هيونداي أكسنت ولا دايو لانوس

[azizyasser]

السلام عليكم ورحمة الله وبركاته،

أنا اطلعت على المنشور في منتدى الكوري والياباني وأعتقد أن أفضل الخيارات المتاحة بالنسبة لي هي الهيونداي أكسنت أو الدايو لانوس، بس أنا حاسس أن المزايا والعيوب اللي فيهم تخلي الواحد يتحير، لو ممكن حد ينورني ويقوللي إيه هي خبرته مع العربيات دي، وأي واحدة هي الأحسن منهم.

ولكم خالص الشكر والتقدير

[hazem_khidr]

هو حضرتك عاوز عربيه زيرو ولا استعمال و في حدود كام؟؟؟؟؟
و لو زيرو حضرتك تقصد النيو اكسنت ولا الاكسنت العاديه؟؟؟؟؟

[Sameh Aziz]

بص حضرتك انا كان معايا اكسنت 1300مو2006 (12000km) (تكييف فقط)
و بعتها و ركبت لانوس 2002 حالة ممتازة (70000km)(جميع الكماليات)
فعلا حسيت بفرق كبير بين العربيتين من حيث التقفيل و لكن اداء العربيتن حلو جدا
انا بس كنت عاوز اركب عربية فيها كل الكماليات
و بيني و بينك انا بحب شكل الانوس عن الاكسنت (وجهة نظري!!!!!!!!!)
قطع غيار الاثنين تقريبا في نفس الحدود (انا لسه ما جربتش اشتري لكن سالت كتيير)
علي العموم اللي تلاقيها قدامك الاول و تكون حالتها نظيفة توكل علي الله
و نصيحة طالما بتفكر في لانوس يبقي لازم تكون بتقارن ب اكسنت 1500
و ربنا يوفقك
Sameh Aziz

[azizyasser]

الف شكر للرد الوافي يا أخوة

[wlng76]

الانوس أفضل حتى من الفيرنا

[Mohamed A S]

لانوس S عربية جيدة جداً لإني مجربها .. وربنا يكرمك في واحدة كويسه .. بس زي ما قال سامح لو هتجيب اكسنت يبقى 1500.

[tamercad]

لانوسs ممتازة

[د/ خالد]

رأي الشخصي ............ انا ركبت الاثنين وكن حاليا معايا لانوس 2005 وبصراحه العربيه ديه احسن عربيه في فئتها ...... العربيتين يتشابهو في معظم الحاجات سعر قطع الغيار ..سهولة البيع ... الخ
لكن انا شايف انه الانووووس تكسب بكتير حتى انها احلى من الفرنا في السحب والاستحمال والعفشه والشكل والكماليات وفي كل حاجه تقريبا
يعني خليك في الانوس يا باشااااا ]