استطلاع : هل الوسائد الهوائية ( اير باج ) فعلا شىء هام بالسيارة وفعلا فعالة

[ahmadrabie]

استطلاع : هل الوسائد الهوائية ( اير باج ) فعلا شىء هام بالسيارة وفعلا فعالة ام هى مجرد كماليات

اذا كان حد واجهه موقف بخصوص الاير باج يا ريت يقولنا والافادة للجميع :

[blazer]

اكيد حضرتك هام و هام جدا
واى حد بيفكر يشترى عربيه اول حاجه لازم يبص عليها هى وجود الاير باج (على الاقل 2 )
و عدد النجوم اللى اخدتها فى اختبارات التصادم
و وجود ال abs-ebd وباقى انظمه الثبات الميكانيكيه والالكترونيه
(esp-vsa-asr-tcs)

[Samah AbdAllah]

[marq="3;right;3;scroll"]
اعتقد انها مهمة جدا خصوصا مع كثرة الحوادث
[/marq]

[Fadi Ezzat]

مهمة جدا جدا جدا
وفعالة طبعا
لانك اما بتعمل الحادثة لا قدر الله بتتخبط جامد جدا فى الدركسيون
والخبطة دى بتودى لثلاث احتملات
1-انك تموت لا قدر الله
2-انك يجيلك شرخ فى المخ او ارتجاج لا قدر الله بردة
3-ان ربنا ينجيك

[Bossy_Fadl]

مش بس ال airbags

اي وسائل امان في العربيه وجودها اهم من اي شيء تاني

هي لا تعتبر رفاهيه

دي تعتبر من الاساسيات في اي عربيه

العمر مش بعزقه

و الغلطة مبتستغرقش اكتر من جزء من الثانية

[Hosam_Optrawy]

طبعا الايرباج مهم جدا واهم من ال Abs كمان

لان الفرامل مش شرط تسعفك سواء كانت Abs او عاديه مش هتنفعك

اللى هينفعك اللى هيمنع عنك الاذى بعد التصادم

وربنا يسترها على الجميع

[Ahmed Samy]

هي مهمة

بس هي اقل وسائل الأمان أهمية

لأنها بتمتص اخر مقدار من الطاق الحركية المتبقية عن التصادم


بس بتحمي الوجه والصدر من الارتطام بعجلة القيادة و خصوصا مع وجود احزمة الأمان الحركية (اللي بتتحرك مع جسم السائق عند الارتطام لتقليل الحمل على الجذع)

و طبعا الوسائد الجانبية الي بتحمي من الزجاج الجانبي بس دي مش منتشرة

[tutankhamoun]

وسائل الأمان مهمة لأنها عوامل بتساعد على تقليل مخاطر الحادث و الارتطام أو التصادم مع سيارة أخرى .
تأتي أهمية وسائل الامان بحسب ما تقدمه للسيارة :
يعني فرامل جيدة أهم من الوسائد لأنها من العوامل التي تساعد على عدم وقوع الحادث أساسا .
و أنا مختلف مع أخي الكريم حسام أوبترا ......
لأن فرامل abs أو الفرامل مانعة الأنزلاق هامة جدا .
لأنها بتساعد العربية أنها ما تلفش حوالين نفسها و لا تنززلق على الطريق عند الفرملة القوية .
و دي تعتبر ميزة أهم من الوسائد بسبب أنها ممكن تساعد على عدم وقوع الحادث أساسا .
النوع الثاني أو النظام الإلكتروني الثاني الخاص بالفرامل هو
ebd
و ده مهم جدا لأنه بيساعد أن العجل يلف بنفس القدر و نفس عدد اللفات علشان العربية تفضل ماضية في اتجاه واحد و متلفش حوالين نفسها .
و دول أهم أنظمة موجودة و منتشرة حاليا .
فيه بقى أنظمة تانية زي esp و غيرها و لكنها غير منتشرة بالقدر الكافي في كل السيارات و نادرا ما تجدها موجودة في سيارة أقل من 150 ألف جنيه مصري .

