إعـــــــلان

Collapse

.

,
See more
See less

مطلوب مقارنة بين بيرسونا / صني / اوبترا / أكسنت (جميع الكماليات اوتوماتك)

Collapse
X
 
  • Filter
  • الوقت
  • Show
Clear All
new posts

  • مطلوب مقارنة بين بيرسونا / صني / اوبترا / أكسنت (جميع الكماليات اوتوماتك)

    لو سمحتم كنت عايز مقارنة بين :

    بروتون بيرسونا
    نيسان صني
    شيفرولية أوبترا
    هيونداي أكسنت

    ( كلهم جميع الكماليت اوتوماتك )

    المقارنة من حيث :

    1- المحرك
    2-الكماليات
    3-العفشة
    4-سعة الشنطة
    5-جودة التقفيل
    6- التوكيل ( و مدى إنتشار مراكز الخدمة في المنصورة تحديداً )
    7-السعر...
    8-وسائل الأمان
    9-إستهلاك الوقود
    10-الثبات

    متشكر جداً .... و لو سمحتم يا ريت إستبعاد الآراء المبنية على بلد الصنع فقط !

  • #2
    السلام عليكم

    انا هحاول اساعدك باللى اعرفه



    المحرك :

    بروتون بيرسونا : 1600 يولد 110 حصان

    نيسان صنى : 1600 يولد 108 حصان

    شيفروليه اوبترا : 1600 يولد 107 حصان

    هيونداى أكسنت : 1600 يولد 112 حصان

    النتيجه : المحركات كلها متقاربه فى القوه

    ـــــــــــــــــــــــــــــــــــــــــــ

    الكماليات :

    بروتون بيرسونا : باور - سنتر لوك بريموت - تكييف - زجاج كهربا - مرايات كهربا - فرامل Abs و Ebd - ايرباج للسائق والراكب الامامى - راديو سى دى - باركنج سنسورز امامى وخلفى - فوج لايت - طاره ملتى فنكشن - جنوط 15

    نيسان صنى : باور - سنتر لوك بريموت - تكييف زجاج كهربا - مرايات كهربا - فرامل Abs و Ebd - ايرباج للسائق والراكب الامامى - راديو سى دى - فوج لايت

    شيفروليه اوبترا : باور - سنتر لوك بريموت - تكييف - زجاج كهربا - مرايات كهربا - راديو كاسيت - فوج لايت

    هيونداى أكسنت : باور - سنتر لوك - تكييف - زجاج كهربا - كاسيت سى دى

    النتيجه : البيرسونا أكثرهم كماليات يليها الصنى ثم الاوبترا واخيرا أكسنت

    ــــــــــــــــــــــــــــــــــــــــــــ

    العفشه :

    ده موضوع محتاج تجربه للعربيات الاربعه عشان تقدر تحدد الافضل

    هتكلم عن الاوبترا لانى امتلكها لمدة سنه الاوبترا عفشتها ممتازه ومش ناشفه ولا ناعمه متوسطه

    __________________________

    سعة الشنطة :

    الاوبترا والصنى والبيرسونا سعتهم متقاربه

    اما الأكسنت فأصغرهم

    ـــــــــــــــــــــــــــــــــــــــــــــــ

    جودة التقفيل :

    الاوبترا والاكسنت يتفوقوا على البيرسونا والصنى فى نقطة التقفيل

    ــــــــــــــــــــــــــــــــــــــــــــــ

    التوكيل :

    رأيى الشخصى ان منصور أفضلهم

    وخاصة ان الاوبترا عربيه قليلة المشاكل والعيوب فمش هتتعامل معاه غير فى الصيانات بس

    وبالنسبه للمنصوره ففى فرع هناك اسمه الغلبان

    بس الصراحه انا مش عارف ده مبيعات بس ولا فيه مركز صيانه برضه

    ــــــــــــــــــــــــــــــــــــــــــــــ

    السعر :

    البيرسونا : 92 الف

    نيسان صنى : 96 الف

    اوبترا : 94.500 الف

    الاكسنت : 84 الف

    ــــــــــــــــــــــــــــــــــــــــــــــــــ ــ

    وسائل الامان :

    موجوده فى البيرسونا والصنى وغير متوفره فى الاوبترا والاكسنت

    وفيه فئه متوفر فيها عوامل الامان فى الاوبترا ولكن اغلى ب 105 الف

    ــــــــــــــــــــــــــــــــــــــــــــــــــ ـــــ

    استهلاك الوقود :

