معايير عملية و فعالة لمقارنة الموديلات

[ahmedlr]

شباب ... المنتدي ده اكتر من ممتاز .. بس انا ملاحظ ان معايير المقارنة بين الموديلات متفاوته و بشدة بحسب المام الاخوة المشاركين في المواضيع بتلك الموديلات .......او تعصبهم لها .

علشان كدة كنوع من تسهيل عمليات المقارنة . خلينا نقترح شوية معايير تسهل علينا استيعاب تقييم اي عربية في سوقنا و تكون المعايير خطوة بأذن الله لأن في يوم من الايام يكون في تقييم اداء مصري خالص و معبر عن اداء السيارات الموجودة في السوق بأسم نايل موتورز

و دي شوية معايير من وجهة نظري و هي قابلة للتدرج من 1 إلي 10 مثلا

• الثبات عالطريق و امكانية المناورة .
• التسارع .
• التجهيزات الداخلية و فخامة المقصورة.
• الامان .
• المساحة الداخلية للركاب
• الاستهلاك النسبي للوقود
• القيمة بالنسبة للسعر
• متوسط تكلفة الصيانة
• مدي ملائمة العربية للطرق و الاجواء المصرية

طبعا دول كلهم قابلين للبحث و الدراسة و التعديل.. بس المهم اننا نوصل لحاجة مريحة للعين تساعدنا للوصول لحكم ولو مبدئي من وجهة نظر كل اللي جربو اي عربية موضع مقارنة هنا ... و شكرا

[yoko]

بصراحة لو كل واحد لما يجي يقارن يحطها في نقط ويدي كل عربية في كل نقطة من ١ لي ١٠
هتسهل علينا جدا وهتبان الفروق بين العربيات عشان واحد يقول العربية وحشة وخلاص أو حلوة وخلاص تسقل ليه ميردش وممكن واحد يكون مهتم بنقاط أكتر من غيرها

[Eng.Sameh]

يا ريت كمان تكون المقارنات حقيقية ، يعني تكون بين حجات متقاربة فعلا في الجودة والحجم والسعر والكماليات وما الى ذلك ، لأن المقارنات الغريبة بقت مالية المنتدى ، وتلاقي كل شوية مقارنة بين عربيات بعيدة عن بعضها بعد السما والأرض ، وقال ايه محتار بينهم!!! ، وكلها تقلب خناقات وجدال عقيم والحقيقة تبقى واضحة زي الشمس وتلاقي ردود تحرق الدم وتلاقي الواحد عاوز يشتري ابو جنية ويقولك ده احسن من ابو 2 جنيه ، وتلاقي كل هدف المقارنة انه يعلي العربية اللي هوه عاوز اصلا يشتريها وعاوز يحسس نفسه والناس انها تتساوى مع اللي اعلى منها بمراحل ، والملخص ان يا ريت تكون المقارنات منطقية ، وان لم تكن منطقية فيا ريت الكل يتجاهلها للحد من هذه المقارنات السازجة

[ahmedlr]

ممتاز .. دي نقطة مهمة كمان ..

لازم المقارنات تكون منطقية و ده يحكمه تقريبا الفئة السعرية و السعة الليترية

و علي اي ... ده تقييم اداء للعربية Gen 2 من وجهة نظري بأعتباري مالك لها من 2006

[frame="1 50"]
الثبات عالطريق و امكانية المناورة. 6/10
التسارع . 5/10
التجهيزات الداخلية و فخامة المقصورة. 6/10
الامان . 5/10
المساحة الداخلية للركاب 4/10
الاستهلاك النسبي للوقود L10/100KM
القيمة بالنسبة للسعر 7.5/10
متوسط تكلفة الصيانة 200-300
مدي ملائمة العربية للطرق و الاجواء المصرية. 6/10
[/frame]

[de3bis]

فكرة حلوة إن كل واحد يقيم العربية اللى هو راكبها و فى الأخر نعمل متوسط للتقييم فيكون قريب من التقييم الفعلى

[ezzatfox]

ممتاز .. دي نقطة مهمة كمان ..