نيجي بقى للوسائد الهوائية .
الوسائد الهوائية تأتي أهميتها بعد أنظمة الفرامل الإلكترونية لأنها أخر مصد أو أخر وسيلة ستعمل لتقليل قوة الحادث أو الأصطدام

عند أرتداء حزام الأمان ....... لن يلمس جسمك مقود السيارة أبدا عند الأصطدام . و لكن سيكون هناك رد فعل عكسي على الجسم و على الرقبة و الظهر عموما .
لذلك الوساجة الهوائية تأتي أهميتها بأنها تقلل الضغط على الظهر و العمود الفقري بالاضافة إلى عمل حزام الأمان .

يبقى تأتي أهمية وسائل الأمان كالتالي .
فرامل قوية و ممتازة و بها وسائل إلكترونية للمساعدة في التوجيه و الوقوف الآمن .
ثانيا حزام الأمان الهام جدا و الذي يقلل أهميته أغلب سائقي ج ع ع و يظنون أنه فقط للجان المرورية ( دول العالم الثالث )
ثالثا الوسائد الهوائية لأنها بتقلل قوة التصادم و قوة رد الفعل على الجسم البشري و هنا بتعمل الوسائد الهوائية عند حدوث التصادم الفعلي .

و طبعا كل لما تكون العربية حاصلة على نجوم أكتر في أختبارات التصادم الأوروبية مما يعني أنها آأمن في التصدام الأمامي على سرعة 60 كم - س .
علشان بس برضه الناس تبقى عارفة حدود التصادامات .
علشان أنا شوفت بي أم دبليو 5 نجوم في أختبارات التصادم الاوروبية
و مع ذلك الموتور كان واصل للكنبة الخلفية و السواق كان كفتة .
الله يرحمه بقى كان بيعمل جريمة ( غرزة ) و كمان بيعملها عمياني لبس في عربية نقل و توفى في الحال ......... و أنتقل إلى دار الحق ليعاقبه الله على ما فعله بنفسه و ليعاقبه على كل الضرر النفسي و المعنوي اللي سببه للناس بالغرز اللي كان بيعملها ليل و نهار و هو على وجه الكرة الأرضية في النقطة المسماه مصر أقصد ج ع ع .

أنا أتكلمت كتير ........ و رغيت كتير ........
بس قلت أوضح رأيي ,,,,, و معلوماتي لعلهاتكون مفيدة في الموضوع إجمالا .
وش كرا لكم جميعا للقراءة و أرجوا أن تتقبلوا آسفي أن منت طولت في الحديث عن الموضوع ده .

[Hosam_Optrawy]

وسائل الأمان مهمة لأنها عوامل بتساعد على تقليل مخاطر الحادث و الارتطام أو التصادم مع سيارة أخرى .
تأتي أهمية وسائل الامان بحسب ما تقدمه للسيارة :
يعني فرامل جيدة أهم من الوسائد لأنها من العوامل التي تساعد على عدم وقوع الحادث أساسا .
و أنا مختلف مع أخي الكريم حسام أوبترا ......
لأن فرامل abs أو الفرامل مانعة الأنزلاق هامة جدا .
لأنها بتساعد العربية أنها ما تلفش حوالين نفسها و لا تنززلق على الطريق عند الفرملة القوية .
و دي تعتبر ميزة أهم من الوسائد بسبب أنها ممكن تساعد على عدم وقوع الحادث أساسا .
النوع الثاني أو النظام الإلكتروني الثاني الخاص بالفرامل هو
ebd
و ده مهم جدا لأنه بيساعد أن العجل يلف بنفس القدر و نفس عدد اللفات علشان العربية تفضل ماضية في اتجاه واحد و متلفش حوالين نفسها .
و دول أهم أنظمة موجودة و منتشرة حاليا .
فيه بقى أنظمة تانية زي esp و غيرها و لكنها غير منتشرة بالقدر الكافي في كل السيارات و نادرا ما تجدها موجودة في سيارة أقل من 150 ألف جنيه مصري .

نيجي بقى للوسائد الهوائية .
الوسائد الهوائية تأتي أهميتها بعد أنظمة الفرامل الإلكترونية لأنها أخر مصد أو أخر وسيلة ستعمل لتقليل قوة الحادث أو الأصطدام

عند أرتداء حزام الأمان ....... لن يلمس جسمك مقود السيارة أبدا عند الأصطدام . و لكن سيكون هناك رد فعل عكسي على الجسم و على الرقبة و الظهر عموما .
لذلك الوساجة الهوائية تأتي أهميتها بأنها تقلل الضغط على الظهر و العمود الفقري بالاضافة إلى عمل حزام الأمان .