    الاكسنت أقلهم استهلاكا

    وبعد كدا اوبترا وبيرسونا واخيرا صنى

    ـــــــــــــــــــــــــــــــــــــــــــــــــ

    الثبات :

    برضه ده موضوع محتاج تجربه للاربعه عربيات

    لكن نظريا الاكسنت اقلهم ثباتا

    نظرا لفرق الوزن وابعاد السياره



    أرجو انى اكون افدتك وربنا يوفقك للى فيه الخير
    [aldl]http://s17.postimg.org/ygne2hebj/F2000045710.jpg[/aldl]

    Comment


    • #3
      استاذ حسام ... متشكر جداً لحضرتك .. و على فكرة أنا كنت متوقع رد حضرتك على المقارنة دي

      بصراحة أنا رأيي البيرسونا ...
      سعر مناسب مقابل الإمكانيات + وسائل أمان + كماليات + ...

      الأكسنت أنا بصراحة بستغرب جدا جدا من التوكيل دا ... غريب جدا جدا ... ازاي ينزل عربية في الفئة دي من غير مرايات كهربائية ؟ ( دي المفروض اسمها "جميع الكماليات" ) !

      لكن الرأي الأخير لـ إللي هيشتري ..
      متشكر اوي

      Comment


      • #4
        المشاركة الأصلية كتبت بواسطة SuccessCre8or مشاهدة المشاركة
        استاذ حسام ... متشكر جداً لحضرتك .. و على فكرة أنا كنت متوقع رد حضرتك على المقارنة دي

        بصراحة أنا رأيي البيرسونا ...
        سعر مناسب مقابل الإمكانيات + وسائل أمان + كماليات + ...

        الأكسنت أنا بصراحة بستغرب جدا جدا من التوكيل دا ... غريب جدا جدا ... ازاي ينزل عربية في الفئة دي من غير مرايات كهربائية ؟ ( دي المفروض اسمها "جميع الكماليات" ) !

        لكن الرأي الأخير لـ إللي هيشتري ..
        متشكر اوي
        ياباشا انا مقدرش اتأخر

        خصوصا على حد محترم زى حضرتك

        وفعلا البيرسونا تمنها فيها

        كل عيوبها ان توكيلها مش اد كدا وده بقى سمة كل التوكيلات دلوقتى مفيش توكيل عدل

        وبعض عيوب التقفيل البسيطه من الممكن تقبلها

        وانت مذكرتش اعادة البيع من ضمن عوامل المقارنه

        مبروك عليك مقدما
        [aldl]http://s17.postimg.org/ygne2hebj/F2000045710.jpg[/aldl]

        Comment


        • #5
          متشكر لحضرتك على ذوقك ...
          مش أنا إللى هشتري إنشاء الله ... هو حد في العيلة يعنى.. و أنا حبيت (بما إني برونزي في نايل موتورز) أخد فكرة منكم...

          وانت مذكرتش اعادة البيع من ضمن عوامل المقارنه
          طب و حضرتك اية رأيك ؟
          طبعا البيرسونا أقل واحدة فيهم بس بنهيألي سوقها شغال يعني مش زي الأول .. ولا أية ؟

          Comment


          • #6
            المشاركة الأصلية كتبت بواسطة successcre8or مشاهدة المشاركة
            متشكر لحضرتك على ذوقك ...
            مش أنا إللى هشتري إنشاء الله ... هو حد في العيلة يعنى.. و أنا حبيت (بما إني برونزي في نايل موتورز) أخد فكرة منكم...


            طب و حضرتك اية رأيك ؟
            طبعا البيرسونا أقل واحدة فيهم بس بنهيألي سوقها شغال يعني مش زي الأول .. ولا أية ؟
            هو طبعا بروتون دلوقتى بقالها 3 سنين فى السوق وسوقها اتحسن عن اول ما نزلت

            لكن البيرسونا بالأخص لسه جديده ولسه سوقها مش معروف

            ممكن تبقى عامله زى الجين 2 فى البيع

            وممكن احسن وممكن اوحش الله اعلم

            بس اكيد هتكون أقل من الاوبترا والاكسنت
            [aldl]http://s17.postimg.org/ygne2hebj/F2000045710.jpg[/aldl]

            Comment

            Working...
            X