عايز اشتري عربية في حدود 45 ألف

[Akram]

انا محتار,, عايز اشتري عربية في حدود 45 ألف و بفكر في ويرا (مو 2000) أو لانوس (مو2000 أو 2001) أو ميتسوبيشي البطة (مو 92) أو نيسان صني (مو قبل 2000).
بصراحة أنا نفسي في الويرا بس خايف من اسعار قطع الغيار و مدي توافرها,
وفي نفس الوقت عارف ان اللانوس مضمونة من الناحية دي,
يا ريت تساعدوني في المقارنة بين العربيان دي أو أي موديلات تانية في حدود المبلغ.

[معاذ الشرباصى]

انا احبذ النيسان صنى

[hic]

انصحك ببيجو 405

[أبو_حمزة]

صنى و 405 سعرهم بعدى الميزانية دى و بالذات لو الحالة عالية
ابر لحد ما تعدى 50 و هات كرستالة 98 أو 99

[Akram]

شكراً للرد
معاذ: لو عندك اسعار لموديلات الصني.
HIC: أعتقد ان سعر 405 اعلى من الميزانية.
Sabbagh : أعتقد ان سعر الكرستالة فوق الــ 50
شكراً للجميع.

[Akram]

شكراً للرد
معاذ: لو عندك اسعار لموديلات الصني.
HIC: أعتقد ان سعر 405 اعلى من الميزانية.
Sabbagh : أعتقد ان سعر الكرستالة فوق الــ 50
شكراً للجميع.

[kareem_Ashmawy]

الـ405 - 1600 سى سى موديل 95 و انت طالع تتراوح من 50 الى 55 الف جنيه ( حالة جيدة)
الصنى موديل 97 الى 2000 - 1300 سى سى تتراوح من 55 الف الى 60 الف جنيه ( حالة جيدة )
الكريستالة موديل 98 و 99- 1300 سى سى تتراوح من 50 الى 55 الف جنيه ( حالة جيدة )

جضرتك زى ما حددت من الأول
البطة و الويرا اضف عليهم الهيونداى اكسل و الأكسنت
و أنا رأيى الشخصى الويرا ( هى هى موتور البطة )
و البشمهندس سبعاوى كاتب ليها تقييم فى روم البروتون حضرتك تقدر تقراه

نسيت أقول لحضرتك الـ 405 موديلات من 89 الى 94 هى اللى ممكن تبقى فى اواخر الأربعينات بس حضرتك هتصبر شوية لغاية ما تلاقى واحدة حالتها كويسة

وربنا يوفقك فى الاختيار

[Akram]

شكراً يا كريم ..

[kareem_Ashmawy]

الشكر لله...

[amr mokhtar]

معلش بلاش أكسل .. نصيحة لوجه الله

[eng_mkhalaf]

خليك فى الشيرى A11 كسر زيرو من 45 الى 50 أحسن من دولت صدقنى عن تجربة

[Akram]

شكراً ليك يا eng_mkhalaf
بس انا بسمع كتير عن الويرا و إختلاف الناس على الإسبرانزا , بس Chery A11 مش عارف أيه أخبارها ,
و مدى توافر قطع غيارها و أسعارها و أخبار التوكيل ايه , و هو مين توكيلها , و مدى متانة العربية خاصة مع المطبات العجيبة الموجود في بلدنا ,
حاجة تانية انا لاحظتها في العربية دي , اني شفت منها عربية فيها فاصل بين البابين , زي ما تكون وصلة علشان توسع العربية شوية,
هو إيه موضوع الوصلة دي :D

[أبو_حمزة]

Chery A11 زيرو بحوالى 58 و الله أعلم
أما (ام وصله على القايم) دى Chery A11 long
نفس العربية بس شدوها من الوسط بدون أى مراعاة لتعديا التصميم عشان يوسعوها من جوه
العربية فيها ميزتين واسعة و صاجها سميك حبة
غير كده خشنة و قطع غيارها غير متوفرة حتى عند التوكيل و جودة التقفيل منخفضة

[Mostafa]

بص يا باشا ما تدور على سيينا موديل من 2000 لحد 2003 اعتقد هتلاقى منها حاله فوق الممتازه ومش هكسر ميزانيتك

[Akram]

شكراً لردك يا sabbagh
مصطفى, واحد صاحبي كان معاه سيينا و بعها علشان قطع غيارها نار و كمان مكنتش عجباه من حيث الإمكانيات.