اتوماتيك عادي مفيهوش مشاكل
وربنا يوفقك

[yoko]

بص هو فيه خلاف جامد علي الفتيس الجديد .....وفيه ناس معتبراه مشكله وناس لا
طب ندخل المتاهه ليه.....ما المفروض ان احنا نتعلم من تجارب زمايلنا في المنتدي لما يبقي الخلاف بنسبه 50-50 يبقي ابعد عنه
بس لو حتيجبها خليجي اطلبها بالفتيس العادي وده اتوماتيك عادي مفيهوش مشاكل
وربنا يوفقك

أمين يا رب وأنا خوفي كله من الأتوماتيك إن حتى التوكيل مبيفهموش فيه وأي مشكله بيقولولك غير
وبصراحة أنا محتار جدا ومتردد مع إني مايل للكرولا لإن معايا موديل ٢٠٠٦ وعمري ما إشتكيت منها
والمشكلة إن والدي رامي موضوع الإختيار عاليا ومتردد جدا لإني لما أسافر في رمضان لازم أكون حددت هنجيب إيه يا إما مش هنبيع الكورولا ال٢٠٠٦ وهنزلها وخلاص