[/frame]

انت مش واخد بالك المقارنات عشان تبقى منطقية من وجهة نظر البعض .. انة مينفعش تقارن يابانى بكورى او ماليزى .. اليابانى فى السما و الباقى فى الارض .. دى وجهة النظر المنطقية اللى بيطالب بيها البعض .

[Eng.Sameh]

انت مش واخد بالك المقارنات عشان تبقى منطقية من وجهة نظر البعض .. انة مينفعش تقارن يابانى بكورى او ماليزى .. اليابانى فى السما و الباقى فى الارض .. دى وجهة النظر المنطقية اللى بيطالب بيها البعض .

غير صحيح اطلاقا .. ممكن الياباني يتقارن بالكوري والماليزي والهندي حتى .. بس لما يكون فيه تقارب فعلا في الجودة والسعر ومعظم العوامل .. مش مجرد السعة اللترية .. يعني مثلا اللانسر القديمة تتقارن مع الالنترا والجين2 .. دي مقارنة منطقية .. وممكن فعلا تكون محيرة لناس . وده مجرد مثال

[A.Saad]

يا ريت كمان ناخد لو العربية جديدة
سمعة التوكيل
انتشار قطع الغيار برة التوكيل
اسعار قطع الغيار الاصلية

[ezzatfox]

يا ريت كمان ناخد لو العربية جديدة
سمعة التوكيل
انتشار قطع الغيار برة التوكيل
اسعار قطع الغيار الاصلية

[amir]

ممتاز .. دي نقطة مهمة كمان ..

لازم المقارنات تكون منطقية و ده يحكمه تقريبا الفئة السعرية و السعة الليترية

و علي اي ... ده تقييم اداء للعربية gen 2 من وجهة نظري بأعتباري مالك لها من 2006

[frame="1 50"]
الثبات عالطريق و امكانية المناورة. 6/10
التسارع . 5/10
التجهيزات الداخلية و فخامة المقصورة. 6/10
الامان . 5/10
المساحة الداخلية للركاب 4/10
الاستهلاك النسبي للوقود l10/100km
القيمة بالنسبة للسعر 7.5/10
متوسط تكلفة الصيانة 200-300
مدي ملائمة العربية للطرق و الاجواء المصرية. 6/10
[/frame]

انا مش مصدق تقييمك للجين لو كانت فعلا معاك
و مش مصدق كلامك ده مش بصفتي مالك للعربيه بل راغب في شرائها و الكلام المكتوب كتقييم ليها ده بيخالف كافه تقييمات الاعضاء في قسم البروتون كلهم و المنطق كمان
حاجتين بس اللي هاتكلم عليهم بقلب جامد لأني جربت العربيه مرتين اوتوماتك و مره مانيوال و موديلات من 2007-2009
ثبات ايه بس اللي مديله 6/10 ده الثبات بتاع الجين ده من احلي و اروع حاجه فيها و امكانيه المناوره بتاعتها ممتازه
و بعلمي البسيط عن التجديدات في مختلف موديلاتها مفيش حاجه اتغيرت في العفشه من موديل 2006 الي يومنا ده اللهم الا شكل الجنوط
و الامان فيها 5/10؟؟؟؟؟؟؟؟؟؟؟؟؟؟؟؟
اسمحلي انت مسقتش العربيه دي من اساسه و يمكن مقعدتش فيها كمان

[tata12001]

موضع ممتاز، وياريت يتثبت

[ahmedlr]

اسمحلي انت مسقتش العربيه دي من اساسه و يمكن مقعدتش فيها كمان

ماشي يا باشا انا كذاب و مسقتهاش ...
قلنا انت رايك بس بشكل عملي و بدون تجريح في اراء حد ...

ولاحظ اني لما قولت ان العربية تاخد 6/10 مؤكد جربتها في ظروف كتير و علي سرعات وطرق مختلفة اكيد اكتر من مجرد انك

جربت العربيه مرتين اوتوماتك و مره مانيوال

و ايضا لاحظ اني بتكلم عن معيارالثبات وده بيضم موديلات كتير جدا منها مثلا السوبارو امبريزا و راي انها تاخد 8/10 و ايضا الفيرنا ورأي انها تاخد 4/10

و بالنسبة لمعيار الامان خد عندك الفورد فوكس و انا رايي فيها 9/10 و ايضا الجيتا و رايي فيها 8/10 .