يبقى تأتي أهمية وسائل الأمان كالتالي .
فرامل قوية و ممتازة و بها وسائل إلكترونية للمساعدة في التوجيه و الوقوف الآمن .
ثانيا حزام الأمان الهام جدا و الذي يقلل أهميته أغلب سائقي ج ع ع و يظنون أنه فقط للجان المرورية ( دول العالم الثالث )
ثالثا الوسائد الهوائية لأنها بتقلل قوة التصادم و قوة رد الفعل على الجسم البشري و هنا بتعمل الوسائد الهوائية عند حدوث التصادم الفعلي .

و طبعا كل لما تكون العربية حاصلة على نجوم أكتر في أختبارات التصادم الأوروبية مما يعني أنها آأمن في التصدام الأمامي على سرعة 60 كم - س .
علشان بس برضه الناس تبقى عارفة حدود التصادامات .
علشان أنا شوفت بي أم دبليو 5 نجوم في أختبارات التصادم الاوروبية
و مع ذلك الموتور كان واصل للكنبة الخلفية و السواق كان كفتة .
الله يرحمه بقى كان بيعمل جريمة ( غرزة ) و كمان بيعملها عمياني لبس في عربية نقل و توفى في الحال ......... و أنتقل إلى دار الحق ليعاقبه الله على ما فعله بنفسه و ليعاقبه على كل الضرر النفسي و المعنوي اللي سببه للناس بالغرز اللي كان بيعملها ليل و نهار و هو على وجه الكرة الأرضية في النقطة المسماه مصر أقصد ج ع ع .

أنا أتكلمت كتير ........ و رغيت كتير ........
بس قلت أوضح رأيي ,,,,, و معلوماتي لعلهاتكون مفيدة في الموضوع إجمالا .
وش كرا لكم جميعا للقراءة و أرجوا أن تتقبلوا آسفي أن منت طولت في الحديث عن الموضوع ده .

الف شكر على المشاركه المفيده يا استاذ توت

بس انا كان قصدى ان لو خيروك بين الاتنين

فرامل Abs وال Air Bag

الايرباج هتكون اهم

عشان فى مواقف الفرامل مهما كانت كويسه وفيها احدث الانظمه مش هتسعفك

وحصل اللى حصل وخبطت لقدر الله

ساعتها فعلا اللى هينفع الحزام زى ماحضرتك تفضلت وقلت اهميته

وطبعا الايرباج

انا عارف ان الفرامل مهمه انها تمنع الحادث انه يحصل اصلا

بس مثلا لظرف ما حصل التصادم

يبقى الايرباج اهم

[tutankhamoun]

الف شكر على المشاركه المفيده يا استاذ توت

بس انا كان قصدى ان لو خيروك بين الاتنين

فرامل Abs وال Air Bag

الايرباج هتكون اهم

عشان فى مواقف الفرامل مهما كانت كويسه وفيها احدث الانظمه مش هتسعفك

وحصل اللى حصل وخبطت لقدر الله

ساعتها فعلا اللى هينفع الحزام زى ماحضرتك تفضلت وقلت اهميته

وطبعا الايرباج

انا عارف ان الفرامل مهمه انها تمنع الحادث انه يحصل اصلا

بس مثلا لظرف ما حصل التصادم

يبقى الايرباج اهم

تحياتي يا أستاذ حسام أولا . :k32:
بس ممكن الفرامل العادية تتسبب في حادث
يبقى الأولوية للوسائل اللي تساعد على عدم وقوع الحادث أصلا .
يبقى أهمية الفرامل الجيدة تأتي أولا .
ثم حزام الأمان طبعا .
ثم الوسائد الهوائية كأخر مصد للصدمة .
و طبعا يأتي قبل كل هؤلاء القيادة بحكمة و بسرعات معقولة للطريق و ظروفه ........ مش جري و خلاص بدون تفكير .
لأن ساعتها لا فرامل و لا وسائد هوائية و لا حزام أمان هايساعدوا في حاجة زي مثال البي أم دبليو اللي أنا ضربت عليه مثال .
و الله يرحم الراجل ........ و يهدي الأحياء منا اللي بيعملوا زيه .
و شكرا يا أستاذ حسام على الحوار الجميل .

