مقارنة في حدود ال45 , سيفيك,جوليت,ابيزا,جولف 433

[kalmah]

السلام عليكم
انا عارف ان المقارنة دية غريبة حبتين بس انا بدور حاليا ع انسب حاجة ليا في حدود ال 45
و لاقيت ان ال 45 ممكن تجبلي حاجة من الحاجات اللي كاتبهم فوق
و بصراحة ان نفسي من زمان اجيبلي سيفيك 92-94 مانيوال بس كنت عاوز اعرف المبلغ دة هيجبلي سيفيك si ولا اية ؟ و لو جت si ممكن اعدلها لي SIR ؟ و هدفع اد اية تقربيا
هيا مشكلتها اني هاخد وقت اكتر عقبال ما الاقي حاجة كويسة!!

بعد السيفيك علطول
يجي الجولف 3 و الابيزا 2002

العربيتين دول حلوين اوي و انا بعشق الهاتشباك بس انا بحس ان اداء السيفييك اشد منهم و اقوي بس المزة فيهم ان دول موديلا قريبة السيفيك مهما كانت بقالها 17 سنة شغالة يعني داخلة ع مؤبد

الاخيرة خالص و الجميلة الجوليت عربية كويسة ممكن الاقي منها نضيف بسهولة و تزبيطها سهل و يعتبر رخيص بس معنديش خلفية عن الاداء بتاعها

انا ببني مقارنتي علي الاساس
1- عربية تستحمل فحت و ردم
2-الاداء يكون جامد جدا
3- الشكل و الاعتمادية و طول عمر قطع الغيار


فياريت يا شباب تساعدوني في اختيار الافضل و عمل مقارنة شاملة و كتابة اسعار قطع الغيار و عمرها الافتراضي و في الاخر تجربة كل واحد مع العربيات دي

[mshamy]

السلام عليكم
انا عارف ان المقارنة دية غريبة حبتين بس انا بدور حاليا ع انسب حاجة ليا في حدود ال 45
و لاقيت ان ال 45 ممكن تجبلي حاجة من الحاجات اللي كاتبهم فوق
و بصراحة ان نفسي من زمان اجيبلي سيفيك 92-94 مانيوال بس كنت عاوز اعرف المبلغ دة هيجبلي سيفيك si ولا اية ؟ و لو جت si ممكن اعدلها لي SIR ؟ و هدفع اد اية تقربيا
هيا مشكلتها اني هاخد وقت اكتر عقبال ما الاقي حاجة كويسة!!

في زميل لينا عارض عربيته للبيع هوندا سيفيك 92 معدلة SiR و أعتقد كان طالب 47 الف و اعتقد ده سعر ممتاز

http://www.nilemotors.net/Nile/showthread.php?t=69364

لو جينا نحسبها حتجيب Si بسعر 45 حتبقى على الأقل محتاجة رش نظافة او قطع غيار او مكنة ثم علشان تسقط مكنة SiR بجميع مشتملاتها مش أقل من 10 الاف جنية يعنى دخلت على 55 الف...
فكر و شوف نفسك وربنا معاك

[kalmah]

العربية ما شاء لله جميلة اوي بس انا عاوز حاجة فاضية عشان ازبطها بدماغي و ميكنش حد هالكها