و بصفة عامة ده رايي .. و كل واحد هنا بيقول رايه .

قول رايك في شكل ارقام ... و سيب الناس تحكم و بلاش تعصب غير مبرر

[amir]

طيب انا هجيب اصحاب الجين
هما بقي ساقو العربيه بدل المره مرات
و يمكن اكون غلطان و العربيه متسواش و ساعتها اكيد هدعيلك من قلبي لأني ببيع الصني و ان شاء الله اشتري جين
انما كلمه مني ليك علي بال ما ملاكها نفسهم يردو علي نقاطك
ازاي بتقارن عربيه ب 80 الف و شويه بعربيات ب 140-170 الف؟
و عموما انا مفيش تار بايت بيني و بينك علشان اتعصب و اتنرفذ
اطلاقا
بس المشكله ان كلامك عليها عكس ما يقال تماما و عكس اللي شفته بنفسي
قوللي انت اصدق ملاكها في المنتدي و اصدق نفسي معاهم ولا اصدق كلامك
عموما انا بعتذر ليك لغلطي في شخصك
و هاستني ملاكها يردو عليك بالارقام و كافه اوجه الاثباتات
كويس كده؟

[ahmedlr]

اولا : انا مقلتش خالص ان العربية متسواش بالعكس

مثلا.. انا رايي فيها ان

القيمة بالنسبة للسعر 7.5/10

وده رقم انا مديهوش بسهولة للجيتا ولا للفورد

اللي حضرتك بتقول عليهم

ازاي بتقارن عربيه ب 80 الف و شويه بعربيات ب 140-170 الف؟

الهدف هنا هو الوصول لمعايير مقارنة فعاالة تنفع الناس ... مش التشكيك في ارقام خاصة بعربية او اكتر من وجهة نظري.

و بعدين يا سيدي .. اعتبرني صعب الارضاء : )
ها قوللي .. في معيار تاني انت شايف اننا محتاجين نزودو ؟؟

[momenhamdy]

طيب انا هجيب اصحاب الجين
هما بقي ساقو العربيه بدل المره مرات
و يمكن اكون غلطان و العربيه متسواش و ساعتها اكيد هدعيلك من قلبي لأني ببيع الصني و ان شاء الله اشتري جين
انما كلمه مني ليك علي بال ما ملاكها نفسهم يردو علي نقاطك
ازاي بتقارن عربيه ب 80 الف و شويه بعربيات ب 140-170 الف؟
و عموما انا مفيش تار بايت بيني و بينك علشان اتعصب و اتنرفذ
اطلاقا
بس المشكله ان كلامك عليها عكس ما يقال تماما و عكس اللي شفته بنفسي
قوللي انت اصدق ملاكها في المنتدي و اصدق نفسي معاهم ولا اصدق كلامك
عموما انا بعتذر ليك لغلطي في شخصك
و هاستني ملاكها يردو عليك بالارقام و كافه اوجه الاثباتات
كويس كده؟

[gdwl]
يا دكتور امير الحرية مطلوبه في كل مجالات الحياه و مفيش مانع ان احد الاعضاء وواحد من ملاك الجين 2 يكون مختلف عليها دا عادي جداًجداً ...........
الفكره كلها ان الراجل شايف ان العربيه قيمتها غير مناسيه للطرق المصرية و مع ظروف سواقته للعربيه مش مدياله الي هو عوزه ودا من حقه ان يقول رأيه بكل وضوح حتي لو اختلفنا معاه ...... [/gdwl]

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
[gdwl]بس السؤال الاهم و الي حوجه للاستاذ احمد صاحب التقيم الخاص بالجين2

طب هو ليه حضرتك صابر علي العربيه يعني ليه بدل انك شايفها معادله فاشله او سلعه غير محققا لاهدافها ( و طبعاً الكلام دا من وجه نظرك الي لازم تحترم )
ليه مبعتش العربيه لغايت النهارده و صابر انك تركب عربيه مش عمليه بالنسبه لحضرتك
ارجو التوضيح .......

وتقبل تحياتي
[/gdwl]