[Ahmed Samy]

الف شكر على المشاركه المفيده يا استاذ توت

بس انا كان قصدى ان لو خيروك بين الاتنين

فرامل abs وال air bag

الايرباج هتكون اهم

عشان فى مواقف الفرامل مهما كانت كويسه وفيها احدث الانظمه مش هتسعفك

وحصل اللى حصل وخبطت لقدر الله

ساعتها فعلا اللى هينفع الحزام زى ماحضرتك تفضلت وقلت اهميته

وطبعا الايرباج

انا عارف ان الفرامل مهمه انها تمنع الحادث انه يحصل اصلا

بس مثلا لظرف ما حصل التصادم

يبقى الايرباج اهم

لا ...انا الحقيقة اختار الـabs ebd

انت تركب مركب من غير دفه و معاك عوامة ولا تسيب العوامة و تاخد الدفة ؟!

طبعا الاتنين مهمين ...بس التحكم أهم

powre is nothing
without control

when you lose it
praying is the best thing to think about

[Hosam_Optrawy]

لا ...انا الحقيقة اختار الـabs ebd

انت تركب مركب من غير دفه و معاك عوامة ولا تسيب العوامة و تاخد الدفة ؟!

طبعا الاتنين مهمين ...بس التحكم أهم

powre is nothing
without control

when you lose it
praying is the best thing to think about

طب كام عربيه فى مصر عامله حوادث وفيها فرامل Abs و Ebd ؟

وكام عربيه فى مصر عامله حادثه وفيها Abs و Ebd وصاحبها نجا من الموت عشان الايرباج فتح وانقذه ؟

[Ahmed Samy]

طب كام عربيه فى مصر عامله حوادث وفيها فرامل Abs و Ebd ؟

وكام عربيه فى مصر عامله حادثه وفيها Abs و Ebd وصاحبها نجا من الموت عشان الايرباج فتح وانقذه ؟

و كام عربية ماعملتش حادثة من أساسه علشان فيها ABS و EBD ؟؟؟

....هو ده اللي أنا باتكلم عنه

و دول مش هاتشوفهم لأنهم ماعملوش حادثة فعلا بس الأمان كان سلبي ...مش الإيجابي

[yoko]

معلش أنا مع حسام في الحتة دي شوف الشركات بتنزل العربيات يا إما airbag وabs أو airbag بس أو من غير الإتنين فده معناه إن الairbag أهم بكتير

[member]

يبقى تأتي أهمية وسائل الأمان كالتالي .
فرامل قوية و ممتازة و بها وسائل إلكترونية للمساعدة في التوجيه و الوقوف الآمن .
ثانيا حزام الأمان الهام جدا و الذي يقلل أهميته أغلب سائقي ج ع ع و يظنون أنه فقط للجان المرورية ( دول العالم الثالث )
ثالثا الوسائد الهوائية لأنها بتقلل قوة التصادم و قوة رد الفعل على الجسم البشري و هنا بتعمل الوسائد الهوائية عند حدوث التصادم الفعلي .

و طبعا كل لما تكون العربية حاصلة على نجوم أكتر في أختبارات التصادم الأوروبية مما يعني أنها آأمن في التصدام الأمامي على سرعة 60 كم - س .
علشان بس برضه الناس تبقى عارفة حدود التصادامات .
علشان أنا شوفت بي أم دبليو 5 نجوم في أختبارات التصادم الاوروبية
و مع ذلك الموتور كان واصل للكنبة الخلفية و السواق كان كفتة .
الله يرحمه بقى كان بيعمل جريمة ( غرزة ) و كمان بيعملها عمياني لبس في عربية نقل و توفى في الحال ......... و أنتقل إلى دار الحق ليعاقبه الله على ما فعله بنفسه و ليعاقبه على كل الضرر النفسي و المعنوي اللي سببه للناس بالغرز اللي كان بيعملها ليل و نهار و هو على وجه الكرة الأرضية في النقطة المسماه مصر أقصد ج ع ع .

أنا أتكلمت كتير ........ و رغيت كتير ........
بس قلت أوضح رأيي ,,,,, و معلوماتي لعلهاتكون مفيدة في الموضوع إجمالا .
وش كرا لكم جميعا للقراءة و أرجوا أن تتقبلوا آسفي أن منت طولت في الحديث عن الموضوع ده .

معلش مشاركة خارج الموضوع .. هي ج ع ع بترمز لإيه؟